কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
২০২০-২১ খরিফ মার্কেতিং সিজন অসিগী মনুংদা এম.এস.পি.গী ফৌ লৌশিনবা অসি লেপ্পা লৈতনা হেঙ্গৎখ্রেলুপা কোতি ৪.৫৩গী এম.এস.পি. মমল ওইরিবা মুঙ্গ অমসুং উরদ এম.তি. ৬৩০.০৬, লুপা কোতি ৫২.৪০গী এম.এস.পি. মমল ওইরিবা কোপ্রা এম.তি. ৫০৮৯ অমসুং লুপা কোতি ১২২.৫২গী এম.এস.পি. মমল ওইরিবা কপাস বেল ৪৩৩৭৬ লৌশিনখ্রে
Posted On:
13 OCT 2020 6:38PM by PIB Imphal
২০২০-২১গী খরিফ মার্কেতিং সিজন(কে.এম.এস.) অসি মাংজৌননা হৌখ্রে অমসুং মমাংগী চহীশিংদা লৈরম্লিবা এম.এস.পি. স্কিম অসিগী মখাদা লৌমীশিংদগী এম.এস.পি. মমলদা ২০২০-২১গী খরিফ মহৈ-মরোংশিং সরকার অসিনা লেপ্পা লৈতনা লৌশিনখ্রে৷
২০২০-২১দা রাজ্যশিংনা কে.এম.এস.কী ফৌ লৌশিনবগী চাং অদু কা হেন্না হেঙ্গৎখ্রে৷ ভারতকী ফুদ কোর্পোরেসন অমসুং অতোপ্পা সরকারগী এজেন্সীশিং অসিগা লোইননা ১২.১০.২০২০ ফাওবদা লৌমী লাখ ৪.১৬ হেন্না কান্নহন্দুনা লুপা কোতি ৯১৬৪.৩০ এম.এস.পি. মমল ওইরিবা ফৌ এল.এম.তি. ৪৮.৫৩ লৌশিনখ্রে৷
১২.১০.২০২০ ফাওবদা চাওনা ফৌ লৌশিল্লিবা রাজ্যশিংনা ফৌ লৌশিনবগী চাং
মখাতানা রাজ্যশিংদগী হায়জরকপগী মতুং ইন্না তামিল নাদু, কর্নতকা, মহারাস্ত্র, তেলঙ্গনা, গুজরাত, হরিয়ানা, উত্তর প্রদেশ, ওরিশা, রাজস্থান অমসুং আন্ধ্র প্রদেশ রাজ্যশিংগীদমক ২০২০গী খরিফ সিজন অসিগীদমক হৱাই অমসুং থাও মরু এল.এম.তি. ৪১.৬৭ লৌশিনবগী অয়াবা পীখ্রে৷ মখাতানা আন্ধ্র প্রদেশ, কর্নতকা, তামিল নাদু অমসুং কেরলা রাজ্যশিং অসিগীদমক কোপ্রা(পেরেনিয়েল ক্রোপ) এল.এম.তি. ১.২৩ লৌশিনবগী শেনফম অদুসু কাইথখ্রে৷ অতোপ্পা রাজ্যশিং/য়ু.তি.শিংগী ওইনসু মরী লৈনবা রাজ্যশিং/য়ু.তি.শিং অদুগী মহৈ-মরোং লোকপগী মতম অদুদা মার্কেৎকী মমল অদু এম.এস.পি.মমলদগী কা হেন্না তাবা তারবদি রেজিস্তর তৌরবা লৌমীশিংদগী হকথেংন্না ২০২০-২১ চহী অসিগীদমক হায়রিবা এফ.এ.ক্যু. গ্রেদ ওইবা মহৈ-মরোংশিং অদু এম.এস.পি. মমলদা ফংহন্নবগীদমক প্রাইস সপোর্ত স্কিম(পি.এস.এস.)গী মখাদা হৱাইশিং, থাও মরুশিং অমসুং কোপ্রা লৌন্নবগী হায়জরকপা মতমদা সেন্ত্রেল নোদেল এজেন্সীশিংনা রাজ্যনা খনগৎলবা এজেন্সীশিংগী খুৎথাংদা হায়জরক্লিবা অদুগী অয়াবা পীরগনি৷
১২.১০.২০২০ ফাওবদা সরকার অসিনা নোদেল এজেন্সীশিংগী খুৎথাংদা তামিল নাদু, মহারাস্ত্র অমসুং হরিয়ানাদা লৌমী ৫৫৪ কান্নহন্দুনা লুপা কোতি ৪.৫৩গী এম.এস.পি. মমল ওইরিবা মুঙ্গ অমসুং উরদ এম.তি. ৬৩০.০৬ লৌশিনখ্রে৷ অসিগুম্না তামিল নাদু, মহারাস্ত্র অমসুং কর্নতকাদা লৌমী ৩৯৬১ কান্নহন্দুনা লুপা কোতি ৫২.৪০গী এম.এস.পি. মমল ওইরিবা কোপ্রা এম.তি. ৫০৮৯ লৌশিনখ্রে৷ কোপ্রা অমসুং উরদ চাং ৱাংনা পুথোকপা রাজ্যশিংদা মহৈ-মরোং অসিগী মমল অসি এম.এস.পি. মমলদগী হেন্না ৱাংই৷ মরী লৈনবা রাজ্য/য়ু.তি. সরকারশিংনা খরিফ হৱাইশিং অমসুং থাও মরুশিং অসি লোকপা য়াবগী মতম য়ৌরকপদা মশা মশাগী রাজ্যশিং অদুনা মহৈ-মরোংশিং লৌথোকপা য়ারে হায়না ময়াবা পীরকপা মতম অদুদগী লৌথোকপা হৌনবা মরু ওইবা খোংথাং কয়ামরোম লৌখৎখ্রে৷
২০২০-২১গী খরিফ মার্কেতিং সিজন অসিগী মনুংদা লশিং মরু(কপাস) লৌথোকপা অদু ২০২০গী ওক্তোবর তাং ১দগী হৌখ্রে অমসুং ভারতকী কোতন কোর্পোরেসননা ২০২০গী ওক্তোবরগী তাং ১২ ফাওবদা লৌমী ৮৯৪৩ কান্নহন্দুনা লাখ ১২২৫২গী এম.এস.পি. মমলদা বেল ৪৩৩৭৬ য়ৌনা লৌশিনখ্রে৷
(Release ID: 1664550)
Visitor Counter : 196