কোবিদকা চুনবা চৎন-লোনচৎকী “জন অন্দোলন”গী মখাদা লৌখৎখিবা থবক থৌরমশিং য়েংশিন্নবা সাইন্স অমসুং তেক্নোলোজী বিভাগ (দি.এস.তি.) অমসুং সি.এস.আই.আর.গী মখাদা লৈবা ওতোনোমস ইন্সতিত্যুসনশিংগী হেদশিং/দিরেক্তরশিংগা লোয়ননা পাঙথোকপা মীফম অমদা সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ-য়ুম্বালগী কেন্দ্রগী মন্ত্রী, দা. হর্শ বর্ধন্না ঙসি ভিদিও কনফরেন্সকী খুত্থাংদা ময়াই তাংবল লৌখ্রে।

লায়চৎ অসিগী মায়োক্তা লৈবাক পুম্বনা অমত্তা ওইনা লান্থেংনবদা লাক্কদৌরিবা থা খরা অসি য়াম্না মরু ওই ওইনা ফোঙদোক্লদুনা দা. হর্শ বর্ধন্না হায়খি, “হৌজিক ঐখোয়না কোবিদ-১৯গী মায়োক্তা ঐখোয়না লান্থেংনবা অসি থা তরা শুরক্লে। এক্সপর্ত গ্রুপ অসিগী অহানবা মীফম অদু জনুৱারী ৮দা পাঙথোকখি। মসিদগী হৌদুনা খোঙচৎ অসি লেপ্তনা চংশিনখি। অদুবু, ঙসিদি ঐখোয়না কোবিদকী ময়োক্তা লান্থেংননবগীদমক ইনফ্রাস্ত্রকচর অসি শীংথানীংঙাই ওইবা মওংদা ফগৎহনবা ঙমখ্রে।” মহাক্না কোবিদকী ৱারিয়র পুম্নমকনা চোকথবা লৈতনা অমসুং কত্থোকপগা লোয়ননা হোৎনরিবশিং অসিবু তশেংনা তৌবীমল খঙবা অমসুং ইকাই খুম্নবা উৎখি অমদি মীয়ামগী শেবা তৌবদা থৱায় কৎখ্রবা ৱারিয়রশিংনা লৈখিদবা অসিদা নুংঙাইতবা ফোঙদোকখি।

মন্ত্রীনা সাইন্তিস্ত পুম্নমক্না মখোয়না তৌবা ঙম্বদগী হেন্দোক্তুনা শীংথানীংঙাই ওইবা থবক পাঙথোক্লিবা অসি থাগৎখি অমসুং মহাক্না হায়খি ঙসি মালেম অসিদা বেক্সিন কেন্দিদেৎ ৯ এদভান্স স্তেজতা লৈরে। মহাক্না হায়খি, ভারত্তা বেক্সিন কেন্দিদেৎ ৩ মপুং ফানা দিবেলপ তৌখি লোয়ননা মখোয়গী মরক্তা অমদি ক্লিনিকেল ত্রাইএলগী এদভান্স স্তেজ-IIIতা লৈ অমসুং অতোপ্পা অনিনা ত্রাইএলশিংনা স্তেজ-IIদা লৈরি। ভারতনা অথুবা মতমদা লমদম অসিদা শাজবা কোরোনা বেক্সিন পুথোকপা ওইরসনু হায়না মহাক্না ফোঙদোকখি।

কোবিদকী মায়োক্তা লান্থেংনবা অসি লোইদ্রি অমদি দা. হর্শ বর্ধন্না মীয়াম্না কোবিদ-১৯ লান্থেংনবদা থওইদবা, চেকশিন্দবা অমসুং লাইথোক্তনবা চেকশিন্নবা খঙহনখি। মহাক্না হায়খি “লাক্কদৌরিবা ইংথম থা অমসুং হরাও-কুম্মৈগী পন্থা অসিনা মরম ওইরগা ঐখোয়না কোরোনাগা লান্থেংনবা অসিদা থা অনি মখাই অসি য়াম্না মরু ওইগদৌরি। প্রজা খুদিংমক্না চেকশিনবা হেনগৎতুনা অমদি লাইনা অসি শন্দোকপা থিংনবা কোবিদকা চুনবা চৎন-লোনচৎশিং ঙাক্না চৎপগী থৌদাংশিং লৌগদবনি।”

থা অসিগী ৮দা হৌদোকখিবা ‘জন অন্দোলন’গী শরুক ওইনা প্রধান মন্ত্রীগী অপাম্বা অদু ঙাক্না চৎনবা লৈবাক শিনবা থুংনা লৈরিবা মীয়ামদা হায়জখি, মন্ত্রীনা মীয়ামদা কোবিদকা চৎনবা চৎন-লোনচৎ ঙাক্না চৎনবা অপিল তৌখি। মহাক্না হায়খি, “ভাইরস অসিনা মালেম পুম্বদা অৱাবা চাউনা পীরি। অদুবু অচম্বা চেকশিল থৌরাংশিংনা কোরোনা ভাইরস অসি ঙাকথোকপদা চাউনা কান্নবা ফংহনগনি। মরু ওইনা মীয়াম তিনবা মফমশিংদা মেস্ক/ফেস কভর উপ্পা অমসুং খুৎশা হাম্বা অমসুং লোক খুবা অমদি হাকথি খনবদা চৎকদা কাঙলোনশিং ঙাক্না চৎপা অসি সোসিএল বেক্সিনগী মরু ওইবা শরুকশিংনি।” মহাক্না লাইনা অসি মপুং ফানা শকশিনবদা ফিজিকেল দিস্তেন্সিংগী মরু ওইবা অদু থমখি। দা. হর্শ বর্ধন্না ইন্সতিত্যুসনশিংগী হেদ পুম্নমক্তা লৈবাক অসিদা লাইনা শন্দোকপগী চেন অসি থুগাইবদা সোসিএল বেক্সিনগী মরু ওইবদা অদু খঙহন্নবা মাংজিল থানা হোৎননবা খঙহনখি।

ভারতনা কোবিদ-১৯গী মায়োক্তা লান্থেংনবা অসিদা দা.হর্শ বর্ধন্না হায়খি, “ভারতনা কোবিদকী লায়েংবদা লেপ্তনা অনৌবা মাই পাকপা ঙম্লি। ঐখোয়গী নাবা ফগৎলকপগী চাং অসিনা মালেমগী ওইনা খ্বাইদগী ৱাংবা অমদি শীবদাখ্বাইদগী তাবা ওইরি। এক্তিব কেসশিং অসি লেপ্তনা হন্থরক্লি। রাজ্য অমসুং য়ু.তি. পুম্নমক্না ঙাক্না চৎলিবা কোবিদ-১৯ লাকশিনবগী লালোং অসিদা পেরামতর পুম্নমক্না মাই পাকখ্রে হায়বা উৎখ্রে। ঐখোয়গী তঙাই ফদবশিং অদু ফংহন্নবা ঐখোয়গী তেস্তিং তৌবগী চাং অসি মাই পাক্না হেনগৎহনবা ঙমখ্রে। ভারতনা মাস্কশিং, পি.পি.ই. কিৎশিং অমসুং বেন্তিলেতরশিং মমাংদা ইম্পোর্ত তৌরম্বা অদু হৌজিক্তি মীপাল তাংদবা ঙম্লে।”

*****