রোদ ত্রান্সপোর্ত, হায়ৱেজ অমসুং এম.এস.এম.ই.গী কেন্দ্রগী মন্ত্রী শ্রী নিতিন গদকরীনা ঙসি ভি.সি.গী থোংদা জে অমসুং কেগী জোজিলা তনেলদা হৌদোকপগী চৎনবী ওইনা ব্লাস্তিং তৌখ্রে। মহাক্না হায়খি, তনেল অসিনা নোংজু-নুংশা খাক্তনা এন.ঐচ-১দা শ্রীনগরগী তম্পাক অমসুং লেহ (লদাখ প্লেত্যু) ফাওনবা য়াহল্লগনি, অমদি জম্মু অমসুং কাশ্মিরগী অপুনবগী শেন্মীৎলোন অমসুং নাৎ অমদি চৎনবী পুনশিন্দুনা ফগৎহনবা ঙম্লগনি (হৌজিক্না য়ু.তি. জে অমসুং কে অমসুং লদাখ ওইরবা)

রোদ ত্রান্সপোর্ত, হায়ৱেজ অমসুং এম.এস.এম.ই.গী কেন্দ্রগী মন্ত্রী শ্রী নিতিন গদকরীনা ঙসি জে অমসুং কেগী জোজিলা তনেলদা হৌদোকপগী চৎনবী ওইনা অহানবা ব্লাস্তিং তৌনবা বত্তব নম্বা।

মন্ত্রীনা হায়খি, দ্রাস অমসুং কার্গিলগী খুত্থাংদা শ্রীনগর অমসুং লেহ ফাওনহল্লিবা এন.ঐচ-১দা হৌজিক্কি ওইনা চহি অমদা থা ৬ খক্তা গারী থৌবা য়াবা জোজিলা পাস অসিগী মখাদা এল্তিত্যুদ মিতর ৩০০০রোমদা কি.মি. ১৪.১৫ শাংবা তনেল অমা শাবা য়াওরি। মসি মালেমগী ওইনা গারী থৌবদা খ্বাইদগী খুদোংথিগনবা মফম অমনি অমসুং প্রোজেক্ত অসি জিওস্ত্রেতেগথ ওইনা অরুবা অমসু ওইরি। মহাক্না হায়খি, মসিনা লমদম অসিগী শেন্মীলোনগী হিরমদা ফগৎহনবগী মথক্তা এসিয়াদা খ্বাইদগী শাংবা তনেল ওইরগনি। শ্রী গদকরীনা হায়খি তনেল অসি অমুক হন্না দিজাইন তৌবদা লুপা করোর ৪০০০ হন্থহনবা ঙম্লে। মন্ত্রীনা হায়খি পুকচেল শেংনা হোৎনরবদি ঐখোয়না ঐখোয়গী লৈবাক অসি শেল চংবা হন্থহল্লগা খুমাং চাউশিনহনবা ঙমগনি। শ্রী গদকরীনা প্রোজেক্ত অসি চহি তরুক্কী থারিবা মতম অসিগী মনুংদা লোইশিন্দুনা পাল্লিবা সরকার অসিগী মতম লোইদ্রিঙৈদা প্রধান মন্ত্রীনা শঙ্গগনি হায়না থাজবসু পীখি।

এল.জি. লেহ অমসুং এল.জি. জে অমসুং কেগী মখাদা মশা মশাগী চীফ সেক্রেতরীশিং অমসুং এম.ও.আর.তি.ঐচ., এন.ঐচ.আই.দি.সি.এল.গী ওফিসরশিংগা লোয়ননা তনেলগী থবকশিং য়েংশিন্নবা অমসুং মফম অদুদা থোকপা সমস্যাশিং কোকহন্নবা কম্মিতীশিং শেম্নবা মহাক্না থাজবা পীখি।

শ্রী গদকরীনা জম্মু অমসুং কাশ্মিরগী লমদম অসিদা তনেলগী লম্বী তরেৎ শারি হায়না খঙহনখি। মহাক্না হায়খি, লাক্কদৌরিবা মার্চ ফাওবদা কাজীগুন্দ অমসুং বনিহালগী মরক্তা লৈরিবা মিতর ৮৪৫০ শাংবা ত্বিন-ত্যুব তনেল শারিবা অসি লোইশিল্লগনি। মরম অসিনা মিতর ২৯৬৮ শাংবা রামবান অমসুং বনিহালগী মরক্তা লৈরিবা ৬-সিঙ্গল তনেলশিং অসি দিসেম্বর ২০২১ ফাওবদা লোইশিনগনি। মখা তানা খিলানি অমসুং কিস্তৱারগী মরক্তা লৈবা মিতর ৪৫০ শাংবা তনেল অসি জুন ২০২২ ফাওবদা লোইরগনি।

