মাইনোরিতী এফেয়র্সকী কেন্দ্র মন্ত্রী শ্রী মুখতার অব্বাস নকবীনা হজ ২০২১গী পেন্দেমিক প্রোসিজন অসি য়েংলগা নেস্নেল-ইন্তর্নেস্নেল প্রোতোকোল গাইদলাইনশিংগী মখা পোনগনি হায়না ঙসি ফোংদোকখ্রে। শ্রী নকবীনা ঙসি ন্যু দিল্লীদা হজ ২০২১গা মরি লৈননা য়েংশিন মীফম অসিগী ময়ায় তাংবল লৌরদুনা হজ ২০২১ অসি জুন-জুলাইগী থাদা ওইগদবনি অদুবু কোরোনাগী লায়চৎ অসিগী য়েংলগা সাউদী অরাবিয়া সরকার অমদি ভারত সরকারনা মীয়ামগী হকশেল, শোই-ঙামদনবা অসি য়েংলগা মথৌ তাবা গাইদলাইনশিং অসি হেন্না মরুওইনা লৌদুনা হজ ২০২১গী মতাংদা অরোইবা ৱারেপ লৌগনি হায়না ফোংদোকখ্রে।

হজ কম্মিতী ওফ ইন্দিয়া, অতৈ ভারতকী এজেন্সীশিংনা হজ ২০২১গী ওইনা অতৈ থৌরাংশিং থুনা তৌবা হৌরগনি হায়না শ্রী নকবীনা ফোংদোকখ্রে। সাউদী অরাবিয়াগী সরকারগী মায়কৈদগী হজ ২০২১গা মরি লৈনবা ৱারেপ লৌরবা মতুংদা চেপাও পীনবা অমদি অতৈ থবকশিং চত্থনবা নিংথিনা লাউথোক্কনি হায়না শ্রী নকবীনা ফোংদোকখ্রে।  কোরোনাগী লায়চৎ অসি লৈরিঙৈদা গাইদলাইনশিং অসি য়েংলগী হজগী থবক থৌরাংশিং অসিদা চাউনা অহোংবা লাকপা য়াই হায়না শ্রী নকবীনা ফোংদোকখ্রে। মসিগীশিং অসিদা ভারত অমদি সাউদী অরাবিয়াদা একোমোদেসন, চত্থোক-চৎশিন, হকশেল অমদি অতৈ থবক-থৌরাংশিং য়াওরি।

কোরোনা লৈরিবা মতম অসিদা হজ চৎকদৌরিবশিংগী হকশেল-শই-ঙামদনবা অসি সরকারনা মরুওই হায়না শ্রী নকবীনা হায়খ্রে। ভারত সরকার অমদি অতৈ এজেন্সীশিংনা মসিগী মায়কৈ অসিদা মথৌ তাবা থৌরাংশিং তৌগনি। সরকার অমদি হজ কম্মিতীনা মসিগী মতাংদা মথৌ তাবা থবকশিং পাংথোকপা হৌখ্রে।

ভারতকী চাদা চামগী দিজিতেল ওইবা হজগী থবক-থৌরাংশিংগী মহৈনা কোরোনাগী মতমদা হজ ২০২০দা চৎপা ঙমখিদবা মীওই লাখ ১গা লিশিং ২৩গী লুপা করোর ২১০০ অসি কেস্নেল তৌখ্রবা মতুংদা অমত্তা কক্তনা দি.বি.তি.গী থোংদগী হন্দোকখ্রে হায়না শ্রী নকবীনা হায়খ্রে। সাউদী অরাবিয়া সরকারনসু ২০১৮-১৯গী হজ চৎখিবশিংগী চত্থোক-চৎশিনগী লুপা করোর ১০০রোম হন্দোকখ্রে। মসিদা নত্তনা হৌখিবা চহি ৩গী মতমগী হজ চৎখিবশিংগী অহেনবা শেল লুপা করোর ৫১৪রোমসু হন্দোকখ্রে হায়না শ্রী নকবীনা ফোংদোকখ্রে। ভারত্তা চাদা চামা দিজিতেল ওইবা  হজগী থবক-থৌরাংগী মহৈনা ঙসি কোরোনা লায়চৎ অসিগী মতমদসু চুমদ্রিংনা একাউন্তা হাপখিবা অসি হজগী থবক-থৌরাংগী পুৱারীদা অহানবনি।

ঙসিগী হজ ২০২১গী য়েংশিন মীফম অসিদা মাইনোরিতী এফেয়র্স মন্ত্রালয়গী সেক্রতরী শ্রী পি.কে. দাস অমদি অতৈ মকোক থোংবা ওফিসিএলশিং, এক্সতর্নেল এফেয়র্সকী জোইন্ত সেক্রতরী শ্রী বিপুল সিভিল এভিএয়ন মন্ত্রালয়গী জোইন্ত সেক্রতরী শ্রী এস.কে. মিশ্রানা শরুক য়াখি। মখোয়শিং অসিদা নত্তনা সাউদী অরাবিয়াদা লৈবা ভারতকী এম্বাসেদর দা. ঔসাফ সঈদ, জেদ্দাদা লৈবা ভারতকী এক্তিং কাউন্সল জেনরেল  শ্রী ৱাই সাবির, হজ কম্মিতী ওফ ইন্দিয়াগী সি.ই.ও.  শ্রী এম.এ. খান অমদি হকশেল মন্ত্রালয়, এয়র ইন্দিয়ানচিংবা বিভাগশিংগী ওফিসিএলশিংনা ভিদিও কনফরেন্সকী থোংদা মীফম অদু শরুক য়াখি।

*****