প্রধান মন্ত্রী শ্রী নরেন্দ্র মোদীনা লুপা ১০০গী কোইন অমা রাজমাতা বিজয়া রাজেসিন্ধিয়াগী ১০০শুবা মপোক কুমোন্দা মহাকপু নিংশিংবা ওইনা মমিং থোন্দুনা ভিদিও কনফরেন্সগী খুত্থাংদা পুথোকখ্রো। মহাক্না রাজমাতাগী মপোক কুম্মোন্দা শ্রদ্ধাঞ্জলীশু কৎখি।

প্রধান মন্ত্রীনা হায় মদুদি মহাক্না রাজমাতা বিজয়া রাজেসিন্ধিয়াগী ১০০শুবা মপোক কুমোন্দা নিংশিংবা ওইনা মমিং থোন্দুনা লুপা ১০০গী কোইন অমা পুথোকপগী খুদোংচাবা ফংবা অসি ঐহাক্কী লাইবক ফবনি হায়দুনা হায়খি। বিজয়ারাজেজিগী লাইরিক অসিদা প্রধান মন্ত্রীনা হায় মদুদি মহাক অসি গুজরাতকী নহাশিংগী লুচিংবা অমা ওইনা শক তাক্লকখি অমসুং ঙসিসু চহি কয়াগী মতুংদা মহাক্না লৈবাক অসিগী প্রধান সেবক ওইনা মথৌ তৌরি।

থৌরম অদুদা ৱা ঙাংলদুনা প্রধান মন্ত্রীনা হায় মদুদি রাজমাতা বিজয়া রাজেসিন্ধিয়া অসি ইন্দিয়া অসিবু অচুম্বা লম্বীদা লমজিমবা অমনি। মহাক অসি য়াম্না হৈ-শিংবা এদমিনিস্ত্রেতর অমনি। মহাক্না মখা তানা হায় মদুদি মহাক অসি ইন্দিয়াগী মরুওইবা রাজনিতিগী তাঙ্কক কয়া অমা হায়বদি মীরমদমগী ফিরোল মৈ থাবা, ইম্মর্জেন্সি অমসুং রাম মন্দিরগী ৱাথোক কয়া হকথেংননা উখি।

প্রধান মন্ত্রীনা হায় মদুদি রাজমাতা ঐখোয়দা তম্বী মদুদি প্রজাগী সেবা তৌব অসি অখন্নবা ইমুং অমগী ওইগদবনি হায়বা লৈতে। ঐখোয়না মসিদা ঐখোয়না ইরৈবাক অসিবু নুংশিবা অমা চংই অমসুং মীয়ামগী হায়বা ঈহুল অমা চংই। মসিগী ৱাখল্লোন অসি মহাক্কী পুন্সিদা উবা ফংই। রাজমাতাগী থবক শুবা মীওই লিশিং অমা হেন্না লৈ, য়াম্না মশক থোকপা কোনুং অদুবু অসিগুম্বা কয়া লৈরবসু মহাক্কী পুন্সিদি মীচম প্রজাদা কৎথোকই। মহাক্না প্রজাগী ওইবা থবকশিংদা মতম লৈবা খুদিংদা শরুক য়াখি। মহাক্না হায়খি মদুদি রাজমাতানা মশামক তুংগী মীরোলগীদমক কৎথোকখি। মহাক্না মহাক্কী নুঙাইরবা পুন্সি অদু লাক্কদৌরিবা তুংগী মীরোলগীদমক কৎখোকখি। রাজমাতানা মহাক্কী ফম অমসুং লেমথোক্না লৈখিদে অমসুং রাজনিতিসু তৌখিদে। মহাক্না হায়খি মদুদি অতলজি অমসুং অদভানি জি মখোয় অনিনা মহাকপু জন সঙ্গগী প্রসিদেন্ত ওইবিনবা কন্না হায়জখি অদুবু মহাক্না এক্তিবিস্ত ওইনা লৈজগে হায়দুনা অয়াবা পীখি।

প্রধান মন্ত্রীনা হায় মদুদি রাজমাতানা মহাক্কা লোয়নবা অসি মিং ওইনা থম্বা পাম্মী অমসুং মসি মীপুম খুদিংগী থম্মোয়দা লৈগদবনি হায়খি। ইকাই খুম্নবা, চাওথোকপা লৈতবা অসিনা রাজনিতিগী ফিদম ওইগদবনি।

