গ্লাস অসি নন-খ্রিস্তেল ওইবা, অয়াম্বনা মসি শৌদোক্লবা মওং অদু রেপিদ কুলিং তৌরগা শেম্বা ত্রান্সপরেন্ত এমোর্ফস সোলিদ ওইগনবা অমনি। অদুম ওইনমক ফীভম খরদা, মসি শেম্বা মতমদা শৌদোক্লবা গ্লাস অসি তাহন্নীংবা মওং তাদবা অমসুং খ্রিস্তেলদা ওনখিবা য়াই – মসি হেন্না স্তেবল ওইবা স্তেৎনি, মসিগী প্রোসেস অসি দেবিত্রিফিকেসন কৌই।

অদুম ওইনমক প্রোসেস অসি য়াম্না তপ্পা ওইবনা দেবিত্রিফিকেসনগী প্রোসেস অসি মপুং ফানা খঙবা ঙমদে, অমসুং মসিনা মরম ওইরগা থিজিনবদা অৱাবা ওইহল্লি। হৌজিক্তি সাইন্তিস্তশিংনা দেবিত্রিফিকেস অসি এক্সপরিমেন্ত অমদা ভিজ্যুএলাইজ তৌবা ঙম্লে অসুম্না তৌদুনা মসি হেন্না খঙবা হেনগৎহল্লগনি। মসি থোকহন্দবা য়াম্না মথৌ তাবা সেক্তর অমা ওইরিবা - ফার্মা ইন্দস্ত্রীশিংগী প্রোসেস্তা দেবিত্রিফিকেসন থোকহন্দবদা মতেং পাংবা য়ারগনি। মরমদি এমোর্ফস দ্রগ অসি দেবিত্রিফিকেসনগী মতুংদা হেন্না থুনা তুম্মি অমসুং স্তোর তৌদুনা থম্বা মতমদা মসি তঙাই ফদনা এমোর্ফস ওইদুনা লৈহনবা তাই।

ভারত সরকারগী সাইন্স অমসুং তেক্নোলোজী বিভাগ(দি.এস.তি.)গী ওতোনোমস ইন্সতিত্যুত অমা ওইরিবা জৱাহর্লাল নেহরু সেন্তর ফোর এদভান্স সাইন্তিফিক রিসর্চকী ফিজিকেল সাইন্সেস (২০২০) কেতগোরীদা শান্তি স্বরুপ ভাতনগরগী মনা ফংখ্রবা প্রোফেসর রাজেশ গনপতীনা লুচিংবা রিসর্চ তিম অমনা প্রোফেসর এজে সুদ (আই.আই.এস.সি.) অমসুং মহাক্কী গ্রেজ্যুৎ মহৈরোয় কুমারি দিব্যা গনপতী (আই.আই.এস.সি.)গা লোয়ননা চুংশিন্নদুনা কোলোইদেল পার্তিকলশিংনা শাবা গ্লাস অসি ওবজর্ব তৌখি অমসুং নুমিৎ কয়া মখোয়গী দাইনামিকশিং অদু মোনিতর তৌখি।

গ্লাসদা য়াওরিবা অপীকপা স্ত্রকচরেল ফীচরশিং অদু খঙদোক্নবা ওপ্তিকেল মাইক্রোস্কোপ অমসুং মেছিন লর্নিংগী পাম্বৈশিং শীজিন্নবগা লোয়ননা পার্তিকলশিং রিএল-তাইম ওইনা মোনিতর তৌরি, মখোয়না ‘সোফনেস’ কৌবা পেরামিতর অমা খঙদোকপা ঙমখি, মসিনা দেবিত্রিফিকেসনগী চাং অদু লেপ্পি। মখোয়না খ্রিস্তেলাইজ ওইহন্নবা “সোফনেস”কী ভেল্যু য়াম্না য়াওবা পার্তিকল ক্লস্তর লৈরিবা গ্লাসগী মফমশিং অদু খঙবা ঙমখি অমসুং হায়রিবা “সোফনেস” অসি খ্রিস্তেলাইজেসন রুৎতসু সেসিতিব ওই।

অথরশিংনা মখোয়গী মেছিন লর্নিং মোদেলনা কোলোইদেল গ্লাসকী মমিং অমা লৌহল্লি,অমসুং মোদেল অসিনা মাংজৌননা খ্রিস্তেলাইজ তৌগদবা মফমশিং অদু মরিক চুম্না খঙদোকখি। অথরশিংনা হায়রি ইমপ্যুরিতীশিং হাপচিন্দুনা “সোফনেস” অসি শেমদোক্নবা তেক্নিকশিংনা গ্লাসগী স্তেৎশিং কুইনা চৎহনবদা মতেং পাংবা ঙম্বা য়াই মসিগী মশিং য়াম্লবা তেক্নোলোজীগী ওইবা এপ্লিকেসনশিং লৈ। খুংদোংথিবা থোহন্দনা লৈনুং মনুংদা দিস্পোজ তৌনবা অমসুং মসিনা মহৌশাদা শোকহনবা য়াবা খুদোংথিনীংঙাই ওইবা পোৎচাকশিং য়ুবদগী ঙাকথোকহন্নবা নেচর ফজিক্সতা জর্নেলদা ফোঙখিবা রিসর্চ অসিনা গ্লাস মেক্ত্রিক অমদা সোলিদ ওইনা লিক্বিদ ন্যুক্লিয়র ৱেস্ত বিত্রিফিকেসন তৌবদা মতেং পাংবসু য়াই

[অহেনবা মরোলগীদমক, প্রোফেসর রাজেশ গনপতীগী (rajeshg@jncasr.ac.in; ৯৮৮০৬৭১৬৩৯)দা পাউ ফাওবীয়ু।

*****