রোদ ত্রান্সপোর্ত, হাইৱেজ অমসুং এম.এস.এম.ই.গী  য়ুনিয়ন মিনিস্তর শ্রী নিতিন গাদকারিনা অন্ধ্র প্রদেশতা লুপা করোর ১৫,৫৯২ চংনা কিলোমিতর ১৪১১শাংবা নেস্নেল হাইৱে প্রোজেক্ত ১৬কী শঙ্গাবা অমসুং উরেপ-উয়ুং তমখ্রে। থৌরম অসি চীফ মিনিস্তর শ্রী ৱাই.এস. জাগন মোহন রেদি, লোয়ননা য়ুনিয়ন এম.ও.এস.এস. জেনেরেল (রিতায়র) দাঃ ভি.কে. সিংহ অমসুং শ্রী জি. কিশান রেদি, স্তেতকী মিনিস্তরশিং, পার্লিয়ামেন্তকী মেম্বরশিং, এম.এল.এ. অমসুং মকোক থোংবা ওফিসরশিংনা থৌরম অসিদা শরুক য়াখি।

য়ু ত্যুব : https://youtu.be/AdDhgRnuz9s

 থৌরম অসিদা ৱা ঙাংলদুনা শ্রী গাদকারিনা হায় মদুদি অন্ধ্র প্রদেশতা লৈরিবা নেস্নেল হাইৱেশিং অসিগী অশাংবা অসি ২০১৪গী মেগী মমাংদা কিলোমিতর ৪১৯৩নি, হায়রিবা অসি হৌজিক্তি কিলোমিতর ৬৮৬০দা হেনগৎখ্রে। অদুনা হৌখিবা চহি ৬ অসিদা নেস্নেল হাইৱেদা কিলোমিতর ২৬৬৭ হেনগৎতুনা ৬৪% হেনগৎলি।  মহাক্না খংহল্লি মদুদি থবক অসিগী অপুনবা শেনফম অসি দি.পি.আর. স্তোজগী মখাদা লুপা করোর ৩৪,১০০নি অমসুং হায়রিবা অসি ২০২৪ ফাওবদা লোইশিন্নবা পান্দম থম্লি, মরক অসিদা শেনফম লুপা করোর ২৫,৪৪০ অমদি হৌজিক শিজিন্নরে। মহাক্না হায় মদুদি প্রোজেক্ত অসিগী শেনফম লুপা করোর ১৮,১০০ অমগী থবক খুমাং চাওশিন্দুনা ৫০-৬০% ওইরি। মিনিস্তরনা চীফ মিনিস্তরবু অথুবা মতমদা দিল্লীদা লাক্তুনা পন্দুনা লৈরিবা থবকশিংগীদমক ৱা খন্নবা কৌরি। মহাক্না থাজবা পীখি মদুদি স্তেত অসিদা লৈরিবা অৱাৎপশিং অসি মেৎখৎনবা দিবলপমেন্তেল প্রোজেক্ত ঙম্বা মখৈ পীগনি।

মহাক্না খংহনখি মদুদি ভারতমালা পারিয়োজানাগী শরুক অমা ওইনা স্তেত অসিদা কিলোমিতর ৫০০০ শাংবা নেস্নেস হাইৱে শেমগৎখি। মখা তানা, ভারতমালা পারিয়োজানাগী মখাদা কিলোমিতর ৪০০ শাংবা হিদাংফমগা শম্নবা লম্বী অমসু শেমগৎকনি। লৈবাক অসিদা ভারতমালা পারিয়োজানাগী শরুক অমা ওইনা নেস্নেস হাইৱে কিলোমিতর ৩৫,০০০ শাংবা শেমখ্রে। 

