হকশেল অমসুং য়াইফ-য়ুম্বাল মন্ত্রালয়

দোক্তর হর্শ বর্ধন্না ফীভম চাদ্রবা তেলসিমিক অনাবশিংগীদমক ‘থেলসিমিয়া বাল সেবা য়োজনা’কী অনিসুবা তাঙ্কক হৌদোকখ্রে


অসিগুম্বা অনাবা মীওই ২০০গীদমক এপ্লাস্তিক এনেমিয়াবুসু কোনশিন্নবা ঙাক্লৌ পাকথোক চাউথোকখ্রে

দোক্তর হর্শ বর্ধন্না অচৌবা অনাবা লৈবা মীশিংদা শেনথুমগী পোৎলুম হন্থহনবা প্রধান মন্ত্রীগী ‘অয়ুস্মান ভারত-প্রধান মন্ত্রী জন আরোগ্য য়োজনা’গী কান্নবা ফংলিবশিং দোকুমেন্তেসন তৌবা মতমদা থেংনখিবা “নুংঙাইবগী পিরাংশিং” নীংশিংখি

Posted On: 14 OCT 2020 5:33PM by PIB Imphal

কেন্দ্রগী হকশেল অমসুং য়াইফ য়ুম্বাল মন্ত্রী দোক্তর হর্শ বর্ধন্না ফীভম চাদ্রবা থেলসিমিক অনাবশিংগীদমক ‘থেলসিমিয়া বাল সেবা য়োজনা’গী অনিসুবা তাঙ্কক ঙসি নির্মান ভবনদগী ভর্চুএল ওইনা হৌদোকখ্রে‍।

ইং ২০১৭দা হৌদোকখিবা স্কিম অসি ইমুং মনুংগী মীওইশিংদগী চানবা দোনর লৈবা থেলসিমিয়া অমদি সিকল সেল দিজিজকুম্বা হেমোগ্লোবিনোপেথিশিংগীদমক অমুকখক ফংগদবা লায়না লায়থুং কোকচনবগী খুদোংচাবা পীবদা য়ুম্ফম ওইবা কোল ইন্দিয়া সি.এস.আর.না শেন থাদবা হেমাতোপোইতিক স্তেম সেল ত্রান্সপ্লান্তেসন (ঐচ.এস.সি.তি.) প্রোগ্রামনি‍। সি.এস.আর. থৌরাং অসি ঐচ.এস.সি.তি. অমদা লুপা লাখ ১০গী মনুংদা লৈবা পেকেজ পীদুনা অনাবা মীওই ২০০দা শেনথুমগী ওইবা তেংবাঙ পীননবা পান্দম থমখিবনি‍।

দোক্তর হর্শ বর্ধন্না এস.জি.পি.জি.আই. লখনৌ, পি.জি.আই. চান্দিগর, এইমস দিল্লী, সি.এম.সি. ভেলর, তাতা মেদিকেল সেন্তর কোল্কতা অমসুং রাজীব গান্ধি কেন্সর ইন্সতিত্যুৎ, দিল্লীগী দোক্তরশিংবু ফিজিক্সিয়ন ফী অমত্ত লৌদনা অঙাঙ ১৩৫দা ত্রান্সপ্লান্তেসন মায় পাক্না পাঙথোকখিবগীদমক থাগৎপা ফোঙদোকখি‍। মহাক্না হায়খিবদা “তোঙান তোঙানবা হেমোগ্লোবিনোপেথিশিংগী সাইলেন্ত কেরিয়রশিংগী প্রিভেলেন্স দেতানা ত্রাইবেল মীওইশিংগী মরক্তা বিতা-তেলসিমিয়াগীনা চাদা ১.৯ – ৪.৬ ফাওবা অদুগা সিকল সেল এনেমিয়াগীনা চাদা ৪০গী চাং ফাওবা য়ৌনা লৈ হায়বা উৎলি‍। ঐচ.বি.ই.গুম্বা হেমোগ্লোবিন মখলশিং অসি নোংপোক ভারতকী মফমশিংদদি চাদা ৩-৫০ ফাওবা ওইদুনা য়াম্না তোয়না থেংনবা ফীভম ওইবা মরম্না হায়রিবা লায়নাশিং অসিদা অহেনবা মীৎয়েঙ চঙবা মথৌ তাই‍।” ২০২০দগী হৌদুনা হায়রিবা খুমাঙ চাউশিনবা লায়েং পথাপ অসি পীনবা য়ারক্লবা সি.এম.সি. লুধিয়ানা অমসুং নারায়ন হ্রুদয়ালয়া, বেঙ্গলোরবুসু মহাক্না শকখঙখি‍।

