ইন্তরনেস্নেল সোলর এলাইন্সকী অহুমশুবা এসেমব্লীদা আই.এস.এ.গী মেম্বর ওইরিবা লৈবাক ৩৪না য়াওখি। এসেমব্লী অসিদা মেম্বর ওইরিবা লৈবাক ৫৩ অমসুং সিকনেতরী অমসুং প্রোস্পেক্তিব মেম্বর ওইবা লৈবাক ৫না এসেমব্লী অসিদা শরুক য়াখি।

ওক্তোবর ১৪দা পাঙথোকখিবা অহুমশুবা এসেমব্লীগী ভর্চ্যুএল মীফম অসিদা চহি অনিগী তর্মগী ইন্দিয়া অমসুং ফ্রাঞ্চ অসি ইন্তরনেস্নেল সোলর এলাইন্সকী (আই.এস.এ.) প্রসিদেন্ত অমসুং কো-প্রসিদেন্ত ওইনা অমুক হন্না খনখ্রে।

আই.এস.এ.গী রিজন মরিগী মীহুৎ ওইনা অনৌবা ভাইস প্রসিদেন্ত মরি খনখ্রে।এসিয়া পেসিফিক রিজনগী ফিজি অমসুং নৌরু; অফ্রিকন রিজনগী মোরিসিয়স অমসুং নিগর; য়ুরোপ অমসুং অতোপ্পা রিজনগী য়ু.কে. অমসুং নিদরলেন্দ অমসুং লেতিন অমেরিকা অমসুং করিবিয়ন রিজনগী ক্যুবা অমসুং গুয়ানা মীহুৎশিং ওইনা ভাইস প্রসিদেন্তগী ফম পাইখ্রে।

কোলিজন ফোর সস্তেনেবল ক্লাইমেৎ এক্সন (সি.এস.সি.এ.)গী খুত্থাংদা লনাই অমসুং পব্লিক কোর্পরেৎ সেক্তরগা লোয়ননা আই.এস.এ.গা পুন্না থবক তৌমিন্নবা হৌনবা থৌরাং তৌরিবা অসি এসেমব্লীনা অয়াবা পীখ্রে। ভারতকী পব্লিক সেক্তর ওর্গনাইজেসন তরানা এসেমব্লী অসিদা য়ু.এস.দি. মিলিয়ন ১গী চেক অমমম খুদোল তমখি।

প্লেনরী অসিদা ৱা ঙাংলদুনা আই.এস.এ.গী এসেমব্লীগী প্রসিদেন্তনা ওইরিবা ভারতকী পাৱর অমসুং ন্যু এন্দ রিন্যুএবল ইনর্জীগী মন্ত্রী শ্রী আর কে সিংহনা অইং-অশাগী হোংলক্লিবা মওং অসি ফগৎহন্নবা এলাইন্স মেম্বরশিংনা পুন্না থবক তৌমিন্নরিবা অসিবু থাগৎপা ফোঙদোকখি। অহুমশুবা এসেমব্লীদা খন্ন-নৈনবা পুখৎলকখিবা হীতিং অমসুং কুলিংগী তরেৎশুবা থৌরাং অসি মহাক্না তরাম্না ওকখি। শ্রী সিংহনা হায়খি হৌখিবা চহি ৫ অসিদা সোলর ইনর্জী অসি য়াম্না খুমাং চাউশিল্লর অমসুং হৌজিক মালেম অসিদা খোঙজেল য়াংনা খুমাং চাউশিল্লিবা ইনর্জীগী সোর্স ওইরি। মহাক্না হায়খি, “মালেমগী ইলেক্ত্রিসিতী অসিগী ২.৮%দি সোলর ইনর্জী ওইরি, অমসুং মসিগী মওং অসিদা চংশিল্লবদি ২০৩০ ফাওবদা মালেমগী অয়াম্বা শরুক্তা মৈ পুথোকপদা খ্বাইদগী মরু ওইবা ইনর্জীগী সোর্স অসি সোলর ওইরগনি।”

