PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
12 OCT 2020 6:20PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ভারত্তা তপ্না তপ্না এক্তিব কেস মশীং হন্থরকপগী ফীভম লৈরি
- হৌজিক লৈবাক্কী অপুনবা পোজিতিব কেসকী চাদা ১২.১০ খক্তমক এক্তিব কেস ওইদুনা মশীং ৮,৬১,৮৫৩দা লৈরি
- ভারত্তা ফগৎলকপগী চাংসু ৱাংনা চৎলি, অপুনবা ফগৎখ্রবা মশীং লাখ ৬১.৫গী ময়াদা ওইরে
- অনাবা মীওই ৭১,৫৫৯ হৌখিবা পুং ২৪দা ফগৎলক্তুনা দিসচার্জ তৌখ্রে অদুগা অনৌবা কনফার্ম কেস মশীংনা ৬৬,৭৩২নি
- লৈবাক্কী ফগৎলকপগী চাং চাদা ৮৬.৩৬ ওইরি
- চৎলিবা শেনবা চহি অসিগী অরোইবা ফাওবগী মমাংদা কোবিদ-১৯গী মায়োক্তা লান্থেংনবদা কঞ্জুমরনা চাদিং তৌবা হেনগৎহন্নবা শেল-থুমগী মন্ত্রীনা লুপা করোর ৭৩,০০০গী তেংবাং লাউথোকখ্রে
#Unite2FightCorona
#IndiaFightsCorona
ভারত্তা তপ্না তপ্না এক্তিব কেস হন্থরকপগী ফীভম লৈরি, এক্তিব কেসলোদ অপুনবা পোজিতিব কেসকী চাদা ১২.১০ খক্তমক ওইরি, থংন-থংননা নুমিৎ মরিনি চুপ্না এক্তিব কেসলোদ লাখ ৯গী মখাদা লৈরে
ভারত্তা তপ্না তপ্না এক্তিব কেস মশীং হন্থরকপগী ফীভম লৈরি। নুমিৎ মরিনি শুবা ওইনা থা অমগী মতুংদা এক্তিব এক্তিব কেস মশীং লাখ ৯গী মখাদা লৈরে, মশীং লেপ্তনা হন্থরক্লি। হৌজিক লৈবাক্কী অপুনবা পোজিতিব কেসকী চাদা ১২.১০ খক্তমক এক্তিব কেস ওইদুনা মশীং ৮,৬১,৮৫৩দা লৈরি। ভারত্তা ফগৎলকপগী চাংসু ৱাংনা চৎলি। অপুনবা ফগৎখ্রবা মশীং লাখ ৬১.৫গী ময়াদা (৬১,৪৯,৫৩৫) ওইরে। এক্তিব কেস অমসুং ফখ্রবা কেস অনিগী মরক্তা লৈবা খেন্নবা চাং নাইনা হেনগৎলক্লি অমদি ঙসি ৫২,৮৭,৬৮২ ওইরে। অনাবা মীওই ৭১,৫৫৯ হৌখিবা পুং ২৪দা ফগৎলক্তুনা দিসচার্জ তৌখ্রে অদুগা অনৌবা কনফার্ম কেস মশীংনা ৬৬,৭৩২নি। লৈবাক্কী ফগৎলকপগী চাং চাদা ৮৬.৩৬ ওইরি। নৌনা ফখিবা কেসশিংগী চাদা ৭৭তি স্তেত/য়ু.তি. ১০দগীনি। নোংমগী ওইনা ফগৎলকপা মশীং মহারাস্ত্র অমসুং কর্নাতকাদগী ১০,০০০ হেন্না য়াওরি। হৌখিবা পুং ২৪দা অনৌবা কনফার্ম কেস মশীং ৬৬,৭৩২ ওইখি। হায়রিবশিং অসিগী চাদা ৮১দি স্তেত অমসুং য়ু.তি. ১০দগীনি। মহারাস্ত্রদা হৌজিকসু অনৌবা কেস মশীং য়াম্না রিপোর্ত তৌরক্তুনা নোংমদা কেস ১০,০০০ হেন্না থেংনরি অমদি কর্নাকতা অমসুং কেরলানা নোংমদা কেস ৯,০০০গী মথক্তা থেংনদুনা মতুং ইল্লি। হৌখিবা পুং ২৪দা লৈখিদবা মশীং ৮১৬ থেংনখি। মসিগী মনুংদা চাদা ৮৫গী ময়াদি স্তেত/য়ু.তি. তরাদগীনি। নৌনা শিখিবা মীশিংগী চাদা ৩৭ হেনবদি মহারাস্ত্রদা (শিখিবা মশীং ৩০৯) ওইখি।
