اسٹارٹ اپ اور صنعتوں کو جلد ہی پورے ملک میں پھیلے ہوئے مختلف اداروں، یونیورسٹیوں اورکالجوں میں آلات اور ایس اینڈ ٹی بنیادی ڈھانچے تک رسائی حاصل ہوگی، جس کی انہیں اپنے آر اینڈ ڈی ٹکنالوجی اور پیداوار بڑھانے کے تجربو ں اور استعمال کے لئے ضرورت ہے۔

ڈی ایس ٹی یونیورسٹیوں اور اعلیٰ تعلیمی اداروں میں سائنس وٹکنالوجی کے بنیادی ڈھانچے کو بہتر بنانے کے اپنے فنڈ (ایف آئی ایس ٹی) کے پروگرام کی تشکیل نو کررہی ہے، جس کے تحت یہ یونیورسٹیوں اور اعلیٰ تعلیمی اداروں میں تدریس اور تحقیق کے لئے بنیادی ڈھانچے نیٹ ورک کے قیام کو بڑھاوا دینے کا حمایت کرتا ہے اور اسٹارٹ اپ اور صنعت کی اعلیٰ سطح ایس اینڈ ٹی بنیادی ڈھانچہ ضرورتوں کو پورا کرتا ہے۔ ایف آئی ایس ٹی کےصلاح کار بورڈ کے نئے چیئرمین ڈاکٹر سنجے نے کہا کہ زبردست طور پر کامیاب ایف آئی ایس ٹی پروگرام کو اب اتم نربھر بھارت کے مقصد کی طرف رخ کرنے کے لئے اس میں تبدیلی کرکے اس میں نیا پن لاکر ایف آئی ایس ٹی 0-2 لایا جائے گا تاکہ نہ صرف تجرباتی کام کے لئے تحقیق وترقی کا بنیادی ڈھانچہ تیار کیا جاسکے بلکہ تھیورٹیکل کام، نظریات اور صنعت کاری کو بھی پورا کیا جاسکے یہ ایف آئی ایس ٹی 0-2 کے لئے ایک پیراڈیگم تیار کرے گا۔

سائنس وٹکنالوجی کے محکمے کے سکریٹری پروفیسر آشوتوش شرما نے کہا کہ ملک میں سائنس وٹکنالوجی کے بنیادی ڈھانچے کی تشکیل میں زبردست سرمایہ کاری کی گنجائش ہے جو ملک میں ہر سال دسیوں ہزار کروڑ روپے میں چل رہی ہیں، جو آسانی سے استعمال کے ساتھ مؤثر  اور شفاف اور طریقوں کے ایک دوسرے تبادلے کے ساتھ کئی گنا قیمت لائے گا۔

......................

          م ن، ح ا، ع ر

18-10-2020

U-6509