মালেম অসিদা লৈরিবা নহাশিংবু হেন্না শক্তি লৈনবা লৈবাকশিংগী মরক্তা লৈরিবা ৱাখল্লোন অমসুং ৱারিশিং শান্নবা পান্দম থমদুনা ২০২০গী ওক্তোবর ১৫দা ৱাই২০ গ্লোবেল সম্মিততা য়ুথ এফিয়র্স অমসুং স্পোর্তকী কেন্দ্রগী মন্ত্রী শ্রী কিরেন রেজিজুনা ভারতকী মহুৎ শিন্দুনা শরুক য়াখ্রে৷                                                                                                                                                  

নহাশিংগীদমক কোবিদকী মতুং তারকপদা লাক্কদৌরিবা খুদোংচাবশিং অদু খন্না নৈনবগী থৌরম অদুদা শ্রী কিরেন রেজিজু, ইতালীগী হান্নগী প্রধান মন্ত্রী সেনেতর মেতিও রেঞ্জি, য়ুথ পোলিসিস অমসুং য়ুনিভর্সেল সিভিক সর্ভিস দিপার্তমেন্তগী হেদ, ইতালীগী মন্ত্রীশিংগী কাউন্সিলগী প্রসিদেন্তগী ফম পাইরিবা দা. ফ্লাবিও সিনিস্কেলচাই, কম্ম্যুনিতী, কলচর অমসুং য়ুথ মন্ত্রালয়গী অমসুং ত্রেদ অমসুং ইন্দস্ত্রী(সিঙ্গপুর)গী রাজ্যগী মন্ত্রী ঐচ.ই.এলবিল তাননা খন্না নৈনবগী থৌরম অদুদা শরুক য়াখি৷ সাউদি অরাবিয়ানা চহি অসিগী ৱাই২০ সম্মিতকী য়ুম্বু ওইখ্রে৷

কোবিদ-১৯ লাইনা-লাইচৎ অসিনা মালেম শিনবা থুংনা পীরিবা চেলেঞ্জশিং অসি থেংন্নবা নহাশিংবু মীকপ থোকহন্দুনা মথৌ তৌহনবগী মতম ওইরে হায়না শ্রী কিরেন রেজিজুনা মীফম অদুদা ফোংদোকখ্রে৷ ভারতকী এক্সপরিয়েন্স অদু পুথোক্তুনা শ্রী কিরেন রেজিজুনা অসুম্না ফোংদোকখ্রে, “নহাগী মশিং য়াম্না লৈবা লৈবাক অমা ওইরুবনা মীয়ামশিংগী মরক্তা এৱেয়রনেস পীন্নবগীদমক য়ুথ এফিয়র্স মন্ত্রালয়গী নহা ওইরিবা ভোলুন্তিয়র মিলিয়ন ৬.৫ হেন্না মাং থানা চোংথোরক্তুনা কোবিদ লাইনা-লাইচৎ অসিগী মনুংদা ভারতনা মহাক্কী লৈরিবা নহাশিংবু মাই পাক্না মথৌ তৌহনখ্রে৷ কোবিদনা ঐখোয়দা মমাংদা থোকখিদ্রিবা চেলেঞ্জশিং পীরে অমসুং নহাশিংবু ভোলুন্তেরিজমদা শোইদনা মথৌ তৌহনবা অসিনা ঐখোয়গী প্রধান মন্ত্রী শ্রী নরেন্দ্র মোদিগী মংলান ওইরি অমসুং লাক্কদৌরিবা থা খরা অসিগী মনুংদা পোস্ত কোবিদ চেলেঞ্জশিং অসি মখা তানা থেংন্নবা ভারতনা ভোলুন্তিয়র মিলিয়ন ১০রোম লৈরগনি৷”

পোস্ত কোবিদ ৱল্দদা মশা মরোমদোন লেপচবা ঙম্ননবগী তঙাই ফদবা অদুগীদমক প্রধান মন্ত্রীগী লুচিং মখাদা ভারততা পোলিসী অমা চৎনখ্রে হায়না শ্রী কিরেন রেজিজুনা ফোংদোকখ্রে৷ “মমাংগী থা খরা অসিদা মালেম অসি অৱাবা ময়াম অমা মাইয়োক্নরে অমসুং য়াম্না চাউনা শোকহন্দুনা মাংহন তাকহল্লে৷ অদুমওইনমক হৌজিক্তি ঐখোয় মাংলোমদা চংশিনবগী অমসুং ঐখোয় পুম্নমক মীকপ থোকপগী মতম ওইরে৷ পোজিতিব ওইবা ৱাখল্লেন অমা থম্বা য়াম্না মরু ওই৷ ভারততা নহাশিংবু মশা মতোমতা লেপচবা ঙম্নবা নত্রগা অত্মনির্ভর ওইবা ঙম্ননবগীদমক অমসুং হিংবদা চংলিবা অৱাৎ-অপা অদুগীদমক অচৌবা ইকোনোমিক পেকেজশিং লাউথোকখ্রে৷ মতম অসিদা হকচাং অমসুং ৱাখল ফিৎ ওইনা লৈবা য়াম্না মরু ওই৷ লৈবাক অসি শিনবা থুংনা শন্দোক্লিবা প্রধান মন্ত্রীনা শাগৎচখিবা ফিৎ ইন্দিয়া মুভমেন্ত অসি হৌজিক্তি মীয়ামগী ইহৌ ওইরে অমসুং মসিনা ঐখোয়গী লৈবাক মীয়ামশিংবু ৱাখল অমসুং হকচাং ফিৎ ওইনা থম্বা মতমদা অচৌবা থৌদাং লৌখ্রে৷” অসিগুম্বা লুরবা মতম অসিদা ফিজিকেল অমসুং মেন্তেল হেল্থ হেন্না ফনা লৈহনবা অমসুং ফাইনান্সিয়েল সেকুরিতী লৈহনবা অসিনা নহাশিংগী পাঙ্গল শক্তি হেঙ্গৎপা ঙমগনি হায়দুনা শ্রী কিরেন রেজিজুনা তেন্তক্না ফোংদোকখ্রে৷