রোদ ত্রান্সপোর্ত, হায়ৱেজ অমসুং এম.এস.এম.ই.গী কেন্দ্রগী মন্ত্রী শ্রী নিতিন গদকরীনা মহারাস্ত্রগী সরকারনা রাজ্য অসিনা তোইনা থোক্লিবা ঈশিং ঈচাউগী অৱাবা অসি কোকহন্নবা স্তেৎ ৱাতর গ্রিদ শেম্নবা দিতেল্দ প্রোজেক্ত রিপোর্ত (দি.পি.আর.) শেম্নবা থৌরাং পাইখৎনবা খঙহনখ্রে। মসিনা সরকারনা ঈকং থোক্কনবা মফমশিংদা ঈশিং ফংহনবদা অমসুং ঈশিং ঈচাউগী অৱাবা কোকহন্নবা হোৎনবদা রিসোর্স শীজিন্নবা হন্থবদা মতেং ওইগনি। ওক্তোবর তাং ১৪, ২০২০দা মুখ্য মন্ত্রী শ্রী উধব থাক্রে, মহাক্কা কেবিনেৎতা থবক তৌমিন্নরিবা শ্রী শরদ পাৱর, এম.পি.দা চেরোল অমা থাদুনা সমস্যা অসিগী মতাংদা রাজ্য সরকারনা ঙন্না ৱারেপ লৌহৌদুনা থবক পাইখৎনবা খঙহনখ্রে।

চহি খুদিংগী ঈশিং ঈচাউনা মরম ওইরগা মহারাস্ত্রদা মীওই কয়াগী পুন্সি মাংবা অমসুং লনথুম চাউনা অমাং অতা থোকহল্লিবা অরুবা সমস্যা অসিগী মতাংদা চেরোল অসিদা মুখ্য মন্ত্রীগী পুক্নিং চীংশিনখি। ঈশিং ঈচাউ অসিনা রাজ্য অসিগী তোঙান তোঙানবা মফমশিংদা অচৌবা অৱাবশিং থোকহল্লি অমসুং খুৎশেমগী ওইবা অতোপ্পা মরম কয়ানা হেন্না ফীভম লুশিলহল্লিবা মহৌশাগী ওইবা খুদোংথিবা অসি লাকশিন্নবা থৌরাং অমা অথুবদা লৌখৎপা মথৌ তারে হায়না মহাক্না মখা তাখি।

নেস্নেল পাৱর গ্রিদ অমসুং হায়ৱে গ্রিদকা লোয়ননা খুৎশম্নদুনা মহারাস্ত্র সরকারনা স্তেৎ ৱাতর গ্রিদ শেম্নবগী অচৌবা প্রোজেক্ত অসি পাইখৎনবা কেন্দ্রগী মন্ত্রীনা ফোঙদোকখি। রাজ্য অসিগী ঈকং তোইনা থোক্লিবা মফমদা লৈবা অতোপ্পা তুরেল খোঙনুংদা ঈচাউ থোকহল্লিবা ঈশিং অদু তুরেল খোঙনুং অমদগী থাদোকখিনবা ৱাখল্লোন্নি। ঈশিং তাংবা মফম, নোং লিক্না তাবা মফমদা গ্রিদ অসিনা অৱাবা কোকহল্লগনি। মসিনা মফম অদুগী ঈথৈ লৌউখোঙগী মখাদা লৈবা মফমশিং হেনগৎহনবদা মতেং পাংলগনি, অমরোমদা মসিনা লৌমীশিংনা মথন্তা শীজবগী মশিং চাউনা হন্থহনবা ঙম্লগনি। ঈথৈ লোউখোঙ ৫৫% হেন্না মপুং ফানা ফংলিবা মফমশিংদা লৌমীশিংনা মথন্তা শীজবগী থৌদোক অসি হন্থবা ঙমহল্লি হায়না তোঙান তোঙানবা স্তদীশিংনা উৎলি হায়না চিথি অসিনা ফোঙদোক্লি।