মিনিস্তরনা হায় মদুদি প্রধান মন্ত্রীনা অনৌবা ইন্দিয়া অমা উরিবা অসিদা মালেমগী থাক্তা লম্বী-থোং শেম্বা অসিনা অহানবা ওইনা লৌগনি, অসিগুম্লবা খোঙথাং অসিদা ভারতমালা পারিয়োজানা অসি ইন্দিয়াগী খ্বাইদগী চাওবা চাওখৎ থৌরাংনি। মরুওইবা লম্বী কয়া অমা হায়বদি দিল্লী-মুম্বাই এক্সপ্রেসৱে, দিল্লী-আম্রিৎসর কার্তা এক্সপ্রেসৱে, চেনাই-বেঙ্গালুরু এক্সপ্রেসৱে, আনন্তপুর - আমারাবতি এক্সপ্রেসৱে অসিনচিংবা অসি ভারতমালা পারিয়োজানাগী শরুক অমনি।

Paving way for progress and prosperity in Andhra Pradesh, a glimpse of the NH projects in the state. #PragatiKaHighway pic.twitter.com/vX55WL19Dm

— Nitin Gadkari (@nitin_gadkari) October 15, 2020

শ্রী গাদকারিনা খংহনখি মদুদি কিলোমরতর ৩৩৫ শাংবা আনন্তপুর - আমারাবতি এক্সপ্রেসৱে অসি ভারতমালা পারিয়োজানাগী শরুক অমা ওইনা শেমগৎখিবনি। অসিগুম্বা এক্সপ্রেসৱে অসিনা কেপিতেল রিজন, কোস্তেল রিজন অমসুং অন্ধ্র প্রদেশকী অৱাংথংবা রিজন অসিগী লম্বীশিং ফাওনবা হেনগৎহল্লি অমসুং হায়রিবা অসিনা মফম অসিগী শেল-থুমগী ফিবম ফগৎহনগনি। এক্সপ্রেসৱেশিং অসি পেক্কেজ ১৬ য়াওরি অমসুং হায়রিবা অসি শেন্থং লুপা করোর ২০,০০০ থাদরি। হায়রিবা অসিদা অন্ধ্র প্রদেশকী অনৌবা কোনুং আমারাবাতিগা রায়ালাসিমা রিজনগী আনন্তাপুরামুগা ফাওনহল্লি অমসুং মসিনা মরুওইনা অন্ধ্র প্রদেশকী লাইফলাইন ওইরিবা এন.ঐচ.৪৪ অমসুং এন.ঐচ.১৬কা ফাওনহল্লি। 

মিনিস্তরনা হায় মদুদি বেঙ্গালোর-চেনাই এক্সপ্রেসৱে অসি কিলোমিতর ২৬২ শাংবগা লোইননা এক্সপ্রেসৱে অসি ভারতমালা পারিয়োজানাগী চাওখৎ থৌরাংগী শরক অমনি। হায়রিবা এক্সপ্রেসৱে অসিনা বেঙ্গালোর অমসুং চেনাই লম্বী ফগৎহন্দুনা শেল থুমগী ওইবা চাওখৎপা অমসু পুরক্লগনি। কিলোমিতর ৮৫ শাংবা পেক্কেজ অহুম য়াওবা লুপা করোর ৫,২০০গী শেন্থং অসিনা অন্ধ্র প্রদেশ স্তেত অসি চাওখৎপা পুরক্লি।  কিলোমিতর ৮৭৮ শাংবা শেন্থংনা লুপা করোর ৭,৫৮৫ চংগদবা প্রোজেক্ত ১৬ অসিগী শেনফম কাইথখ্রে অমসুং থবক হৌখ্রে।    

শ্রী গাদকারীনা হায় মদুদি, রোদ ত্রান্সপোর্ত, অমসুং হাইৱেজ মিনিস্ত্রী অসিনা স্তেত অসিদা শেল-থুম ফিবম ফগৎনবা প্রোজেক্তশিং অসি য়াম্না কন্না হোৎনদুনা অমসুং কৎথোকপা অমা য়াওনা হোৎনরি।  মহাক্না হায় মদুদি স্তেত সরকার অসিনা আনন্তপুর - আমারাবতি এক্সপ্রেসৱে শেম্বদা মতেং পীদুনা শরুক য়াখি।     