আই.এস.এ.গী প্রসিদেন্তনা অনিশুবা এসেমব্লীদগী হৌনা আই.এস.এ.না লৌখৎখিবা মখল কয়াগী থবক-থৌরমশিং অমসুং প্রোগ্রামশিংগী মতাংদা ফোঙদোকখি। মহাক্না হায়খি সোলর ইনর্জীগী হীরম কয়া কোনশিল্লিবা প্রোগ্রাম তরুক অমসুং প্রোজেক্ত অনি হৌজিক পাইখৎলি। মোদর্ন ইনর্জী সর্ভিসশিং ফংদ্রবা আই.এস.এ.গী মেম্বর ওইরিবা লৈবাকশিংগী মৈ ঙালহন্নবা, ঈথৈ-লৌউখোঙ শেম্নবা, থক্নবা ঈশিং ফংহন্নবা অমসুং মথৌ তবা প্রদক্তিতিব ইনর্জী অসি ফংহন্নবা য়ু.এস. দোলর বিলিয়ন ৫ হেনবগী অচৌবা পাইপলাইনদা লৈবা সোলর ইনর্জী এপ্লিকেসনশিং শেমগৎনবা থবক পাইখৎখ্রে।  আই.এস.এ.না লৈবাক মশা-মশাগী প্রোগ্রামশিংগী মখাদা লৈবাক ২২দা সোলর পম্প ২৭০,০০০গী মথক্তা, লৈবাক ১১দা সোলর রুফতোপকী জি.দবল্যু. ১গী মথক্তা, অমসুং লৈবাক ৯দা সোলর মিনি-গ্রিদ জি.দবল্যু. ১০গী মথক্তা দিমান্দ তৌরকপা অদু ফংহনখ্রে। হন্দক্তা আই.এস.এ.না খুঙ্গংগী য়ুমথোংশিংগী মথৌ তাবা ইনর্জীশিং ফংহনবা খক নত্তনা হেল্থ সর্ভিসশিং ফগৎহন্নবা অমসুং থক্নবা অফবা ঈশিং ফংহন্নবা হোম পাৱর সিস্তেম মিলিয়ন ৪৭গী দিমান্দ ফংহন্নবা প্রোগ্রামশিং হৌদোকখ্রে।

এসেমব্লীগী কো-প্রসিদেন্ত ওইরিবা ফ্রাঞ্চকী ইকোলোজিকেল ত্রাঞ্জিসনগী মন্ত্রী মিস বার্বরা পোমপিলিনা মরু ওইনা চাউখৎত্রিবা লৈবাকশিংদা রিন্যুএবল ইনর্জীশিংগীদমক ফন্দ ফংনবা মতেং পাংবা অমসং সর্ভিস পুম্নমক্তা ইনর্জী অমগী থেংনরিবা অৱাবা কোকহন্নবা হোৎনবদা আই.এস.এ.না লৌরিবা মরু ওইবা থৌদাং অদু ফোঙদোকখি। মহাক্না ফ্রাঞ্চনা লৌরিবা থৌদাং অদু অমুক হন্না পাউদমখি: আই.এস.এ.গী মেন্বর ওইবা লৈবাকশিংদা ২০২২ ফাওবদা সোলর প্রোজেক্তশিংগীদমক ফ্রাঞ্চনা য়ুরো বিলিয়ন ১.৫ মতেং পাংলি অমসুং প্রোজেক্তশিংদা য়ুরো বিলিয়ন ১.১৫ থাদখ্রে।

ফ্রাঞ্চনা ৱার্ল্দ বেঙ্ককা লোয়ননা খুৎশম্নদুনা চৎতুনা শেলগী মতেং পাংগদোরিবা অসি শৌগৎখি: “সস্তেনেবল রিন্যুএবল রিস্ক মিতিগেসন ইনিসিএতিব” (এস.আর.এম.আই.) ফেসিলিতী অসিনা সোলর প্রোজেক্তশিংগী গিগাৱাত্ত ১০গী মথক্তা শেলগী মতেং পাংনবা  লনাই ইনবেস্তমেন্ত তৌবদা য়ুরো বিলিয়ন ১৮ থাদরগনি, অমসুং ফ্রাঞ্চ অমদি য়ুরোপিয়ন য়ুনিয়নগী মতেংগা লোয়ননা মোজমবিক্তা অহানবা প্রোজেক্ত অমা হৌদোক্লি। আই.এস.এ. স্তার সি-প্রোগ্রামগী মখাদা ফ্রেঞ্চ নেস্নেল ইন্সতিত্যুত ফোর সোলর ইনর্জী (আই.এন.ই.এস.)না অথুবদা পসেসিফিক্কী অপীকপা ঈথৎ মচা ওইবা লৈবাকশিংদা অখন্নবা প্রোগ্রাম অমা হৌদোক্লগনি হায়না  মহাক্না লাউথোকখি।