অকুপ্পা ৱারোলগীদমক:
দোক্তর হর্শ বর্ধন্না মহাক্কী কেন্দ্রগী মীয়ামগী খুদোংচাদবা ফীভমশিং কোকহন্নবা নোংমাইজিং ৱারী ৱাতাই-৫দা মহাক্কী সেল নম্বর খঙহনখ্রে
হকশেল অমসুং য়াইফ য়ুম্বালগী কেন্দ্র মন্ত্রী দোক্তর হর্শ বর্ধন্না নোংমাইজিং ৱারী ৱাতাইগী মঙাশুবা তাঙ্কক্তা মহাক্কী সোসিএল মিদিয়া ইন্তরেক্তরশিংনা হংলকপা ৱাহং কয়াগী পাউখুম পীখ্রে। কোবিদকা মরী লৈনবা তোকঙাশিং অমসুং লান্না খন্নবা ৱাফমশিং কক্লদুনা, হকশেল মন্ত্রী অদুনা কোবিদ লান্থেংনবদা অয়ুর্বেদকী থৌদাং, রিইনফেক্সনগী মতাঙদা আই.সি.এম.আর.না থিজিনগদৌরিবা, ভেক্সিন পীবগী খন্দোক্নবা মচাকশিং অমসুং মীয়াম্না তোয়না হায়নরিবা কোবিদ ভেক্সিনগী মতাঙদা মরুওইবা পাউদম কয়া মচা খায়না পীখি। দিল্লীগী চান্দনি চৌকতা মহাক্কী কেন্দ্রগী মীয়াম্না থেংনরিবা খুদোংচাদবা ফীভমশিং তারুবদা মদুগী পাউখুম ওইনা মহাক্না মহাক্কী কন্তেক্ত দিতেল মীয়ামগী ফম্বাক অদুদা পীরদুনা মহাক্কী কেন্দ্রদা মীয়াম্না থেংনরিবা খুদোংচাদবা ফীভম পুম্নমক লূম্না লৌদুনা কোকহনগনি হায়না থাজবা পীখি। মীয়ামবু মী য়াম্না তিনবা মফমশিংদগী লাপ্না লৈনবা চেকশিনৱা থম্লদুনা অমদি চেকশিন থৌরাং লৌখৎপগী মতাঙদা লৈঙাক্না পীরিবা চৎন-কাঙলোনশিং মওং চুম্না ইন্ননবা খঙহল্লদুনা দোক্তর হর্শ বর্ধন্না মীয়ামদা লাক্কদৌরিবা কুমহৈশিং মেলা অমদি পন্দলশিংদা থোক্তুনা পাঙথোকপগী মহুত্তা য়ুম-য়ুমদা মখোয়গী নক্ন-চান্নবশিংগা লোয়ননা পাঙথোকমিন্ননবা হায়খি। কোবিদকী মায়োক্তা লান্থেংনবনা খ্বাইদগী মাঙজিন থাবা থৌদাংনি হায়না মীয়ামদা নীংশিংলদুনা মহাক্না লৈবাকসিগী হকশেলগী মন্ত্রী অমা ওইবগী থৌদাংদি মহীক অসিবু হন্থহন্দুনা তৌবা য়াবা তৌদুনা মী শিবা হন্থহনবনি। হায়না মহাক্না হায়খি। মাস্ক/মাখুম উপ্পা, মরুওইনা মীয়াম তিনবা মফমদা, চাং নাইনা খুৎ-শা হামবা অমদি নিংসা হোনবগী মওং মতৌ ইনবা হায়রিবা কোবিদকা চুনবা লমচৎ অসি ঙাক্না চৎপনা লায়না অসি শন্দোরকপা লাকশিনবদা মতেং ওইগনি হায়না মহাক্না অচেৎপা ৱাফম থমখি।
