কেন্দ্রগী লৌউশিংউ অমসুং লৌমীশিংগী য়াইফ-থৌরাং, ফুদ প্রোসেসিং ইন্দস্ত্রী, খুঙ্গং চাওখৎ থৌরাং অমসুং পঞ্চায়তি রাজকী মন্ত্রী শ্রী নরেন্দ্র সিংহ তোমারনা  ওক্তোবর ১৬তগীনা ২২, ২০২০ ফাওবা পাঙথোক্কদবা ইন্দিয়া-ইন্তর্নেসনেল ফুদ এন্দ এগ্রি ৱীক ঙসি ভর্চুএল ওইনা হৌদোকখ্রে। হৌদোকপগী তাংকক্তা ৱা ঙাংলদুনা শ্রী তোমারনা হায়খি মদুদি ইন্দিয়ন ফুদ প্রোসেসিং সেক্তর অসি ভারতকী চীঞ্জাক্কী কৈথেলগী চাদা ৩২ ওইরি। মহাক্না হায়খি মদুদি এগ্রো অমসুং ফুদ তেক অসিগী পান্দম অসি লৌমীশিংগী চাগা হেনগৎনবগীদমক চীঞ্জাক অমসুং লৌউশিংউগী সেক্তরদা তেক্নোলোজী শীজিন্নবনি। মহাক্না হায়খি মদুদি হায়রিবসি প্রধান মন্ত্রী শ্রী নরেন্দ্র মোদীনা লৌমীশিংগী চাগা ২০২২ ফাওবদা শরুক অনি থোক্না হেনগৎনবগীদমক থমখিবা পান্দম অদুগী শরুক অমনি।

       চীঞ্জাক অমসুং লৌউশিংউগী সেক্তরগী শক্তিগী মরমদা ঙাংলদুনা শ্রী তোমারনা হায়খি মদুদি ভারতকী লৌউশিংউ অমসুং খুঙ্গংগী শেন্মিৎলোন অসি য়াম্না মপাঙ্গল লৈ। মহাক্না হায়খি মদুদি মতীক চানা কৈথেলদা পুথোকপীবা অমসুং খ্বাইদগী নৌবা তেক্নোলোজী শীজিন্নবনা লৌউশিংউগী সেক্তরদা কা হেন্না চাওখৎহনবা ঙমগনি অমসুং মশক থোকপা খোঙথাং কয়া মাইকৈ অসোমদা প্রধান মন্ত্রী শ্রী নরেন্দ্র মোদীগী লুচিং মখাদা লৌখৎখ্রে। মহাক্না মখা তারদুনা হায়খি মদুদি লৌউশিংউগী জি.দি.পি. গ্রোথ রেৎ অসি চাদা ৩.৪নি অমসুং সেক্তর অসিনা কোবিদকী মনুংদফাওবা ভারতকী শেন্মিৎলোন চাওখৎনবা হোৎনবদা অচৌবা থৌদাং লৌখি। এম.ও.এফ.পি.আই.না 'অন্না দেবো ভাবা' কৌবা মীয়াম ৱাখল তাহন্নবা কেম্পেন অমা থৌরম অসিবু মশক তাক্নবা ওইনা হৌদোকখ্রে। মহাক্না চীঞ্জাক্কী মমলগী মতাংদা মীয়াম ৱাখল তাহন্নবা হোৎনবগা লোইননা ঐখোয়না চীঞ্জাক মাংহনবা হন্থনবা মাইকৈদসু মীৎয়েং চঙগদবনি।

এম.ও.এফ.পি.আই.গী থৌরাংশিংগী মতাংদা শন্দোক্না তাক্লদুনা মহাক্না আত্মনির্ভর ভারত অভিয়ানগী মখাদা এম.ও.এফ.পি.আই.না পি.এম.এফ.এম.ই. (পি.এম. ফোর্মেলাইজেসন ওব মাইক্রো ফুদ ইন্তর্প্রাইজেস) স্কিম অমা লুপা করোর ২০,০০০গা লোইননা হৌদোকখ্রে। স্কিম অসিনা ক্রেদিৎ লিঙ্ক তৌরবা সবসিদী পায়বা মাইক্রো ফুদ প্রোসেসিং য়ুনিৎ লাখ ২রোম ঙাক্লৌ পীগনি অমসুং মসিনা এস.ঐচ.জি. এফ.পি.ও. অমসুং কোতেজ ইন্দস্ত্রীদসু ঙাক্লৌ পীনবা মীৎয়েং থমগনি। কেন্দ্রগী মন্ত্রীনা হায়খি মদুদি এম.ও.এফ.পি.আই.না চাবা য়ারবা চীঞ্জাক অমসুং মনা মশিংবু এক্সপোর্ত মার্কেৎকীদমক মমিং লৌখৎখ্রবা কম্মর্স মন্ত্রালয়গা পুন্না থবক তৌমিন্নরি। সরকার অসি চীঞ্জাক্কী পোত্থোকশিংবু ব্রান্দিং তৌবা অমসুং মার্কেৎ দিবেলপমেন্ত বোর্দ শেম্বগী মাইকৈদা চঙশিল্লি।