সি.ও.পি.২৬কী প্রসিদেন্ত শ্রী অলোক শর্মনা য়ুনাইতেদ কিংদম্না অইং অশাগী ফীভমদা হোংলকপা অসি মায়োক্ননবা হোৎনখিবশিং অদু নৌহৌনা পাউদমখি। লাক্কদৌরিবা চহি মঙা অসিগী মনুংদা য়ু.কে.না কোয়লা শীজিন্নবা লেপহন্নবা অমসুং গ্রীনহাউস গ্যাস পুম্নমক ২০৫০ ফাওবদা নেৎ জিরোদা লৈহন্নবা হৌরাং তৌরি। সি.ও.পি.২৬কী প্রসিদেন্তনা মরু ওইবা লম ৫ খন্নখি: এদাপ্তেসন অমসুং রেজিলেন্স, নেচর, ইনর্জী ত্রাঞ্জিসন, জিরো-কার্বোন রোদ ত্রান্সপোর্ত ওইনবা হোৎনবা অমসুং ফাইনান্স।দিদেম্বর ১২দা পেরিস এগ্রীমেন্তগী চহি মঙা মপুম ফাবগী কুমওন পাল্লন তৌবা ওইনা পাঙথোক্কদৌরিবা গ্লোবেল ক্লাইমে৭ সম্মিৎতা মেম্বর পুম্নমক্না শরুক য়ান্না মহাক্না ফোঙদোকখি। শ্রী অলোক শর্মনা হায়খি য়ু.কে.না আই.এস.এ.গীদমক তৌখিবা থবক অহুম অদু পাউদমখি: সি.ও.পি.২৬কী মনুংদা এলাইন্সকী প্লেৎফোর্ম অমা ফংহনবা; ৱার্ল্দ স্তার বেঙ্ক ইমপ্লিমেন্ত তৌবগী স্তদীদা শৌগৎপা; অমসুং হ্যুমেন অমসুং ফাইনান্সিএল রিসোর্সশিং ফংহন্দুনা ৱান সন ৱান ৱার্ল্দ ৱান গ্রিদকী থৌরাং অসি ইমপ্লিমেন্ত তৌবদা আই.এস.এ. সেক্রেতরীএৎনা মতেং পাংবা।

আই.এস.এ.গী ফ্রেমৱার্ক এগ্রীমেন্ত শেমখিবদগী অহানবা ওইনা, রিজনশিংগী লৈবাকশিং লোয়ননা সোলরগী লমদা থবক তোরিবা ইন্সতিত্যুসনশিংদা সোলর এৱার্দশিং পীখি। আই.এস.এ.গী রিজন মরিগী অমমমদা সোলর কেপাসিতী খ্বাইদগী য়াম্না পুথোকপা লৈবাকশিংবু শকখঙবা ওইনা বিস্বেবেসরিয়া এৱার্দ পীখিবা অদু এসেমব্লীনা উবা ফংখি। এসিয়া পেসিফিক রিজনগী ওইনা জপান অমসুং য়ুরোপ অমসুং অতোপ্পা রিজনশিংগীনা নিদরলেন্দনা মনা ফংখি।

হরিয়ানগী মুখ্য মন্ত্রী শ্রী এম এল খাত্তরনা ভারত্তগী হৌখিবা অমেরিজন এস্ত্রোনোৎ ওইখিবা অসিগী মমিং লৌবা থোনবা কলপনা চৌলা এৱার্দ লাউথোকখি, মসি আই.আই.তি. দিল্লী (ভারত)কী দা ভিম সিংহ অমসুং দুবাই ইলেক্ত্রিসিতী এন্দ ৱাতর ওথোরিতীগী (য়ুনাইতেদ অরাব ইমরেৎস) দা আইশা অলনুনাইমিদা পীখি। এৱার্দ অসিনা সোলর ইনর্জীগী লমদা থবক তৌরিবা দোক্তরশিং অমসুং ইঞ্জিনীয়রশিংগী থৌইদোক হেনদোকপা থবকশিং শকখঙবা উৎলি।