মিনিস্তরনা খংহনখি মদুদি অপুনবা কিলোমিতর ৬৩৭ শাংবা অমসুং লুপা করোর ৮৩০৬ চংগদবা প্রোজেক্ত অসি ২০২০-২১ অসিদা লোইরবা য়ারি। মসিদা এন.ঐচ.এ.আই.গী লুপা করোর ৩৮৫০ চংগদবা কিলোমিতর ১৫০ শাংবা প্রোজেক্ত ৮ অমসুং লুপা করোর ৪৪৫৬ চংগদবা কিলোমিতর ৪৮৭ শাংবা প্রোজেক্ত ১৯ অমনা এম.ও.আর.তি.ঐচ.কী য়াওরি।  মখা তানা কিলোমিতর ৫৩৫ শাংবা লুপা করোর ১১,৭১২ চংগদবা প্রোজেক্ত অমসু পীখ্রে।  মসিদা কিলোমিতর ২১৭ শাংবা লুপা করোর ৯০৭১ চংগদবা এন.ঐচ.এ.আি.না পায়বা প্রোজেক্ত ৪ অমসুং এম.ও.আর.তি.ঐচ.না লুপা করোর ২৬৪১ চংগদবা কিলোমিতর ৩১৮ শাংবা প্রোজেক্ত ৯ অমা য়াওরি। অতোপ্পা অমনা দি.পি.আর. স্তেজগী কিলোমিতর ২৩৭১ শাংবা লুপা করোর ৩৪১৩৩ চংগদবা প্রোজেক্ত য়াওরি। মসিদা এন.ঐচ.এ.আই.গী কিলোমিতর ৭১৩ শাংবা লুপা করোর ১৯৫৫৯ চংগদবা প্রোজেক্ত ১০ য়াওরি।

চীফ মিনিস্তর শ্রী ৱাই এস জাগন মোহান রেদিনা য়ুনিয়ন মিনিস্তরবু মহাক্না থাখিবা প্রপোজেলশিং অসিবু অয়াবা পীবিরকপগীদমক থাগৎপা ফোংদোক্লি। মহাকনা হায়খি মদুদি সেন্ত্রেল সরকারনা লেপ্পা লৈতনা মীয়ামগী চাওখৎনবগীদমক মতেং পাংলক্লি। মহাক্না খংহনখি মদুদি এন.দি.এ.গী  অয়াবা ফংখ্রবা প্রোজেক্তশিং হৌজিকসু ঙাইরি। মিনিস্তরনা স্তেত অসিগী মরুওইবা লম্বী ৫ অমদি হান্ননা পায়খৎনবা পনখি।

আর.তি.ঐচ.কী য়ুনিয়ন এম.ও.এস. জেনেরেল (রিতায়র) দাঃ ভি.কে. সিংহনা হায় মদুদি অন্ধ্র প্রদেশ অসি য়াইফ নুঙাইবা স্তেত অমা ওইনবা পুক্নিং চংলি। মহাক্না হায় মদুদি অন্ধ্র প্রদেশ অসি লম্বী ফাওনবা সেন্তর অমনি। প্রোজেক্তশিং অসি চাওখৎলকপনা স্তেত অসিদা য়াইফ নুঙাইবা পুরক্লগনি। মহাক্না প্রোজেক্ত অসিদা য়াওরিবাশিং পুম্ববু থাগৎপা ফোংদোকখি। হোম এফিয়র্সকী য়ুনিয়ন এম.ও.এস. শ্রী জি. কিশান রেদীনা অথুবা মতমদা প্রোজেক্ত ময়াম পীরক্তুনা অন্ধ্র প্রদেশ অসি য়াইফ নুঙাইবা স্তেত অমা ওইরগনি হায়বগী আশা ফোংদোকখি।

মফম অসিদা অন্ধ্র প্রদেশকী অকুপ্পা পীবা পি.দি.এফ.কীদমক নম্বিয়ু

***