প্রধান মন্ত্রীনা হায় মদুদি প্রজাদা এৱ্যারনেশ পীবা অমসুং মীয়ামগী ইহৌনা চহি খর অসিদা লৈবাক অসিদা অহোংবা কয়া লাকখ্রে অমসুং কেম্পেন্দ কয়া অমা অমসুং স্কীম কয়া অমসু মায় পাকখ্রে। মহাক্না উৎখি মদুদি লৈবাক অসি রাজমাতা মহাক্কী থৌজালদগী চাওখৎপা অমদা পুরক্লিবনি।

প্রধান মন্ত্রীনা হায় মদুদি ঙসিদি ইন্দিয়া অসি নারি শক্তি অসি য়াম্না খুম্মাং চাওশিল্লি অমসুং লৈবাক অসিগী মফম কয়াদা মকোক চিংদুনা চৎলি। মহাক্না নুপীশিংগী শক্তি হেনগৎপদা রাজমাতানা নিংজরম্বা থুংনবা সরকারনা লৌগদবা খোঙথাংশিংগী লিস্ত অমা শেমখি.

প্রধান মন্ত্রীনা হায় মদুদি মসি য়াম্না থাজদবা অমনি মদুদি মহাক্কী রামজন্মাভুমী মংলানগীদমক থেংনখিবা অসি মহাক্কী চহি ১০০শুবা মপোক কুমোন অসিদা থুংবা অসিনি। মহাক্না হায় মদুদি আত্মানির্ভর ভারত মায় পাকপা অসিনা মহাক্কী মংলান অচেৎপা অমসুং মঙাল থোকপা ইন্দিয়া ওইবদা মংফাওনরগনি।

থৌরম অদুদা ৱা ঙাংলদুনা য়ুনিয়ন কলচর মিনিস্তরনা হায় মদুদি রাজমাতা বিজয়া রাজেসিন্ধিয়া পারাস নুঙগুম ইচম চম্মী। মহাক্না রাজমাতা বিজয়া রাজেসিন্ধিয়া মশানা থেংনখিবা অদু তমখি অমসুং মহাক্না হায়খি মদুদি মহাক্না রাজনিতি তৌই অদুবু রাজনিতিগী ওইবা পান্দম অমদি থমখিদে। মহাক্কী রাজনিতি অসি য়াম্না মগুন লৈবা রাজনিতিনি। মহাক্না হায় মদুদি রাজমাতা রাজেসিন্ধিয়া অসি মীপুম খুদিংনা থেংনরিবা অদুনি। করিগুম্বা মহাক্না পাম্লবদি মহাক্না মহাক্কী পুন্সিবু নুঙাইনা লৈথোকপা য়াবনি অদুবু প্রজাগী সেবা তৌবা অসি মহাক্কী পন্থুং ওইনা লৌখি।

স্তেত কয়াগী গর্বনরশিং অমসুং চীফ মিনিস্তরশিং অমসুং বিজয়া রাজেসিন্ধিয়াগী ইমুং-মনুংশিংনা ভর্চ্যুএল ওইবা থৌরম অদুদা শরুক য়াখি। মিনিস্ত্রী ওফ কলচরগী সেক্ত্রেতরি শ্রী রাঘবেন্দ্র সিংহনা প্রধান মন্ত্রীবু ওকখি অমসুং থৌরম অদুবু শিনখি।

কোইন অসি রাজমাতা বিজয়া রাজেসিন্ধিয়াগী মপোক কুমোন পাংথোকপদা থাদোকখি। অখন্নবা নিংশিংনিঙাই ওইরবা কোইন অসি ফাইনান্স মিনিস্ত্রীনা থৌরম অসিগী শরুক অমা ওইনা পুথোকখিবনি।

চানবিদুনা পি.এম.গী মপুং ফাবা ৱা ঙাংখিবা অসুং ভিদিও থৌরমগীদমক মফম অসিদা নম্বিয়ু

https://pib.gov.in/PressReleseDetailm.aspx?PRID=1663668

***