কর্নাতকা সরকারগী এদিস্নেল চীফ সেক্তেতরী শ্রী মহেন্দ্র জেন্না ভারত রত্না এম বিস্বেবেসরিয়াগী মমিং লৌবা মনাশিং এসিয়া পেসিফিক রিজনগী ওইনা জপান অমসুং য়ুরোপ অমসুং অতোপ্পা রিজনশিংগীনা নিদরলেন্দনা ফংখিবা লৈবাকশিং অদু লাউথোকখি। মনা অসিদা শেলগী মনা ওইনা য়ু.এস.দি. ১২,৩৩০গী শেনফম অমা, স্ক্রোল অমা অমসুং সর্তিফিকেৎ অমা য়াওরি।

ভারতকী রেলৱেজ অমসুং কম্মর্স অমদি ইন্দস্ত্রীনা লৌখিবা থৌদাং শকখঙবা ওইনা আই.এস.এ.গী দিৱাকর এৱার্দ অসি য়ুনিবর্সিতী ওফ পেনসিলবেনিয়ানা শ্রী পিয়ুশ গোয়ল মশামক্না ফংখিবা য়ু.এস.দি. ২৫,০০০ অদুগা লোয়ননা অর্পান ইন্দিতিত্যুত (হরিয়ানা) অমসুং অরুশি সোসাইতীদা পীখি। এৱার্দ অসিনা মীমান্নদ্রবা মীওইশিংগীদমক থবক তৌরিবা অমসুং হোস্ত ওইরিবা লৈবাক অসিদা সোলর ইনর্জী খ্বাইদগী য়াম্না শীজিন্নরিবা ওর্গনাইজেসনশিং অমসুং ইন্সতিত্যুসনশিং শকখঙবা ওইনা পীখি।

আই.এস.এ. এসেমব্লীদা ৱার্ল্দ রিসোর্সেস ইন্সতিত্যুত (দবল্যু.আর.আই.)না শেম্বা রিপোর্ত থমখি। রিপোর্ত অসিনা সোলর নবেস্তমেন্তশিং হেনগৎহনবা অমসুং আই.এস.না মেন্বর লৈবাকশিংদা মতেং পাংবদ লৌরিবা থৌদাংগী ফন্দশিং, খুদোংচাবশিং অমসুং অপনবশিংগী সোর্সশিং মশক তাকখি। এসেমব্লী অসিনা ২০৩০ফাওবদা য়ু.এস.দি. ত্রিলিয়ন ১ শিজিন্ননবা আই.এস.এ.না রোদমেপ অমা দিবেলপ তৌবগী দবল্যু.আর.আই.গা পুন্না থবক তৌমিন্নবগী খোঙথাং অদুবু তরাম্না ওকখি। নেদর্লেন্দস কিংদম, ব্লুমবর্গ ফিলানত্রোপিস, ব্লুমবর্গ ন্যু ইনর্জী ফাইনান্স অমসুং ক্লাইমেৎ ৱার্কস ফাউন্দেসন্না রোদমেপ অসি শেম শাবগী মথৌ তাবা ফাইনান্স অমসুং তেক্নিকেল এসিস্তেন্স পীরি। রোদমেপ অসিনা ত্রান্সপোর্তেসন অমসুং কুলিং অমসুং হীতিং অমসুং ৱান সন, ৱান ৱার্ল্দ, ৱান গ্রীদকী ভিজন ইম্প্লিমেন্ত তৌনবা সোলর প্রোজেক্তশিংদগী সোলর ইনর্জী এপ্লিকেসনশিংদা ফাওবা চৎনবা মখাতাবা ইনবেস্তমেন্তশিং মোবিলাইজ তৌনবা ওইবা য়াবশিংসু খন্নগনি।  

মালেমগী লায়চৎ অসি লাকপদা আই.এস.এ.না এ.দি.সি/এস.আই.দি.এস. আই.এস.এ. মেম্বর লৈবাকশিংদা লৈবা হেল্থক্যের সেক্তরদা সোলর ইনর্জী শিন্ননবা থৌরাং অমা ওইনা আই.এস.এ. ক্যেরশিং লিংখৎখি। থৌরাং অসিনা তার্গেৎ মেম্বর লৈবাকশিংগী দিস্ত্রিক্ত অমমমদা লৈবা প্রাইমরী হেল্থ সেক্তর অমদা সোলর পীনবা পান্দম থম্মি। ওস্ত্রেলিয়ানা মনুং হঞ্জিনবা আইলেন্দ কম্ম্যুনিতীশিংদা মমল তাংবা অমসুং তম্বা ঙমদবা দিজল ফ্যুল ইম্পোর্তশিংদা মপাল তাংবা হন্থহনবদা মতেং পাংদুনা পেসিফিক্কী হেল্থ সেন্তরশিংগী হৌজিক্কী রিলাইএবল সোলর ইনর্জী পীনবা পেসিফিক্তা আই.এস.এ. ক্যের্স থৌরাংগী এ.য়ু.দি ৯২,০০০ পীথখ্রে। 

