সংহাই কোর্পোরেসন ওর্গানাইজেসন(এস.সি.ও.)মীহুৎ ওইরিবা রাজ্যশিংগী ৭শুবা জস্তিস মন্ত্রীশিংগী মীফম অসি ওক্তোবর ১৬, ২০২০দা কেন্দ্রগী লো অমসুং জস্তিস, কম্যুনিকেসন অমদি ইলেক্ত্রোনিক্স অমদি ইনফোর্মেসন তেক্নোলোজীগী মন্ত্রী শ্রী রবী শঙ্কর প্রসাদনা থৌবু ওইদুনা পাংথোক্লগনি।

মসিগা মরি লৈননা, লো অমসুং জস্তিস মন্ত্রালয়গী লিগেল এফেয়র্স বিভাগকী সেক্রতরী শ্রী অনুপ কুমার মেন্দিরত্তাসু ওক্তোবর ১৩ অমদি ১৪, ২০২০দা থবক তৌরিবা অখং-অহৈশিংগী কাংলুপকী অনিশুবা মীফম অসিগী থৌবুসু ওইগনি।

মীফম অনিমক ভিদিও কনফরেন্স মোদতা থোংদা পাংথোক্কনি।

এস.সি.ও. ওইরিবা লৈবাকশিংগী জস্তিস মন্ত্রীশিংগী তরেৎশুবা মীফমগী অহানবা এক্সপর্ত প্রিপেরেতরী কম্মিতীগী মীফম অসিসু সেপ্তেম্বর ৭ অমসুং ৮, ২০১৯দা ন্যু দিল্লীদা পাংথোকখি।  

এক্সপর্ত ৱর্কিং গ্রুপ অসিনা লিগেল সর্ভিসশিং অমদি ফোরেন্সিক এক্তিভিতীশিং য়াওনা (লো অমসুং) জস্তিসকী মন্ত্রীশিংগী য়েৎনবা লোইশিন্নবা অমদি অতোপ্পা মরি লৈনবা থবকশিং অসি শৌগৎনবা অফবা ফীভম অমা শেম্ননবা মখোয়না খংলক-উরকপশিং, খ্বাইদগী অফবা থবকশিং অমদি মখোয়না পায়খৎখিবা লেম্লবা খোংতাংশিংগী মতাংদা খন্ন-নৈনগনি।  

এস.সি.ও.গী মীহুৎ ওইরিবা লৈবাকশিংগী জস্তিস মন্ত্রীশিংগী তরেৎশুবা মীফম অসিদা তেংবাং পীনবগী লমশিং, য়েৎনবশিং লোইশিন্ননবা অফবা ফীভম অমা শেম্বা, অমদি ফোরেন্সিক্কী থবকশিং অমদি ৱায়েলগী ওইবা থবকশিংগী মতাংদা ৱর্কিং গ্রুপশিংগী এক্সন প্লান চৎনহনবগী মতাংদা ৱাফম থমগনি।

এস.সি.ও.গী মীহুৎ ওইরিবা লৈবাকশিংগী জস্তিস মন্ত্রীশিংগী তরেৎশুবা সেসন অসিদা ফলশিং অসিগী মতুং তাবদা জোইন্ত স্তেতমেন্ত অমা খুৎয়েক পীনগনি।

ভারত, কজখস্তান, চাইনা, কির্গিজ রিপব্লিক, পাকিস্তান, রসিয়ন ফেদেরেসন, তাজিকিস্তান অমসুং উজবেকিস্তানগী (লো অমসুং) জস্তিসকী মন্ত্রীশিং অমদি মকোক থোংবা ওফিসরশিং/অখং-অহৈশিংনা মীফম অসিদা শরুক য়াগনি। এস.সি.ও.গী সেক্রতরিএৎনা নুমিৎ হুম্নিগী ৱা খন্নবা অসিদা মথৌ তাবা তেংবাং খুদিংমক পীগনি। 

*****