স্কুলশিংদা অনৌবা পুথোকপগী থবকশিং হেনগৎহন্নবা অতল ইন্নোবেসন মিসন(এ আই এম),নিতি অয়োগনা সি.জি.আই ইন্দিয়াগা স্তেৎমেন্ত ওফ ইন্তেন্ত(এস ও আই)অমা খুৎয়েক পীনখ্রে।

অতল ইন্নোবেসন মিসনগী অতল তিনকরিং লেবকী থবকশিং মখা তানা শৌগৎপগী শরুক অমা ওইনা, অতল তিনকরিং লেব স্কুলশিংদগী অনৌবা অমসুং মাইপাক্লবা থবক হৈবা মীওইশিং পুথোক্নবা অতল ইন্নোবেসন মিসন অমসুং আই.তিগী খ্বাইদগী চাউবশিংগী মরক্তা অমা ওইরিবা সি.জি.আই ইন্দিয়া অমসুং বিজিনেস কন্সলতিং সর্বিসেস ফার্মশিং পুন্না থবক তৌমিন্নরে।

অতল ইন্নোবেসন মিসন অসি লৈবাক শীনবা থুংনা অনৌবা পুথোকপা অমসুং ওন্ত্রেপ্রেনিউরশিপ য়োকখৎনবা ভারত সরকারগী মাংজিল থাবা থৌরম অমনি। ভারত্তা মসিগী অতল তিনকরিং লেবশিংদা স্কুলগী অঙাং মিল্লিয়ন ২.৫ হেন্না লৈরি। অতল তিনকরিং লেবশিং অসি স্কুলশিংদা মহৈরোয়শিংনা দু-ইত-য়োরসেল্প(দি আই ৱাই)গী খুদোংচাবা ফংনবা লৈবা অনৌবা পুথোক্নবা থবক শুফমনি অমসুং মসিদা খ্বাইদগী নৌবা তেক্নোলোজিশিং শীজিন্নদুনা অনৌবা পাম্বৈশিং পুথোক্নবা হোৎনরি।

স্তেৎমেন্ত ওফ ইন্তেন্তগী শরুক অমা ওইনা, মহৈরোয়শিং ত্রেনিং পীনবা বেঙ্গালোর, চেন্নাই, হায়দ্রবাদ অমসুং মুম্বাইদা লৈবা স্কুল ১০০গী এ.তি.এলশিং লৌশিনবা সি.জি.আইনা য়ারে। স্তেম তুলশিং শীজিন্নদুনা খুৎ পায়দুনা মহৈরোয়শিং তাকপী-তম্বীনবা অমসুং তেক্নিকেলগী লৌশিং হেনগৎহন্নবা এ.তি.এলশিংদা সি.জি.আইগী ভোলুন্তিয়ারশিংনা মহৈরোইশিং কোচিং পীগনি অমসুং লমজিংগনি।

দিজাইন থিংকিং, কম্পুতেসনেল থিংকিং, রোবোতিক্স অমসুং কোদিংগী মতাংদা খনগৎলবা স্কুলশিংগী ওজাশিংগীদমক সি.জি.আইনা ত্রেনিং ৱার্কশোপশিং পাংথোক্কনি। নিতি অয়োগ, অতল ইন্নোবেসন মিসনগী মিসন দিরেক্তর আর রমানন্না হায়খি অতল ইন্নোবেসন মিসন অমসুং সি.জি.আই পুন্না থবক তৌমিন্নবা অসি এ.তি.এলশিংগী ওইনা মরুওইবনি অমসুং মসিনা এ.তি.এলগী মহৈরোয়শিং অমসুং ওজাশিং অনিমক খ্বাইদগী কান্নবা ফংলগনি।

মহাক্না হায়খি মখোয়গী তেক্নিকেলগী হৈশিংবা অমসুং মতিক চাবা অদুগা লোয়ন্না লৈবাক শীনবা থুংনা এ.তি.এল ১০০ লৌশিনবা অমসুং মতেং পাংবা হায়না সি.জি.আইনা য়ারে। থবক অসিনা এ.তি.এল মহৈরোয়শিং ভারত্তা থোক্লিবা ৪সুবা ইন্দস্ত্রিএল রিভোলুসনদা হেন্না শম্নরগনি। ওজাশিংদা অনৌবা পুথোকপগী ৱাখল্লোলশিং শেমগৎনবা এ.তি.এল ওজাশিংগীদমক সি.জি.আইনা তিনকরিং ৱার্কশোপশিংসু পাংথোক্কনি অমসুং মসিনা ঐখোয় খুদিংমক হরাওগনি হায়না ঐনা থাজবা থম্লি।

এসিয়া পেসিফিক গ্লোবেল দেলিভরি সেন্তরস ওফ এক্সলেন্সগী প্রসিদেন্ত, সি.জি.আই জর্জ মাত্তাক্কেলনা হায়খি এস.তি.ই.এমগী খুৎথাংদা ঐখোয়গী মহৈরোয়শিং শক্তি পীনবা অমসুং লাইরিক তম্বীনবা সি.জি.আইদা ঐখোয়না থবক পায়খৎলে। অপুনবা ওইনা তুংগীদমক দিজিতেলগী লৌশিং লৈরবা থবক হৈবা মীওইশিং শেমগৎনবা অমসুং অনৌবা পুথোক্নবা ইথিল পীনবা থবক অসিগীদমক নিতি অয়োগকা পুন্না থবক তৌমিন্নবা অসিদা ঐখোয় অপেনবা পোক্লে।

ভারতকী অচৌবা সহরশিংদা সি.জি.আইনা কন্সলতেন্ত ১৪,০০০ হেন্না হাপ্লে অমসুং মখোয়না মালেম শীনবা থুংনা পুন্না থবক তৌমিন্নদুনা, মরম চানা থবক তৌদুনা, তাথোক-তাশিন তৌদুনা, অফবা থবক পাংথোক্তুনা অমসুং ললোন-ইতিক্কী ফলশিংদা থাজবা থমদুনা মালেমগী থাক্তা থবকশিং পাংথোক্লি।

***