হন্দক্কী চহিগী ‘অয়ুর্বেদগী নুমিৎ’ পালন তৌবগী থৌরম অসিদা কোবিদ-১৯গী লায়চৎ শেন্নবদা অয়ুর্বেদনা লৌবা য়াবা থৌদাং অসিদা অহেনবা মিৎয়েং চঙগনি। ইং ২০১৬তগী হৌনা অয়ুর্বেদ নুমিৎ অসি ধনৱন্ত্রী জয়ন্তিগী নুমিৎ অসিদা চহি খুদিংগী পাঙথোক্তুনা লাক্লি। হন্দক্কী চহিগী ওইনা নুমিৎ অসি নবেম্বর ১৩, ২০২০দা পাঙথোক্লগনি।

অয়ুর্বেদ নুমিৎ পাঙথোকপগী পান্দম অসি অয়ুর্বেদগী মপাঙ্গল অমসুং মসিগী তোপ তোপ্পা লায়েংবগী ৱাখল্লোনশিং, লায়না অমসুং মসিগা মরী লৈনদুনা শিবগী পোৎলুম্বু অয়ুর্বেদগী মতিক শিজিন্নদুনা হন্থহন্নবা হোৎনবা, অয়ুর্বেদগী মতিক শিজিন্নদুনা লৈবাক্কী হকশেলগী পোলিসীশিং অমসুং লৈবাক্কী হকশেলগী প্রোগ্রামশিংদা তেংবাংবা অমসুং অয়ুর্বেদগী লায়েংবগী থৌওংবু খুন্নাইদা খুমাং চাউশিলহনবদা মিৎয়েং চঙবনি। মতৌ অসুম্না অয়ুর্বেদগী নুমিৎ অসি হরাও-কুমহৈ ওইনা পাঙথোকপদগী হেন্দোক্তুনা অসি থবক অমসুং খুন্নাইদা অমুক্কা হন্না থৱাই চঙবগী থৌওং উৎপগী মওংদনা হেন্না মিৎয়েং চঙই।

আয়ুশ মন্ত্রালয়না ৫শুবা অয়ুর্বেদ নুমিৎপু শক-তাক্নবা তোঙান তোঙানবা থবক-থৌরম কয়া পাঙথোক্নবা ৱারেপ লৌখ্রে অমসুং থবকশিং অসিদা হৌজিক চৎলিবা লায়চৎ অসিগা মরী লৈনবা হীরমশিং অমসুং লায়চৎ অসিগা মরী লৈননা অয়ুর্বেদনা মতৌ করম্না ইম্ম্যুনিতী হেনগৎহনবা ঙমগদগে হায়বগী মতাংদা মিৎয়েং চঙগনি।

নুমিৎ অসিদা “কোবিদ-১৯ লায়চৎকীদমক্তা অয়ুর্বেদ” হায়বা হীরম অসিদা ৱেবিনার অমসু পাঙথোক্কনি। মসিনা কোবিদ-১৯গী খুদোংচাদবশিং অসি হন্থহনবদা তেংবাংগদবা অয়ুর্বেদগী তোঙান তোঙানবা থৌওংশিংগী ৱারোল কয়া অমা ভর্চুএলগী খুত্থাংদা শন্দোকপগী থৌরম অমা ওইবগী পান্দম থম্লি। মালেম শিনবা থুংবদগী মীওই লাখ ১.৫না ৱেবিনার অসিদা শরুক য়াগনি হায়না থাজনরি। আয়ুশ মন্ত্রালয়না ভারতকী মপান্দা লৈবা এম্বেসী/মিসনশিংদা মীয়াম পুম্বনা শরুক য়ামিন্নবা য়াবা মতিক চাবা থৌওংশিংগা লোয়ননা ‘অয়ুর্বেদগী নুমিৎ’ অসিবু পালন তৌনবা হায়জখ্রে।

ৱেবিনার অসিদা নত্তনা অতোপ্পা থবক কয়া অমসু থৌরম অসি পাঙথোকপগী মনুং চনবা ওইনা থৌরাং কয়া য়াৎলি। বি.আই.এম.এস.তি.ই.সি. অমসুং আই.বি.এস.এ. লৈবাকশিংগা লোয়ননা ওক্তোবরগী অনিশুবা তঙখায়দা পাঙথোক্কদবা ইন্তরএক্তিব ৱেবিনারশিং অমসুং এক্সতর্নেল এফিয়র্স মন্ত্রালয়, কম্মর্স মন্ত্রালয়, একজিম বেঙ্ককা লোয়ননা  অয়ুর্বেদগী পোত্থোকশিংবু মীরমদা থাদোকপগী ইন্দস্ত্রীশিংগী ওইবা ৱেবিনারশিং পাঙথোকপগী থৌরাংসু লৈরি।

তোঙান তোঙানবা রাজ্য অমসুং য়ু.তি. সরকারশিংনসু অয়ুর্বেদগী নুমিৎ পালন তৌবগী শরুক অমা ওইনা ‘কোবিদ-১৯ লায়চৎকীদমক্তা অয়ুর্বেদ’ হায়বা হীরম অসিদা ৱেবিনার, রেদিওদা ৱারী শাবা, ক্বিজ অমসুং হকশেলগী কেম্প কয়া পাঙথোক্কদৌরি। থৌরমশিং অসিবু ইলেক্ত্রোনিক অমসুং প্রিন্ত মীদিয়াদা পাক-শন্না শন্দোকপা অমসুং অয়ুর্বেদ কোলেজ, অয়ুর্বেদ দ্রগ মেন্যুফেকচরিং এসোসিএসনশিং, অয়ুর্বেদ প্রেক্তিস্নর এসোসিএসন, এন.ঐচ.এম./এন.এ.এম.গী রাজ্যগী পি.এম.য়ু.শিং শরুক য়াহনবা অমসুং তোঙান তোঙানবা থবক-থৌরমশিংদা রোতরী ক্লব অমসুং লাইওন্স ক্লবশিং শরুক য়াহনবগী থৌওং কয়া অমসু থৌরাং লৈরি।

অয়ুর্বেদ, মীওইবা খুন্নাইগী হকশেল শেন্নবগী অশেংবা পথাপ, অসি মেদিকেলগী পথাপ অমা ওইবখক্তদগী হেন্দোক্তুনা মসিনা ঐখোয়গা মহৌশাগা সিম্বাইওতিক ওইবা মরী লৈনরিবা অসিগী মশকসু তাক্লিবনি। মসিদি নীংথিনা ইদুনা অমসুং হক্তুনা লৈরবা হকশেল শেন্নবগী পথাপ্নি অমসুং মসিদা লায়নাদগী ঙাকথোকপা অমসুং হকশেল ফনা লৈববু পুক্নিং থৌগৎপদা য়াম্না মরু ওইবা পীরি।

*****