অকুপ্পা ৱারোলগীদমক:
চৎলিবা শেনবা চহি অসিগী অরোইবা ফাওবগী মমাংদা কোবিদ-১৯গী মায়োক্তা লান্থেংনবদা কঞ্জুমরনা চাদিং তৌবা হেনগৎহন্নবা শেল-থুমগী মন্ত্রীনা লুপা করোর ৭৩,০০০গী তেংবাং লাউথোকখ্রে
কোবিদ-১৯ লায়চৎ অসিনা মরম ওইদুনা তৌখিবা লোকদাউন্না মরম ওইরগা শেন্মীৎলোন ফগৎহন্নবা খোঙথাং অমা ওইনা ফাইনান্স অমসুং কোর্পরেৎ এফিয়র্সকী কেন্দ্রগী মন্ত্রী শ্রীমতি নির্মলা সীতারমন্না ঙসি কঞ্জুমরনা চাদিং তৌবদা হেনগৎহন্নবা লুপা করোর ৭৩,০০০গী তেংবাং লাউথোকখ্রে। চাউখৎপা পুরক্নবা পেকেজ অসি লাউথোকপা মতমদা, শ্রীমতি সীতারমননা হায়খি, “সরকার অমসুং ওর্গনাইজ সেক্তরগী কর্মচারীশিংগী সেভিংশিং হেনগৎখ্রে হায়বা খঙবা ঙম্লে অমসুং অসিগুম্বা মীওইশিং অসিনা লাইবক থিবশিংগী কান্নবা ফংহন্নবা দিমান্দ তৌবা হেনগৎহন্নবা মতেং পাংবা পাম্মি।” শেন-থুমগী মন্ত্রীনা মখা তারদুনা হায়খি করিগুম্বা ঙসি লাউথোকখিবা চাউখৎপা পুরক্নবা খোঙথাংশিং অসিদা য়ুম্ফম ওইরা দিমান্দ হেনগৎপা তারবদি, মসিনা কোবিদ-১৯না শোকহল্লবা মীওইশিংদা অমসুং মখোয়গী ললোন-ইতিক মুত্তনবা হোৎনবগীদমক দিমান্দ খৌরাংনা ঙাইরিবশিংদা কান্নবা পীবা ঙম্লগনি। শেন-থুমগী মন্ত্রীনা ঙসি পুথোকখিবা প্রপোজেলশিং অসিনা চাউখৎহন্নবা চাদিং তৌবা অসি ফিসকেলগী হৈশিংবা মওং অমদা তৌনবা শেমখি মরমদি প্রপোজেল খরদি কোন্না ওফসেত্তিংগী অহোংবশিং তৌবা য়াবগা লোয়ননা এক্সপেন্দিচর এদভান্স নত্রগা ফ্রন্ত-লোদিং তৌনবনি অমরোমদা অতোপ্পনা জি.দি.পি.দা হকথেংননা হেনগৎনবা লিঙ্ক তৌরি।
অকুপ্পা ৱারোলগীদমক:
স্বামিত্ব স্কিমগী মখাদা প্রোপর্তি কার্দশিং ফিজিকেল ওইনা য়েন্থোকপা য়েন্থোকপা প্রধান মন্ত্রীনা হৌদোকখ্রে
ভিদিও কনফরেন্সকী খুৎথাংদা শ্বামিত্ব স্কিমগী মখাদা প্রোপর্তি কার্দশিং য়েন্থোকপা প্রধান মন্ত্রী শ্রী নরেন্দ্র মোদীনা নোংমাইজিং নুমিৎতা হৌদোকখ্রে অমসুং য়োজনা অসিগী মখাদা কান্নবা ফংলবশিংগা ৱারি শানখ্রে। মখোয়গী য়ুমশিংগী প্রোপর্তি কার্দশিং ফংলবা ‘শ্বামিত্ব স্কিম’গী কান্নবা ফংলবশিংদা প্রধান মন্ত্রীনা য়াইফ-পাউজেল পীখ্রে অমসুং মহাক্না হায়খি হৌজিক কান্নবা ফংলবশিংগী হক অমা, মখোয়গী য়ুমশিংগী আইনগী ওইবা চে-চাং অমা ফংলগনি। য়োজনা