মন্ত্রীনা মখা তারদুনা হায়খি লুপা করোর ৪,৬০০ চংগদবা কি.মি. ৪.৫ শাংবা চেনানি-অনন্তনাগ তনেল, সিন্থান পাস্তা কি.মি ১০.২ শাংবা তনেল, করোর ৩৫০গী খাখলানি বাইপাস তনেল, অমসুং লুপা করোর ৫,৪০০ চংগদবা চাত্রু অমসুং অনন্তনাগকী মরক্তা লৈবা কি.মি. ১০ শাংবা তনেলগী দি.পি.আর.শিং শেম্বা লোইরে অমদি অথুবদা তেন্দর তৌরগনি।

রোদ ত্রান্সপোর্ত, হায়ৱেজ অমসুং এম.এস.এম.ই.গী কেন্দ্রগী মন্ত্রী শ্রী নিতিন গদকরীনা ঙসি জে অমসুং কেদা জোজিলা তনেল বুকলেৎ ফোঙবা।

শ্রী গদকরীনা হায়খি লুপা করোর ২১,০০০ চংদুনা দিল্লী-কত্রা গ্রীন এক্সপ্রেসৱে শাবা অসিনা মরু ওইবা মফম অনিগী মরক্কী অরাপ্পা অসি কি.মি. ৬৫ খক্তদা হন্থহল্লগনি। মসিগীদমক লম লৌশিনবগী থবক চত্থরি, অমসুং মসিগী থবক দিসেম্বরদগী হৌরগনি। মহাক্না হায়খি দ্রাইবরশিংদা নোংজু-নুংশাগী ই-পাউ ফংহনবগা লোয়ননা ত্রান্সপোর্তেসনগী লন্দন দিজাইন অসি য়াওরগা শাবা মোদর্ন হায়ৱে অমা ওইনবা মওংদা শেমগৎলি। এক্সপ্রেসৱে অসিনা অমরিৎসর য়াওনা গুরুদৱারশিং ফাওনহনবগী মথক্তা জম্মুগী হায়ৱেগসু ফাওন্দুনা মাতা ভাইশ্নো দেবিগী খুবমদা চৎলিবা লাইনীংবশিংদা কান্নবা ফংহল্লগনি।

মন্ত্রীনা হায়খি লেন-৪গী জম্মু-উধম্পু লম্বী অসি শেমখ্রে। উধম্পুরদগী রামবান ফাওবগী লম্বীনা চহি অসিগী দিসেম্বরদা লোইগনি। রুৎ অসিদা লৈবা চেনানি-নেশার তনেল ২০১৭দা শাবা লোইখ্রে। লুপা করোর ২,১৬৮ চংনা শাগদবা কি.মি. ৩৩ শাংভা রামবান অমসুং বনিহালগী মরক্তা লৈবা লম্বী অসি দিসেম্বর ২০২১ ফাওবদা লোইশিনগনি। শ্রীনগর অমসুং বনিহালগী মরক্তা লৈবা কি.মি. ৬৫ শাংবা লেন-৪গী লম্বী অসি লুপা করোর ১,৪৩৩ চংদুনা শেমখ্রে।

দিবেলপমেন্ত ওফ নোর্থ ইস্তর্ন রিজন মন্ত্রালয়গী কেন্দ্রগী রাজ্যগী মন্ত্রী (ইন্দিপেন্দেন্ত চার্জ); প্রধান মন্ত্রীগী লোয়শঙ; পর্সনেল, পব্লিক গ্রিবান্সেস অমসুং পেন্সন মন্ত্রালয়; এতোমিক ইনর্জী বিভাগ; অমসুং স্পেস বিভাগকী রাজ্যগী মন্ত্রীনা হায়খি, লমদম অসি চাউখৎনবা সরকার অসিনা মখল কয়াগী চাউখৎ থৌরাংগী স্কিমশিং শেমখ্রে। মহাক্না হায়খি, এন.ই. অমসুং জে অমসুং কে অসি সরকারনা মরু ওইনা লৌবা লমশিংনি। লমদম অসিদা লৈরিবা প্রজা খুদিংমক চাউখৎহন্নবা থবক সরকারনা তৌরি। মন্ত্রীনা হায়খি, ভারতকী খ্বাইদগী অহানবা তনেলগী লম্বী শেম্বগী প্রোজেক্ত, চেনানী-নেশারি তনেল অসি দা. স্যাম প্রসাদ মুখর্জীগী মমিং লৌদুনা থোনখি। মহাক্না ২০১৪দগী হৌদুনা শেমগৎখিবা প্রোজেক্তশিং অসি মোর্দন ইন্দিয়াদা ইকাই খুম্নবা উৎতুনা কৌখিবনি হায়না হায়খি। মহাক্না শ্রী গদকরীগী অফবা লুচিংবা ওইবা, থৌনা লৈবা অমসুং প্রোজেক্তশিং মতম চানা লোইশিনবা ঙম্বা অসিগীদমক থাগৎখি। মহাক্না হায়খি, জম্মু অমসুং কাশ্মির অমদি লদাখ য়ু.তি.শিং অসিগী মরক্তা নকশিন্নবা অমসুং নুংশিনবগী মরী মপাঙ্গল কনখৎহল্লগনি। দা. জিতেন্দ্র সিংহনা হায়খি, সরকার অসিনা হৌখিবা চহি ৬ অসিদা, থবক তৌবগী মওং অসি অঙকপা ফংনা হোংলে অমসুং মথৌ তাবদা য়ুম্ফম ওইরগা প্রোজেক্তশিংগী অয়াবা পীরি। মহাক্না হায়খি, হৌখিবা চহি তরুক অসিদা পাইখৎখিবা প্রোজেক্ত পুম্নমক অকক্নবা মতমগী মনুংদা কোবিদ-১৯গী অৱাবা অসিগুম্বা অপনবা কয়া লৈরবসু খোঙজেল য়াংনা লোইশিন্নবা তৌরি। জে অমসুং কেদা মিসন মোদতা থোং ২০০ হেন্না শাখ্রে অমসুং অনৌবা হায়ৱে প্রোজেক্তশিং পাইখৎলি হায়না মহাক্না ফোঙদোকখি।