শ্রী তোমারনা হায়খি মদুদি এম.ও.এফ.পি.আই.না ফার্ম গেত্তগীনা রিতেল আউৎলেৎ ফাওবগী ইফিসিএন্ত ওইরবা সপ্লাই চেন মেনেজমেন্তকা লোইননা অনৌবা ইনফ্রাস্ত্রকচর শেমগৎনবগীদমক পি.এম. কিসান সম্পদ স্কিম হৌদোকখ্রে। এম.এফ.পি. স্কিম অসি পি.এম.কে.এস.ৱাই.গী য়াম্না মরুওইবা মচাক অমনি, মসিগী পান্দমদি লৌউশিংউগী পোত্থোকশিংবু লৌমী, প্রোসেসর অমসুং রিতেলরশিং অমত্তা ওইনা পুনশিন্দুনা কৈথেলগা শম্নহনবা হায়বনি। হৌজিকফাওবগী ওইনা, এম.এফ.পি. ৩৭ অয়াবা পীখ্রে মসিগী মনুংদগী ২০ অমনা থবক হৌখ্রে। মন্ত্রালয় অসিনা ওপরেসন গ্রীন স্কিম্বু তোপতগী তোতেলদা পাক শন্দোক হনখ্রে। স্কিম অসিগী মখাদা, মন্ত্রালয় অসিনা ইলিজিবল ওইবা মহৈমরোংশিং থা তরুক্কী ওইনা সর্প্লাস প্রদক্সন সেন্তরদগী কঞ্জুম্পসন সেন্তর ফাওবা পুথোক পুশিন তৌবদা চাদা ৫০গী সবসিদী পীগনি অমসুং/নত্ত্রগনা ইলিজিবল ওইবা মহৈ মরোংগী চুন্নবা স্তোরেজ ফেসিলিতী ৱাইবদা (খ্বাইদগী শাংলবদা থা অহুমগী)।

এগ্রো অমসুং ফুদ তেক্কী ১৪শুবা ইদিসন্দা ৱা ঙাংলদুনা শ্রী তোমারনা হায়খি মদুদি মসি লৌউশিংউ অমসুং মসিগা মরী লৈনবা সেক্তরশিংদা লৈরিবা পোত্থোক, সর্বিস অমসুং তেক্নোলোজীশিং উত্থোক্নবগী চুন্নরবা ফম্বাক অমনি। মহাক্না হায়খি মদুদি থৌরম অসিদা শরুক য়ারিবা স্তেকহোল্দর খুদিংমক্না থৌরম অসিদা পুথোক্লিবা খ্বাইদগী নৌবা তেক্নোলোজী, সোলুসন অমসুং খুদোংচাবশিং অসিদগী কান্নবা ফংজরগনি।

সি.আই.আই.না লৌউশিংউ অমসুং লৌমীশিংগী য়াইফ থৌরাং মন্ত্রালয়, ফিসরিজ অমসুং এনিমেল হজবেন্দরী মন্ত্রালয় অমসুং ফুদ প্রোসেসিং ইন্দস্ত্রী মন্ত্রালয়, ভারত সরকারগা খুৎশম্নদুনা ইহান হানবা ভর্চুএল সি.আই. এগ্রো এন্দ ফুদ তেকঃ ইন্দিয়া ইন্তর্নেসনেল ফুদ এন্দ এগ্রি ৱীক ওক্তোবর ১৬তগী ২২, ২০২০ ফাওবা সি.আই.আই. হাইব – ভর্চুএল প্লেৎফোর্মদা লৌউশিংউ অমসুং মসিগা মরী লৈনবা সেক্তরদা লৈরিবা স্তেকহোল্দরশিংদা কান্নবা পীনবা ফম্বাক অমা শাগৎনবা পান্দম থম্লি। শ্রী উদয় কোতাক, প্রসিদেন্ত, সি.আই.আই. অমসুং শ্রী নিখিল সোনে, চিয়র্মেন, সি.আই.আই. নোর্দর্ন রিজনসু থৌরম অদুদা ৱা ঙাংখি।

*****