সরকারনা মমাংগী চহিদা পাঙথোকখিবগুম হৌজিক চৎনরিবা এম.এস.পি. স্কিমগী মখাদা লৌউবশিংদগী খরিফ ২০২০-২১গী মহৈ-মরোং লৈশিনবগী থবক লেপ্তনা চত্থরি। কে.এম.এস. ২০২০-২১গী ওইনা পঞ্জাব, হরয়ানা, উত্তর প্রদেশ, তমিল নাদু, চান্দিগর, জম্মু অমসুং কশ্মির অমসুং কেরলাগী লৌমী লাখ ৭.৮২দগী ১৮/১০/২০২০ ফাওবগী মনুংদা ফৌগী এম.এম.তি. ৯০.০৩ হেন্না লৈশিনবা ঙমদুনা থৌওং অসি লেপ্তনা অমসুং নীংথিনা চত্থরি।

মখা তাবা ওইনা ১৮/১০/২০২০ ফাওবগী মনুংদা সরকারনা মখোয়গী নোদেল এজেন্সীশিংগী খুত্থাংদগী এম.এস.পি.গী শেনফম লুপা করোর ৫.৪৮গী মুং অমসুং উরদ এম.তি. ৭৬১.৫৫ লৈশিন্দুনা তমিল নাদু, মহারাস্ত্রা অমসুং হরয়ানাগী লৌমী ৭৩৫দা কান্নবা ফংহনখ্রে। মসিগা মান্নবা ওইনা এম.এস.পি.গী শেনফম লুপা করোর ৫২.৪০গী য়ুবী অকঙবা (চহি চুপ্পা পুথোকপা মহৈ-মরোং) এম.তি. ৫০৮৯ লৈশিন্দুনা করনাতকা অমসুং তমিল নাদুগী লৌউবা ৩৯৬১দা কান্নবা ফংহনখ্রে। য়ুবী অকঙবা অমসুং উরদকী ওইনদি মসিবু য়াম্না পুথোকপা রাজ্যশিংদদি মসিগী মমল অসি এম.এস.পি.দগী হেন্দুনা চৎলি। খারিফকী হৱাইশিং অমসুং থাও শুংবদা শিজিন্নবা মরুশিং ফংবগী মতুং ইন্না মরী লৈনবা রাজ্যশিংনা লেপচবা তারিক্তগী হৌদুনা মরী লৈনবা রাজ্য/য়ু.তি. সরকারশিংনা লৈশিনবগী থবক পাংথোক্নবা মথৌ তাবা থৌরাংশিং লৌখৎপা হৌখ্রে।

মখা তানা, রাজ্যশিংদগী লাকপা প্রপোজেলদা য়ুম্ফম ওইরগা প্রাইজ সপ্পোর্ত স্কিম (পি.এস.এস.)গী মখাদা খারিফ মার্কেতিং সিজন ২০২০গী তামিল নাদু, কর্নাতকা, মহারাস্ত্র, তেলঙ্গনা, গুজরাত, হরিয়ানা, উত্তর প্রদেশ, ওরিশা, রাজস্থান অমসুং অন্ধ্র প্রদেশ রাজ্যশিং অসিগীদমক হৱাই অমসুং থাও শুংবদা শিজিন্নবা মরুশিংগী এল.এম.তি. ৪২.৪৬ লৈশিনবগী অয়াবা পীখি। মখা তানা, অন্ধ্র প্রদেশ, কর্নাতকা, তামিল নাদু অমসুং কেরেলা রাজ্যশিং অসিগীদমক য়ুবী অকংবা (চহি চুপ্পা পুথোকপা মহৈ-মরোং)গী এল.এম.তি ১.২৩ লৈশিন্নবা সেঙ্কসন তৌবগী অয়াবসু পীখি। অতোপ্পা রাজ্যশিং/য়ু.তি.শিংগী ওইনা পি.এস.এস.গী মখাদা হৱাইশিং, থাও শুংবদা শিজিন্নবা মরুশিং অমসুং য়ুবী অকংবা লৈশিন্নবগী প্রপোজেলশিং লাক্লবা মতমদা অয়াবা পীগনি মরমদি করিগুম্বা সেন্ত্রেল নোদেল এজেন্সীশিংনা রাজ্যনা খনবা প্রোক্যুরিং এজেন্সীশিং অসিগী খুত্থাংদা নোতিফাইদ তৌখিবা হর্বেসতিং পেরদ অসিগী মনুংদা হায়রিবা রাজ্যশিং/য়ু.তি.শিং অসিগী কৈথেলগী মমল অসি এম.এস.পি.দগী হন্থখ্রবদি হায়রিবা মহৈ-মরোংশিং অসি রেজিস্তর তৌরবা লৌমীশিংদগী হকথেংননা ২০২০-২১দা নোতিফাইদ তৌখিবা এম.এস.পি.দা হায়রিবা মহৈ মরোংশিং অসিগী এফ.এ.ক্যু. গ্রেদকী লৈশিনবা য়াগনি।

এম.এস.পি.গী মখাদা লশিং লৈশিনবগী থবকশিং অসি অৱাংথংবা রাজ্যশিং, মিং ওইনা পল্লবদা পঞ্জাব, হরিয়ানা, রাজস্থান্দা  লেপ্তনা অমসুং নীংথিজনা চত্থরি। থৌওং অসিগী ওইনা মমাং চহিগী মান্নবা মতমদা লৈখিবা বেল ১২৪৫গা চাংদম্নবদা হন্দক্কী চহিগী ওইনা ১৮/১০/২০২০ ফাওবগী মনুংদা লুপা লাখ ৪৬৬৯৭.৮৬কী শেনফমগী লশিং বেল ১৬৫৩৬৯ লৈখ্রে

*****