কম্পিতিসন কম্মিসসন ওফ ইন্দিয়া (সি.সি.আই.)না ত্যুব ইনবেস্তমেন্ত ওফ ইন্দিয়া লিমিতেদনা সি.জি. পাৱর অমসুং ইন্দস্ত্রীএল সোল্যুসন লিমিতেদকী শ্যার লৈবগী অয়াবা পীখ্রে।

হৌদোক্লিবা পুন্সিনবগী থৌওং অসিনা ত্যুব ইনবেস্তমেন্ত ওফ ইন্দিয়া লিমিতেদনা (তি.আই.এল.) সি.জি. পাৱর অমসুং ইন্দস্ত্রীএল সোল্যুসন লিমিতেদকী (সি.জি. পাৱর) ইক্বিতী শ্যার কেপিতেল ৫০% হেনবা  লৈবগী ৱাফম য়াওরি।

তি.আই.এল. অসি লিস্তেদ এন্তাইতী অমনি অমসুং মুরুগপ্পা গ্রুপকী শরুক অমনি। মসিগী কার্বার অহুম লৈ – ইঞ্জিন্যারিং, মেতালনা শাবা পোত্থোকশিং অমসুং বাইসাইকল। মসিনা ওতোমোতিব, রেলৱে,  কন্ত্রক্সন, মাইনিং অমসুং লৌউ-শিংউগী ইন্দস্ত্রীশিংগী তোঙান তোঙানবা পোত্থোকশিং শাবগী থবক তৌই।

সি.জি. পাৱর অসিসু লিস্তেদ এন্তাইতী অমনি। মসিগী মরু ওইবা কার্বার অনি লৈ – পাৱর সীস্তেম অমসুং ইন্দস্ত্রীএল সীস্তেম। পাৱর সীস্তেমগী কারবার অসিনা মৈ শন্দোকপা, য়েন্থোকপা, মৈগী ৱারোইশিং পুরকপা, ইন্তিগ্রেতেদ পাৱর সীস্তেম চনখৎপা/শেমগৎপা অমসুং মরী লৈনবা সর্বিসকী কার্বার কয়াদা মিৎয়েং চঙই। ইন্দস্ত্রীএল সীস্তেমগী কার্বার অসিদা রোতেতিং মেছিন (মোতোর অমসুং অলতর্নেতরশিং), ওতোমেতেদ এ.সি., দি.সি. অমসুং ভেরিএবল ফ্রিক্বেন্সী দ্রাইবশিং অমসুং কন্ত্রোল সীস্তেমগা লোয়ননা ত্রেক্সন এলেক্ত্রোনিক্স অমসুং মেছিনশিং, সিগ্নেল্লিং অমসুং রেল-দবাগী পোত্থোকশিং অমসুং রেলৱে ত্রান্সপোর্তেসনগী মপুং ওইবা ৱারোইশিন পুরকপগী থৌওংশিং য়াওই।

সি.সি.আই.গী অকুপ্পা ৱারোল মখা তানা থোক্লকখিগনি।

****