রাস্ত্রপতিগী লোইশঙ
ভিদিও কনফরেন্সকী খুৎথাংদা স্বিৎজরলেন্দ, মালতা অমসুং বোৎস্বানাগী এনভোইশিংনা শক্তাকচে পীশিনখ্রে
Posted On:
14 OCT 2020 2:40PM by PIB Imphal
ঙসি ওক্তোবর ১৪, ২০২০দা ভর্চুএল ওইনা পাংথোকপা থৌরম অমদা স্বিৎজরলেন্দ, মালতা অমসুং বোৎস্বানাগী এম্বেসেদর/হায় কম্মিসন্নরশিংদগী পীরকপা শক্তাকচেশিং ভারতকী রাস্ত্রপতি শ্রী রাম নাথ কোবিন্দনা অয়াবা পীখ্রে। মখোয়গী শক্তাকচেশিং পীশিল্লকখিবশিং অদুদি :
১. স্বিৎজরলেন্দ এম্বেসেদরগী দোক্তর রাল্ফ হেকনর
২. মালতাগী হায় কম্মিসন্নরগী রুবেন গৌসি
৩. বোৎস্বানাগী হায় কম্মিসন্নরগী জিলবার্দ শিমানে মঙ্গোল
থৌরম অদুদা ৱা ঙাংবদা, মখোয় থবক পায়বা হৌবদা রাস্ত্রপতিনা এনভোইশিংদা মহাক্কী য়াইফ-পাউজেলশিং পীখি। মহাক্না হায়খি লৈবাক অহুম অসিগা ভারত্তা নুংশিনবা অমসুং মরুপ-মপাং ওইবা মরীশিং লৈনরি অমসুং শান্তি অমসুং নুংঙাই-য়াইফবগী অমতা ওইবা পান্দম অমদা ঐখোয়গী অচেৎপা মরীশিং লৈনরি। ২০২১-২২ তার্মগীদমক য়ু.এন সেকুরিতি কাউন্সিলগী নন-পর্মনেন্ত সিতগীদমক ভারতনা মীরেপ ওইবদা শৌগৎপগীদমক মহাক্না মখোয়গী সরকারশিংসু থাগৎখি।
রাস্ত্রপতিনা হায়খি কোবিদ-১৯ লাইচৎ অসিনা ঐখোয় অপুনবা ওইনা হকশেল অমসুং শেন-থুমগী ফিবম ফনা থম্নবগীদমক মালেমগী ওইনা মতেং হেন্না পাংনবগী দরকার ওইবা অদু হেনগৎহল্লে। অথুবদা মালেমগী লৈবাকশিংনা লাইচৎ অসিগী পাম্বৈ অমা ফংলগনি অমসুং অৱাবা অসি হেন্না মপাঙ্গল কন্না অমসুং হেন্না খাংবা কন্না থেংনরগনি।
******
(Release ID: 1664360)
Visitor Counter : 229