 জোজিলা পাস অসিগী মখাদা শাগদবা তনেল প্রোজেক্ত অসিগী মতাংদা ৱা ঙাংলদুনা এম.ও.এস-আর.তি.ঐচ. জেনরেল (রিতাইর) দা, ভি কে সিংহনা হায় লম্বী অসিদা মহাক চৎখ্রে অমসুং মীয়াম্না মফম অসিদা থেংনরিবা অৱাবশিং অদু মহাক খংঙি।মহাক্না হায়খিতনেল অসিনা লদাখ অমসুং জে অমদি কেগী য়ু.তি.গী এদমিনিস্ত্রেসনশিংগী মরক্তা থবক তৌমিন্নবদা হেন্না ফগৎহনবা ঙম্লগনি। লম্বী অমসুং রেল নেৎৱার্ক অনিমক্কী থবক থৌরমশিং য়েংশিন্নবা এন.ঐচ.এ.আই. নত্রগা এন.ঐচ.আই.দি.সি.এল. গুম্বা তোখাইবা এজেন্সী অমা শেম্নবা ৱাখল্লোন মন্ত্রীনা ফোঙদোকখি।

জে. অমসুং কে.গী এল.জি. শ্রী মনোজ সিনহানা থৌরম অসি লমদম অসি চাউখৎহন্নবা অনৌবা মায়োন অমনি হায়না ফোঙদোকখি। মহাক্না হায় তনেল অসি মতম অসিগী খুদোল অমনি হায়না কৌবা য়াই। প্রোজেক্ত অসিনা লমদম অসিগী নহাশিংগী থবক ফংবগী খুদোংচাবা হেনগৎহল্লগনি অমসুং মফম অদুগী শেন্মীৎলোন হেনগৎহল্লগনি হায়না মহাক্না থাজবা থম্মি হায়না ফোঙদোকখি।  

লদাক্কী এল.জি. শ্রী রাধা কৃষ্ণ মাথুরনা কন্ত্রেক্তরশিং তোয়না শিনবনা মরম ওইদুনা থোকহল্লিবা ফীভম খংবীবদুনা থবক পাইখৎপীবগী রোদ ত্রান্সপোর্ত অমসুং হাইৱেজ মন্ত্রালয়বু থাগৎপা ফোঙদোকখি। মহাক্না হায় মসিগী তনেল অসিনা লেহগী লমদম অসি চাউখৎহনবদা অচৌবা থৌদাং লৌরগনি। মহাক্না ১৯৪৮দা আর্মীনা য়েক্নবদগী মফম অসিবু অমুক হন্না খুদুম চনখিবা থৌদোক অদুবু নিংশিংখি অমসুং মসিনা জোজিলাগী অনিশুবা মনিংতম্বা অদু উৎপনা মরম ওইরগা ঙসিগী থৌরম অসিসু চপ মান্ননা মরুওই। লমদম অসিগী রোদ দিবেলপমেন্ত প্রোজেক্ত খুদিংমক য়েংশিন্নবা সেন্ত্রেল কম্মিতী অমা শেম্নবা মহাক্না ফোঙদোকখি। অৱাবা মতমশিংদা হৌজিক ওইরিবা লম্বী অসি য়েংশিন্নবা জে. অমসুং কে. এদমিনিস্ত্রেসনগা লোয়ননা জোইন্ত কম্মিতী অমা শেম্নবসু ফোঙদোকখি।

সেক্রেতরী-আর.তি.ঐচ. শ্রী গীরিধর অরামানেনা হায় মন্ত্রালয় অসিগী এজেন্সীশিংনা লাদাক অসি চহি চুপ্পা চৎথোক চৎশিন য়ানবা কন্না হোৎনরি। মসিগীদমক মখোয়না তেক্নোলোজিগী অমসুং লোজিস্তিক্কী ওইবা মতেংশিং পীবগী থাগৎপা ফোঙদোকখি। 

***