হাইদরবাদতা বেজ তৌবা দিফেন্স পব্লিক সেক্তর ভারত দাইনমিক লিমিতেদনা ভারত সরকারদা লুপা কোতি ৩৫.০১৮গী অরোইবা দিভিদেন্দ ওইনা খুৎশিন্নখ্রে৷

বি.দি.এল.দা ভারত সরকারনা সেয়র হোল্দিং তৌবগীদমক বি.দি.এল.গী মেনেজিং দাইরেক্তর অমসুং চিয়রমেন কম্মোদোর সিদার্থ মিশ্রা(রিতাইয়দ)না ঙসি ন্যু দিল্লীদা রক্সা মন্ত্রী শ্রী রাজনাথ সিংহদা অরোইবা দিভিদেন্দ অমা ওইনা লুপা কোতি ৩৫.০১৮গী শেনফম চেক ওইনা খুৎশিন্নখ্রে৷

২০১৯-২০ শেঞ্জাগী চহী অসিগীদমক লুপা ১০গী সেয়র অমদা লুপা ২.৫৫গী অরোইবা দিভিদেন্দ বি.দি.এল.না পীখ্রে৷ কম্পেনী অসিনা পীখ্রিবা অরোইবা দিভিদেন্দ অদু পীখ্রবা সেয়র কেপিতেল লুপা কোতি ১৮৩.২৮গী ২৫.৫% ওই৷

বি.দি.এল.দা সরকার অসিনা সেয়র হোল্দিং তৌবগীদমক চহী অসিগী মার্চ থা মনুং অসিদা ২০১৯-২০ শেঞ্জাগী চহী অসিগীদমক সেয়র অমদা লুপা ৬.২৫ ওইবা পুন্না লুপা কোতি ১০০.৫১৮ ওইবা শেনফম বি.দি.এল.না ভারত সরকারদা পীখ্রে৷ মসিগা লোইননা ২০১৯-২০ শেঞ্জাগী চহী অসিগীদমক বি.দি.এল.না লুপা কোতি ১৩৫.৫৩৬কী অপুনবা দিভিদেন্দ ভারত সরকারদা খুৎশিন্নখ্রে৷

২০১৯-২০ চহী অসিগীদমক অপুনবা তর্নওভর সেল ওইনা লুপা কোতি ৩,০৯৫.২০ বি.দি.এল.না ফংবা ঙমখ্রে অমসুং তেক্স য়াওদ্রিঙৈগী শেন্দোং ওইনা লুপা কোতি ৭৪২.৪৫গী শেনফম ফংবা ঙংখ্রে৷

থৌরম অদুদা দিপার্তমেন্ত ওফ দিফেন্স প্রদক্সন(দি.দি.পি.)গী সেক্রেতরী শ্রী রাজ কুমার অমসুং দিফেন্স মন্ত্রালয়গী জোইন্ত সেক্রেতরী(এরো) শ্রী চন্দ্রকর ভার্তিসু শরুক য়াখি৷

*****