মালেমদা কুলিং অমসুং হীতিংগী য়ুতিলিতীশিংগী দিমান্দ লেপ্পা লৈতনা হেনগৎলক্লিবা অসি খংলদুনা আই.এস.এ. সেক্রেতরিএতনা মহৌশাগী পাৱর সোর্শিংদগী ইনর্জী শিংথানীংঙাই ওইনা ফংবা সোলরাইজিং হীতিং অমসুং কুলিংগী তরেৎশুবা প্রোগ্রাম অমা হৌদোকখ্রে। কুলিং খক্তগী দিমান্দ ওইনা ২০১৭দা সোলার শিজিন্নবা হেনগৎখ্রে। হীতিং অমসুং কুলিং সিস্তেমশিংগী সোলর রেদিএসন দাইরেক্ত ওইনা অমসুং অৱাংবা ইফিসিএন্ত লেবেলশিংদা ওন্থোকপা য়াবগী স্কোপ লৈ। 

এসেমব্লীদা পরপোজ তৌখিবা অতোপ্পা থৌরাংশিংদি সোলর হোম সিস্তেম ৪৭ মিলিয়নগী দিমান্দ এগ্রীগেসনগী থৌরাং অমসুং অগস্ত ২০২০দা হৌদোকখিবা আই.এস.এ. মেম্বর লৈবাকশিংগী এল.ই.দি. লেম্প মিলিয়ন ৪৭নি।

প্রোস্পেক্তিব মেম্বর মঙা অমসুং আই.এস.এ.গী মেম্বর ওইবা লৈবাকশিংদা য়ু.এস.দি. মিলিয়ন ০.৫কী তেক্নিকেল এসিস্তেন্সকী সার্ক দিবেলপমেন্ত ফন্দ- তেক্নিকেল এসিস্তেন্স অসি এসিয়ন দিবেলপমেন্ত বেঙ্ককা লোইননা ইম্প্লিমেন্ত তৌনবা প্রপোজ তৌরি।  

আই.বি.এস.এ.না আই.এস.এ.গী সোলর পম্প প্রোগ্রামগী মখাদা য়ু.এন.দি.পি.গা খুৎশম্নরগা আই.এস.এ. মেম্বর লৈবাকশিংদা দেমোন্সত্রেসন প্রোজেক্তশিং ওইনা সোলর ৱাতর পম্পিং সিস্তেমশিং দিপ্লোই তৌনবা য়ু.এস.দি. মিলিয়ন ২গী তেক্নিকেল এসিস্তেন্স পীখ্রে।

২০১৯গী অনিশুবা এসেমব্লীগী মতুংদগী আই.এস.এ.গী মেম্বরশীপ অসি মখাতানা চাউথোরক্লি। আইএস.এ. অসি হৌজিক মেম্বর ওইবা লৈবাক ৬৮না চাউথোক্না শৌগৎলি অমসুং মখাতানা লৈবাক ২০ অমনা মেম্বর ওইনবা থৌরাং তৌরি।

আই.এস.এনা হন্দক্তা ৱার্ল্দ বেঙ্ক অমসুং ভারত সরকারগা ত্রাইপর্তাইত এগ্রীমেন্ত অমা খুয়েক পীনখ্রে অমসুং কার্বন অনেম্বা মালেম অমদা ইনর্জী হোংদোকপা য়াহন্নবা ইন্তর কন্নেক্তেদ গ্রিদশিংগী পাৱর শিজিন্ননবা ৱান সন ৱান ৱার্ল্দ ৱান গ্রিদ থৌরাংগী মীয়েং অমা অমসুং ইম্প্লিমেন্তেসন প্লান শেম শাবদা হৌজিক এক্তিব ওইনা থৌদাং লৌরি।

