শক্তি মন্ত্ৰালয়
মুম্বাইত সংঘটিত বিদ্যুত বিপৰ্যয়ৰ কাৰণ অধ্যয়ণৰ লগতে এনে সংকটৰ সমাধান সূত্ৰ আৱিষ্কাৰৰ বাবে ৰাজ্য চৰকাৰক সহযোগিতা আগবঢ়োৱাৰ উদ্দেশ্যে মুম্বাইলৈ শক্তি মন্ত্ৰালয়ৰ ‘চিইএ’ৰ নেতৃত্বত কেন্দ্ৰৰ দল
সুকলমে আছে ৰাষ্ট্ৰীয় গ্ৰীড, ৰাজ্যিক গ্ৰীডত আসোঁৱাহ
বিদ্যুতৰ প্ৰবহণ পুনৰাম্ভ কৰাৰ বাবে কেন্দ্ৰীয় শক্তিখণ্ডৰ বিষয়াবৰ্গই অহৰহ সহযোগিতা আগবঢ়াই আছে : শ্ৰী আৰ কে সিং
Posted On:
12 OCT 2020 5:34PM by PIB Guwahati
মুম্বাইত সৃষ্টি হোৱা বিদ্যুত্ সংকট সন্দৰ্ভত আজি দুপৰীয়াৰ ভাগত বক্তব্য আগবঢ়াই কেন্দ্ৰীয় শক্তি তথা নতুন আৰু নবীকৰণযোগ্য শক্তি বিভাগৰ স্বতন্ত্ৰ মন্ত্ৰী শ্ৰী আৰ কে সিঙে কয় যে, ইতিমধ্যে মুম্বাইৰ বৃহত্তৰ অঞ্চলত বিদ্যুতৰ প্ৰবহণ প্ৰক্ৰিয়া পুনৰাই আৰম্ভ হৈছে। প্ৰবহণ বিঘ্নিত হোৱা ২০০০ মেগাৱাট বিদ্যুতৰ ১৯০০ মেগাৱাটৰ প্ৰবহণ ইতিমধ্যেই পুনৰাম্ভ্ কৰা হৈছে আৰু অৱশিষ্ট অংশ অচিৰেই সম্ভৱ কৰিব পৰা যাব। ৰাষ্ট্ৰীয় গ্ৰীডত এতিয়ালৈকে কোনো আসোঁৱাহ দেখিবলৈ পোৱা নাই বুলি স্পষ্ট কৰা শ্ৰী সিঙে ৰাজ্যিক গ্ৰীডৰ কেতবোৰ অংশত সমস্যাই দেখা দিছিল বুলি তথ্য দাঙি ধৰে।
প্ৰসংগক্ৰমে শ্ৰী সিঙে কয় যে সমস্যাৰ উত্স আৰু সমাধান সূত্ৰ বিচৰাৰ লগতে ৰাজ্যচৰকাৰক সহযোগিতা আগবঢ়োৱাৰ লক্ষ্যৰে এটা কেন্দ্ৰীয় দলে মুম্বাইলৈ যাত্ৰা কৰিব।
******
RCJ/M/KB
(Release ID: 1663933)
Visitor Counter : 151