হেন্না ফবা নুংশিৎকী ফীভম থম্নবা থৌরাং হেনগৎহন্নবগীদমক, সেন্ত্রেল পোলুসন কন্ত্রোল বোর্দ (সি.পি.সি.বি.)গী কাঙবু ৫০, ওক্তোবর ১৫, ২০২০দগী ফেব্রুৱারী ২৮, ২০২১ ফাওবগী মনুংদা পাক শন্না ফীল্দদা চত্তুনা য়েংশিন্নবগীদমক থমগদৌরি‍।

কাঙবুশিং অসিনা দিল্লী অমসুং এন.সি.আর. ময়োল্লমশিং – উত্তর প্রদেশকী নোইদা, গাজিয়াবাদ, মীরুত; হরিয়ানাগী গুরুগ্রাম, ফরিদবাদ, বল্লবগর, ঝাজ্জর, পানিপত, সোনেপত; অমসুং রাজস্থানগী ভিৱাদি, অলৱার, ভারতপুরদা চত্তুনা য়েংশিনগনি‍। হায়রিবা কাঙবুশিং অসিনা খুদোংচাদবা ফীভম হেন্না শাথিনা থেংনরিবা হোৎস্পোৎ মফমশিংদা অখন্ননা মীৎয়েঙ চঙগনি‍।

মতিক চাবা কন্ত্রোল থৌরাং য়াওদবা অচৌবা কন্সত্রকসন থৌওংশিং, লম্বী মপানদা অমদি অহাঙবা মফমদা ফত্ত-হৌদি অমদি য়ুম শাবগী অরেম অখাকশিং পৈশিনবা, কোইলাস থাদবা লম্বী, ফত্ত-হৌদি/ইন্দস্ত্রীদগী থোরকপা ফত্ত-হৌদি অহাঙবা মফমদা মৈ থাবানচিংবা চাউনা নুংশিৎ মোৎহনবগী হৌরকফমশিং মফমদগী রিপোর্ত তৌবগী মতাঙদা সমীর এপ শীজিন্নগনি‍।

নুংশিৎ মোৎশিনহনবা থৌওংশিংগী মতাঙদা পীরকবা ফীদবেক থুনা থবক লৌখৎনবগীদমক ওতোমেতেদ সিস্তেম অমগী খুত্থাঙদা মরী লৈনবা এজেন্সীশিংগী পীগনি‍। স্তেত লৈঙাকশিংদসু অকুপ্পা ৱারোল পীগনি‍। মসিনা মরী লৈনবা এজেন্সীশিংনা মতম চানা থবক লৌখৎবা অমদি মতিক চাবা থাক্তা য়েংশিনবগী থবক্তা মতেং ওইগনি‍।

পুং খুদিংগী পোলুসনগী চাং য়েংশিন্নবা অমদি স্তেত এজেন্সীশিংগা খুৎশম্ননবগীদমক্তা সি.পি.সি.বি. হেদক্বার্তর্সতা সেন্ত্রেল কন্ত্রোল রুম অমা মথৌ তৌহল্লে‍। মসিগী মথক্তা কাঙবুশিং অসি খুৎশম্নদুনা হেন্না ফবা মওংদা মেনেজ তৌননবা দিস্ত্রিকশিংগী নোদেল ওফিসরশিং হাপখ্রে‍।

দিল্লী অমসুং এন.সি.আর. মফমশিংদা নিংথমথাগী মতমদা নুংশিৎকী ফীভম অসি অচৌবা এনভাইরনমেন্তকী ৱাফম অমা ওইরি‍। হায়রিবা মফমসিদা নুংশিৎকী ফীভম মেনেজ তৌননবগীদমক হৌখিবা চহি মঙাসিদা তোঙান তোঙানবা থৌরাং কয়া লৌখৎলি‍। চহি খুদিংগী তপ্না তপ্না নুংশিৎকী ফীভম ফগৎলকপা উরবসু তৌগদবা কয়া অমদি লৈরি‍।

***