মন্ত্রীনা হায়খি মসিনা লৌউ-শিংউগী পোত্থোক হেগৎহনবা অমসুং খুঙ্গং অমদি লৈবাক অসিগী শেন্মীৎলোনগী মপাঙ্গল কনখৎহনবদা মতেংসু পাংলগনি। ঈচাউগী ঈশিং থৈদোকখিবা অসিনা লোকেল রিসোর্সশিং চৎহনবা হন্থরগনি। তুংলমচৎতা তুরেল (ৱাতর ত্রান্সপোর্ত)কী খুত্থাংদা পোৎ অমসুং পেসেঞ্জরশিং পুথোক পুশিন তৌবা হৌবা য়ারগনি। করিগুম্বা অসিগুম্বা প্রোজেক্ত অসি তঙাই ফদবা ইনফ্রাস্ত্রকচর ওইনা লৌখৎপা তারবদি মসিগা লোয়ননা ঙা ফাবা অমসুং অতোপ্পা ললোন-ইতিক মাই পাক্না তৌবা য়াহন্দুনা চাউনা থবক ফংহনবা ঙমগনি।

শ্রী গদকরীনা হায় মহাক্কী মন্ত্রালয়না হাইৱেশিং শানবা ৱাতর বোদীশিং, ঈথৈ-লৌখোংশিং অমসুং তুরেলশিংদগী সোইল/মুরুম শিজিন্নরগা ৱাতর কঞ্জর্বেসন পাংথোক্লি। মসিগী এন.ঐচ. শেম্বা অমসুং ৱাতর কঞ্জর্বেসন তৌবগী অপুনবা থবক অসিনা ৱাতর স্তোরেজ কেপাসিতী হেনগৎহনবতা নত্তনা অকোইবগী ফীভমসু ফগৎহল্লে। অহানবদা মসিগী থবক অসি বুলধনা জিলাদা পাইলোৎ প্রোজেক্ত ওইনা পাকশন্না পাইখৎপনা মরম ওইদুনা মসিগী মমিং ‘বুলধনা পেত্তর্ন’ হায়না কোই। মহারাস্ত্রদা মসিগী থবক অসিনা ৱাতর বোদীশিং, দ্রেনশিং অমসুং তুরেলশিং অসিদগী মেতরিএল ক্যুবিক মিতর লাখ ২২৫রোম হায়ৱেগী থবকশিংদা শীজিন্নখ্রে লোয়ননা “রাজ্য সরকারনা শেল চংদনা” ঈশিংগী স্তোরেজ কেপাসিতী তি.সি.এম. (থাওজন ক্যুবিক মিতর) ২২৫০০ হেনগৎহনবা ঙমখ্রে। মসিনা গ্রাউন্দ ৱাতর তেবল চার্জ তৌখ্রে। তুরেল, দ্রেনশিং অসিনচিংবা লুথহনবা অমসুং ত্রেনিং তৌবনা ঈশিং ঈচাউ হন্থহনখ্রে, অমরোমদা তুরেশিং অমসুং দ্রেনশিংগী দিসচার্জ তৌবগী কেপাসিতী হন্থবনা মরম ওইরগা মনাক নকপা লৌবুক্তা শন্দোক্লি। খোঙথাং অসি থাগৎনরক্লি অমসুং নিতি আয়োগনা য়াখ্রে, মখোয়না তৌরিবা থবক অসিদা য়ুম্ফম ওইরগা পোলিসী শেম্বগী প্রোসেস্তা লৈরি।

মন্ত্রীনা মখাতানা হায় ৱার্ধা অমসুং নাগপুর জিলাশিংদা শিজিন্নরিবা তামসৱারা পেত্তর্ন অসি নোংগী ঈশিং হার্বেস্ত, কঞ্জর্বেসন তৌনবা অমসুং লৈনুংগী ঈশিং রিচার্জ তৌনবা অতোপ্পা খোঙথাং অমনি। মসিগী থবকশিং অসি সাইন্তিফিক্তা অমসুং হাইদ্রোজিওলোজী, তোপোগ্রাফী অমসুং সিবিল ইঞ্জিনিয়রিংদা য়ুম্ফম ওইবা মিনি-মাইক্রো ৱাতরশেদশিং মপুংফানা শাবদা য়ুম্ফম ওইরগা পাইখৎপনি। থবক অসি চিংথক্তগী তম্পাকলোমদা তঙাইফদনা পাইখৎলি। তমসৱারা পেত্তর্ন অসি লৈমাইদা পাকশন্না ফংবা নোংগী ঈশিং অমসুং লৈনুংগী ঈশিং তুংশিনবদা চাওনা মতেং পাংই। মসিনা ঈচাউ থোকহন্দবা অমসুং ঈকং থোকহন্দবা ফীভম অমা শেমগৎলিবা ৱাতরশেদতা ওইহল্লি। মসিগী থবকশিং অসি ত্রেদিস্নেল ৱাতর বোদীশিং প্রিজর্ব অমসুং কঞ্জর্ব তৌবদগী পাইখৎপা ঙম্বনি।

***