অকোইবগী ফিভম অমসুং ঊমংগী মন্ত্রালয়
ঙসিফাওবগী ওইনদি দিল্লীগী এয়র পোলুসনগী চাদা ৯৫দি লোকেলগী মরমশিংনা থোকহনবনি, চাদা ৪ খক্তনা মহৈ মরোংগী মকু মৈ থাবদগী থোকপনিঃ শ্রী প্রকাশ জাবরেকর
সি.পি.সি.বি.গী কাংবু ৫০ কেন্দ্রনা দিল্লী অমসুং এন.সি.আর. শহর মচাশিংদা গ্রাউন্দ ফীদবেক্কীদমক থাখ্রে
Posted On:
15 OCT 2020 3:55PM by PIB Imphal
নুংশিৎ শেংবা হেনগৎহন্নবগীদমক, সেন্ত্রেল পোলুসন কন্ত্রোল বোর্দ (সি}পি.সি.বি.)গী কাংবু ৫০ ঙসিদগী হৌদুনা দিল্লী –এন.সি.আর. শহর মচাশিংদা পাক শন্না ফীল্দ ভিজিৎ তৌনবগীদমক থাখ্রে।
নৈ দিল্লীদা ঙসি কাংবুশিং অসিগী নোদাল ওফিসরশিংদা ৱারী শারদুনা কেন্দ্রগী ইনভাইরোন্মেন্ত মন্ত্রী শ্রী প্রকাশ জাবরেকরনা হায়খি মদুদি হৌজিক ওইরিবা কোবিদকী মনুং অসিদা কাংবু অসিগী মীহুৎশিং অসি কোরোনা লান্মীশিংদগী তাদ্রবনি মরমদি মখোয়না এয়র পোলুসন কোকহন্নবগীদমক মফমদুদা চত্তুনা ফীদ পীগদৌরিবনি।
শ্রী জাবরেকরনা হায়খি মদুদি শহরদা থোক্লিবা পোলুসনগী চাদা ৯৫দি উফুল, শাগৎ খোৎকৎপা অমসুং বাইওমাস মৈ থাবনা থোকহনবা লোকেল ফেক্তরশিংনি অমসুং মহৈ মরোংগী মকু মৈ থাবনা থোকহনবগী চাংদি চাদা ৪ খক্তনি।
মরুওইবা নুংশিৎ শেংহন্দনবা সোর্সশিং শম্না, মতীক চাবা থৌরাং লৈতনা শেমগৎ শাগৎপগী থবক, লম্বী নাকলদা অমসুং অহাংবা লমদা গার্বেজ অমসুং কন্সত্রক্সন ৱেস্ত পৈশিনবা, মথক থোন্দবা লম্বী, গার্বেজ অমসুং ইন্দস্ত্রিএল ৱেস্তশিং মৈ থাবা অসিনচিংবশিং সমীর এপ শীজিন্নদুনা ওন স্পোৎ রিপোর্তিং তৌগনি।
কাংবু অসিনা দিল্লী অমসুং এন.সি.আর. শহর মচাশিংদা চৎকনি – উত্তর প্রদেশতা নোইদা, ঘাজিয়াবাদ, মীরুৎ; হরিয়ানাদা গুরুগ্রাম, ফরিদাবাদ, বলাবগর, ঝাঝার, পনিপৎ, সোনেপৎ; অমসুং রাজস্থান্দা ভিৱাদি, অলৱর ভারতপুরনি। কাংবুশিং অসিনা অখন্ননা কা হেন্না ফিবম চাদবা মফমশিংদা মীৎয়েং চঙগনি।
মোৎশিলহনবা য়াবা থবকশিংগী ফীদবেকশিং মরী লৈনবা এজেন্সীশিংদা ওতোমেতেদ সিস্তেম অমগী মখাদা পীগনি। রাজ্য সরকারশিংদা অকুপ্পা মরোলশিং তমগনি। মসিনা মতম চানা থবক লৌখৎহৌবা ঙমগনি অমসুং চুন্নবা থাক্তা মরী লৈনবা এজেন্সীশিংনা য়েংশিনবা ঙমগনি।
সেন্ত্রেল কন্ত্রোল রুম অমা সি.পি.সি.বি. হেদ ক্বার্তরদা পোলুসনগী থাক পুং খুদিংগী য়েংশিন্নবা অমসুং রাজ্যশিংগী এজেন্সীশিংগা পাউ ফাওননবা মথৌ তৌবা হৌখ্রে। মসিগী মথক্তা, জিল্লাগী থাক্তা নোদাল ওফিসরশিং কাংবু অসিগা য়েংশিনমিন্ননবা অমসুং মতেং পাংনবা হাপখ্রে।
নিংথম্থাগী মতমদা নুংশিৎকী ফিবম অসি দিল্লী অমসুং এন.সি.আর. রিজনগীদি য়াম্না মরুওইবা অকোইবগী সমস্যা অমনি। তোঙান-তোঙানবা থৌরাং কয়া হৌখিবা চহী মঙা অসিদা লমদম অসিগী নুংশিৎকী ফিবম ফগৎনবগীদমক পায়খৎখ্রে। অদুবু চহী চহীগী ওইনা নুংশিৎকী ফিবম ফগৎলকপা থেংনরি, অদুগা কয়া অমসু তৌগদবা লৈরি।
*****
(Release ID: 1664842)
Visitor Counter : 154