অসিনা লৈবাক অসিদা পুৱারি ওইরবা অহোংবা অমা পুরক্লগনি। য়োজনা অসিনা মশাগী ওক্নবা পুথোকচবা ভারতকী খুঙ্গং শেমগৎপদা মতেং পাংদুনা, অত্মনির্ভর ভারত অমগীদমক লৈবাক অসি অতোপ্পা অচৌবা খোঙথাং অমা থাংজিল্লগনি। মহাক্না হায়খি ঙসি হরিয়ানা, কর্নাতাকা, মৈধ্য প্রদেস, মহারাস্ত্রা, উত্তরখান্দ অমসুং উত্তর প্রদেসকী কান্নবা ফংলবা মীওই লাখ ১দা মখোয়গী য়ুমশিংগী আইনগী ওইবা চে-চাংশিং খুৎশিন্নখ্রে অমসুং লৈবাক অসিগী খুঙ্গং খুদিংদা মথং চহি ৩-৪দা য়ুমথোঙ খুদিংদা অসিগুম্বা প্রোপর্তি কার্দশিং পীনবা ৱাশক্লি। প্রধান মন্ত্রীনা হায়খি ‘শ্বামিত্ব স্কিম’ অসিনা হৌখিবা চহি ৬ অসিদা থবক পায়খৎতুনা লাক্লিবা পঞ্চায়তি রাজগী থবকশিং মপাঙ্গল কনখৎহনবদা মতেং পাংলগনি। হৌখিবা চহি ৬ অসিদা গ্রাম পঞ্চায়ৎশিং মপাঙ্গল কনখৎহন্নবা পায়খৎলিবা থবকশিং পল্লদুনা মহাক্না হায়খি মিউনিসিপালিতিশিং অমসুং মিউনিসিপাল কোর্পোরেসনশিংগুম থবক ফজনা পাংথোক্নবা, শ্বামিত্ব স্কিম অসিনা ঐখোয়গী গ্রাম পঞ্চায়ৎশিংনা খুঙ্গংগী থবক লাইনা পাংথোকপা ঙমহনগনি। খুঙ্গংশিংদা মতম কয়াগী মমাংগী লৈরক্লবা অৱাৎপশিং লৈহন্দনবা হৌখিবা চহি ৬ অসিদা মখা তানা থবকশিং পায়খৎলে।
অকুপ্পা ৱারোলগীদমক:
স্বামিত্ব স্কীমগী মখাদা প্রোপর্তী কার্দশিং ফিজিকেল ওইনা য়েন্থোকপা হৌদোকপগী থৌরমদা প্রধান মন্ত্রীনা থম্বীখিবা ৱারোল
অকুপ্পা ৱারোলগীদমক:
ভারতকী উপ-রাস্ত্রপতী কোবিদ-১৯ তেস্ত নেগেতীব ওইরে, অথুবা মতমদা মহৌশাগী থবক্তা হঞ্জিল্লগনি
উপ-রাস্ত্রপতী শ্রী এম. ভেঙ্কায়া নাইদু ঙসি কোবিদ-১৯ তেস্ততা নেগেতীব ওইরে। মহাক অসি ২০২০গা সেপ্তেম্বর ২৯দগী কোবিদ-১৯ লায়েংদুনা য়ুম্দা ক্বারিন্তাইন তৌদুনা লৈরকখিবনি। ঙসি এম.আই.আই.এম.এস.তা মেদিকেল তীম অমনা লৌখিবা আর.তি.-পি.সি.আর. তেস্ততা উপ-রাস্ত্রপতী অমসুং মহাক্কী লোয়নবী শ্রীমতি উশা নাইদু মখোয় অনিমক কোবিদ-১৯ নেগেতীব ওইখি। শ্রী নাইদু মশা-মউ ফনা লৈরি অমসুং দোক্তরগী পাউতাক মতুং ইন্না মহৌশাগী থবক্তা য়াম্না থুনা হঞ্জিল্লগনি। মহাক্না মহাক্কী য়াইফনবগীদমক থৌনিখিবা পুম্বদা থাগৎপা ফোংদোকখি।
অকুপ্পা ৱারোলগীদমক:
মীওই করোর ৩২মুক্কী নোঙমগী ওইবা থবক পীখ্রে অমসুং গরীব কল্যান রোজগার অভিয়ানগী মখাদা হৌজিক ফাওবদা লুপা করোর ৩১,৫০০ হেন্না চাদিং তৌখ্রে