হেমাতোলোজীকেল দিসওর্দরশিংনা শোকহল্লবা বি.পি.এল অনাবশিংদা অসিগুম্লবা খুদোংচাবা অসি ফংহনবগীদমক অমদি ঙাক্লৌ অসি ২০২০দগী চহী অনি অমগসু মখা তানা পীথবগীদমক কোল ইন্দিয়া অমসুং মখোয়গী সি.এস.আর. কাঙবুবু তৌবিমল খঙবা উৎলদুনা, দোক্তর হর্শ বর্ধন্না ভারত্তা হকশেলগী সর্ভিসশিংদা ফুরিৎখাউদগী শেন য়াম্না চৎপগী মতাঙদা পন্দুনা হায়খিবদা, “মীওই কয়ানা লায়েংনবগীদমক মখোয়না মপা মপুনা থম্বিরমবা লম য়োন্থোক্লি অমদি লৈজবা মরল মথুম কায়থোক্নরি‍। অদুগুম্লবা অৱাবা ফীভমদুমক্ননি প্রধান মন্ত্রী শ্রী নরেন্দ্র মোদী জীবু পান্দম থম্লিবা মীওই কাঙলুপশিংগীদমক অয়ুস্মান ভারত-প্রধান মন্ত্রী জন আরোগ্য য়োজনা হৌদোকহন্নবা ইথিল পীখিবসি‍।” “ঐখোয়না স্কিম অসিগী কান্নবা ফংলিবা মীওইশিংগা উনরে অমদি মখোয়বু দোকুমেন্তেসন তৌবা মতমদা মখোয়না মমল নাইদ্রবা ঙাক্লৌ অসিগীমদমক মখোয়গী মকশিল্লবা পুন্সি মরক্তা নুংঙাইবগী পিরাং শিন্থখি,” হায়না মহাক্না মখা তাখি‍।

চহি অসিদগী হৌদুনা অপুনবা মীওই ২০০দা এপ্লাস্তিক এনেমিয়া অনাবশিংসু কোনশিন্নবা স্কিম অসি পাকথোক চাউথোকহল্লকপদা অপেনবা ফোঙদোক্লদুনা মহাক্না হায়খি, “অসিগুম্বা কেসশিং অসি অয়ুস্মান ভারত-হেল্থ এন্দ ৱেলনেস সেন্তরশিংগী নেতৱর্ক শীজিন্নদুনা কাউন্সেলিং পীরগা ঙাকথোকপা ঙমগনি‍। ঐখোয়না দিস্ত্রিক্ত হোস্পিতাল পুম্নমক্তা ব্লদ ত্রান্সফ্যুজনগী খুদোংচাবা ফংহল্লে অদুগা দিস্ত্রিক্ত খরদদি হায়রিবা খুদোংচাবা অসি সব-দিস্ত্রিক্ত থাক্তা লৈবা হেল্থ সেন্তরশিংদসু ফংহল্লি‍।

কেন্দ্রগী হকশেল সেক্রেতরী শ্রী রাজেস ভুষন, এ.এস. অমসুং এম.দি. (এন.ঐচ.এম.) শ্রীমতি বন্দনা গুর্নানি, কোল ইন্দিয়াগী চেয়রমেন অমসুং মেনেজিং দাইরেক্তর শ্রী প্রমোদ অগর্ৱাল অমদি হকশেল মন্ত্রালয় অমসুং কোল ইন্দিয়াগী অতৈ মকোক থোংবা ওফিসিএলশিংসু থৌরমদুদা শরুক য়াখি‍।

মেদিকেল কম্ম্যুনিতীদগী দোক্তর মেথিউস, ঐচ.ও.দি. হেমাতোলোজী, সি.এম.সি. ভেলর, দোক্তর সোনিয়া নিত্যানন্দ, ঐচ.ও.দি. হেমাতোলোজী, এস.জি.পি.আই. লখনৌ, দোক্তর দিনেস বুরানি, ঐচ.ও.দি. হেমাতোলোজী, আর.জি.সি.আই., দোক্তর পঙ্কজ মলহোত্রা, ঐচ.ও.দি. হেমাতোলোজী, পি.জি.আই. চান্দিগর, দোক্তর মনোরঞ্জন মহাপত্রা, ঐচ.ও.দি. হেমাতোলোজী এইমস নই দিল্লী, দোক্তর মম্মেন চান্দী, ঐচ.ও.দি. হেমাতোলোজী, তাতা মেদিকেল সেন্তর, কোলকতা, দোক্তর সুনিল ভত, ঐচ.ও.দি. হেমাতোলোজী পেদিয়াত্রিক, নারায়ন হ্রুদয়ালয়, বেঙ্গলোর, দোক্তর জোসেফ জোন, ঐচ.ও.দি. হেমাতোলোজী, সি.এম.সি. লুধিয়ানা অমসুং থেলসিমিয়ানা শোকহল্লবা অঙাঙ কয়া মখোয়গী মমা মপাশিংগা লোয়ননা থৌরমদুদা ভর্চুএল ওইনা শরুক য়াখি‍।

****



(Release ID: 1664689) Visitor Counter : 187