ভারতকী খ্বাইদগী চাউবা পাৱর প্রদ্যুসর অমসুং পাৱর মন্ত্রালয়গী মখাদা লৈরিবা পি.এস.য়ু. অমা ওইরিবা এন.তি.পি.সি. লিমিতেদ অসিনা মৈ পুথোকপা মতমদা ফংবা বাই-প্রদক্ত ১০০% শীজিন্নবা ঙম্নবা মখোয়না হোৎনরিবা অসিগী শরুক অমা ওইনা লৈবাক শিনবা থুংনা লৈরিবা সিমেন্ত মেন্যুফেকচর্রশিংগা লোয়ননা খুৎশম্নদুনা ফ্লাই এশ সপ্লাই তৌবা হৌখ্রে। পাৱর প্রদ্যুসরনা শেন্মীৎলোন্দা কান্নগদবা অমসুং মহৌশাদা শোকহল্লোইদবা মওংদা ফ্লাই এশ পুথোক-পুশিন তৌনবা ইন্দিয়ন রেলৱেজকী নেৎৱার্ক শন্দোকপা হেনগৎহল্লি।

এন.তি.পি.সি. লিমিতেদনা থোকপা ৱারোল অমগী মতুং ইন্না, এন.তি.পি.সি. রিহান্দ অসিনা উত্তর প্রদেশকী রাজ্য অসিদা সিমেন্ত মেন্যুফেকচর্রশিংদা কন্দিসন তৌবা ফ্লাই এশ থাবা অহানবা পাৱর প্লান্ত ওইরি। প্লান্ত অসিনা হন্দক্তা, দালমিয়া সিমেন্ত (ভারত) লিমিতেদকী অসামগী নাগাওগী প্লান্তদা বোক্সএন ৱেগোন ৫৯দা কন্দিসন তৌরবা ফ্লাই এশকী মেত্রিক তন (এম.তি.) ৩,৮৩৪ থাখি। মমাংদা কন্দিসন তৌরবা ফ্লাই এশকী রেল রেকশিং অসি তিকারিয়া (য়ু.পি.), কাইমোর (এম.পি.) অমসুং রোপার (পঞ্জাব)কী এ.সি.সি. প্লান্তশিংদা থাদোকখি।

শেনবা চহি ২০১৯-২০গী মনুংদা, ফ্লাই এশ মিলিয়ন তন ৪৪.৩৩ মুক অসি তোঙান তোঙানবা কান্নরবা হীরমশিংদা শীজিন্নখি। চহিগী ওইনা এন.তি.পি.সি.না চাউরাক্না উৎ মিলিয়ন তন ৬৫ পুথোক্লি মসিগী মনুংদা ৮০% (চাউরাক্না মিলিয়ন এম.তি. ৫২) অসি ফ্লাই এশনি। হৌজিক্কী ওইনা অপুনবা উৎকী ৭৩% রোমদি সিমেন্ত অমসুং ফ্লাই এশকী চেকশিং পুথোকপদা, লম্বীগী পলশিং শেম্বা, মাইন ফুঞ্জিনবা, অকুৎপা মফমশিং থোনগৎপা অমসুং এশ দাইক রাইসিংদা শীজিন্নরি।

অপুনবা ইন্সতোল তৌবা কেপাসিতী জি.দবল্যু. ৬২.৯গা লোয়ননা এন.তি.পি.সি. গ্রুপকী পাৱর স্তেসন ৭০ লৈ মসিদা কোয়লা ২৪, সাইকল গ্যাস/লিক্বিদ ফ্যুলগী অপুনবা ৭, হাইদ্রো ১, রিন্যুএবল ১৩ লোয়ননা সবসিদিএরী ২৫ অমসুং জে.ভি. পাৱর স্তেসনশিং য়াওরি। গ্রুপ অসিগী হৌজিক শারিবা কেপাসিতী জি.দবল্যু. ২০ লৈ, মসিদা জি.দবল্যু. ৫গী রিন্যুএবল ইনর্জী প্রোজেক্ত ৫ য়াওরি।

*****