২০২০দা আই.এস.এ. সেক্রেতরিএতনা য়ুনাইতেদ নেসন্স ইন্দস্ত্রিএল দিবেলপমেন্ত ওর্গনাইজেসন (য়ু.এন.আই.দি.ও.)গা পুন্না থবক তৌমিন্নদুনা আই.এস.এ. সোলর তেক্নোলোজী অমসুং এপ্লিকেসন রিসোর্স সেন্তর (আই.এস.এ. স্তার সি.) মথৌ তৌবদা মিয়েং চংলি। অনিশুবা এসেমব্লীগী মতুংদা আই.এস.এ.না প্রোজেক্ত অসিগী য়ুম্ফম থোন্নবা ওপরেসনেল ফ্রেমৱার্ক অমসুং প্রোজেক্ত দুক্যুমেন্ত দিবেলপ তৌনবা য়ু.এন.আই.দি.ও.গা পুন্না থবক তৌনিন্নদুনা স্তার সি. প্রোজেক্ত মথৌ তৌহন্নবা হোৎনখ্রে; ফ্রান্স সরকারনা য়ুম্বু ওইদুনা ২০২০গী ফেব্রুৱারী ২৫তগী ২৭ ফাওবদা পেরিসতা আই.এস.এ. স্তার-সি প্রোজেক্ত দিবেলপ তৌবগী কন্সল্তেসন ৱার্কশোপ অমা পাংথোকখিবা; হৌজিক ফাওবদা মীওই চাউরাক্না ৪৫০ য়াওহন্দুনা কোবিদ-১৯গী মনুংদা আই.এস.এ. মেমব্রশিংগী কেপাসিতী দিবেলপমেন্ত মতেং পাংনবা স্তার-সি ৱেবিনারশিং (সোলিনারশিং)গী প্রোগ্রাম দিবেলপ তৌবা অমসুং হৌদোকপগা লোয়ননা অহেনবা সেসনশিং প্লান তৌবা ।

আই.এস.এ. অসি সি.ও.পি.-২১গী শরুক অমা ওইনা নোবেম্বর ৩০, ২০১৫দা ফ্রান্সকী পেরিসতা ভারতকী প্রধান মন্ত্রী অমসুং ফ্রান্সকী রাস্ত্রপতীনা হৌদোকখিবা থৌরাং অমনি। আই.এস.এ.গী অপুনবা পান্দমদি আই.এস.এ.গী মেম্বর ওইরিবা লৈবাকশিংদা সোলর ইনর্জী হেনগৎহন্দুনা অপুনবগী ওইবা মরুওইবা অৱাবশিং পুন্না খুৎশম্নরগা কোকহনবনি। মসিনা ফাইনান্সকী কোস্ত অমসুং তেক্নোলোজীগী কোস্ত হন্থহন্নবা, সোলর ইনর্জী পাক-শন্না শিজিন্নবদা মথৌতাবা ইনবেস্তমেন্তশিং হেনগৎহনবা, মথৌ তাবশিংদা ফ্যুচর তেক্নোলোজীশিং শিজিন্ননবা লম্বেল শেম্বদা মথৌ তাবা অপুনবগী থবকশিং পাইখৎনবা পান্দমসু থম্মি। ‌আই.এস.এ.না ফন্দিং, দিবেলপ অমসুং সোলর এপ্লিকেসনশিং পাকশন্না শিজিন্ননবা ফীভমশিং শেমগৎপদা মতেং পাংনবা ফীভমদা লৈ। আই.এস.এ. অসি ২০৩০ সস্তেনেবল দিবেলপমেন্ত গোলশিং অমসুং অইং-অশাগী অহোংবদা পেরিস এগ্রীমেন্তকী পান্দমশিং ফংনবা মথৌ তৌরিবা মরুওইবা ওর্গনাইজেসন অমা ওইনা লৈরি।  আই.এস.এ.গী অহানবা এসেমব্লী অসি ভারতকী গ্রেতর নোইদাদা ২০১৮গী ওক্তোবর ২দগী ৫ ফাওবা পাংথোকখি অমসুং ভারতকী প্রধান মন্ত্রী শ্রী নরেন্দ্র মোদী অমসুং য়ু.এন. সেক্রেতরী জেনেরেল এন্তোনিও গত্তেরিসনা হৌদোকখি। আই.এস.এ.গী অনিশুবা এসেমব্লীনা ২০১৯গী ওক্তোবর ৩০দগী নোবেম্বর ১ ফাওবদা ভারতকী নই দিল্লীদা পাংথোকখি। আই.এস.এ.গী অহুমশুবা এসেমব্লী অসি ২০২০গী ওক্তোবর ১৪দগী ১৬ ফাওবা ভর্চ্যুএল ওইনা পাংথোক্কনি।