কোবিদ-১৯গী লায়না শন্দোক্লকপগা লোয়ননা ময়ুমদা হল্লক্লবা মাইগ্রেন্ত শিন্মীশিং অমসুং মান্ননা শোকহল্লবা খুঙ্গংগী মীওইশিংদা থবক পীদুনা মখোয়গী পুন্সি মহিংদা তেংবাংনবগীদমক্তা হৌদোকখিবা গরীব কল্যান রোজগার অভিয়ান অসিনা রাজ্য তরুক্কী ময়ুমদা হল্লক্লবা মাইগ্রেন্ত শিন্মীশিংদা থবক পীবা ঙম্নবা মিসন মোদতা থবক কন্না পায়খৎলি। অভিয়ান অসিনা রাজ্যশিং অসিগী জিলা ১১৬কী খুঙ্গংগী মীওইশিংদা পুন্সি-মহিং কায়হন্দনবা থবক পীদুনা মখোয়বু মপাঙ্গল হাপ্লি। মসিগী ১৫শুবা চয়োলগী মনুংদা মীওই করোর ৩২মুক্কী নোঙমগী থবক পীখ্রে অমসুং অভিয়ান অসিগী পান্দম ফংনবা হায়দুনা লুপা করোর ৩১৫৭৭কী শেনফমসু চাদিং তৌখ্রে। মসিগী শরুক অমা ওইনা মশিং য়াম্লবা স্ত্রকচর কয়া অমা শাখ্রে
অকুপ্পা ৱারোলগীদমক:
বিহার বিধান সভাগী মীয়ামগী মীখল-২০২০গী অহানবা তাঙ্কক্তা কেন্দ্র ৭১দা ভোত্তর ৫২,০০০ হেনবনা পোস্তেল বেলোৎশিং খনখ্রে
লাক্লিবা বিহার লেজিসলেতিপ এশেমব্লিগী মীয়ামগী মীখল-২০২০গী অহানবা তাঙ্কক্তা কেন্দ্র ৭১দা অহলশিং(চহি ৮০গী মথক)অমসুং হকচাংগী ফিবম মীমান্নদ্রবা ভোত্তর লিশিং ৫২ হেনবনা পোস্তেল বেলোৎশিংগী খুৎথাংদা ভোৎ থাদনবা খনখ্রে। থবক অসিদা অরোনবা ঙাক্নবা, অশোই-অঙাম থোক্তনবা অমসুং অরোন-অথুপ লৈতনবা অকনবা চেকশিন-থৌরাং অমসুং ভিদিওগ্রাফিগা লোয়ন্না রিতর্নিং ওফিসারশিংনা মাংজৌন্না লাউথোক্লবা তারিখশিংদা হায়রিবা ভোত্তরশিং অসিদা পোস্তেল বেলোৎশিং পীগনি। বিহারগী মীখলশিংদা কাংলুপ অনি অসিদা পোস্তেল বেলোৎকী খুদোংচাবশিং ফংহনবা অসি হন্দক্কী অসিনা অহানবনি। বিহারদা এশেমব্লি কেন্দ্র ৭১গী বুথ লেবেল ওফিসারশিংনা অসিগুম্বা ভোত্তর লাখ ৪ হেনবগা পাউ ফাওনরে। লেমহৌরিবা ভোত্তরশিং মীখল নুমিৎতা ভোৎ থাদনবা বুথতা চৎকনি। বিহারগী মখা তারকপা মীখলগী তাঙ্কক অনি অমসুং অতোপ্পা রাজ্যশিংগী মরক্কী মীখলশিংদা কোবিদ-১৯ মনুংদা য়াম্না লাইনা,মী খুদিংমক, অশোই-অঙাম থোকহন্দনা মীখলশিংদা শরুক য়ানবা মসিগী থবক অসি মখা চৎথগনি। মসিগীদমক মথংগী তাঙ্কক অনিদা বিহারদা অসিগুম্বা ভোত্তর লাখ ১২রোমগী য়ুমশিংদা বি.এল.ওশিং চৎকনি।
অকুপ্পা ৱারোলগীদমক:
ব্রিক্স মিনিস্তিরিয়েল সম্মিততা শ্রী গঙ্গৱরনা ৱা ঙাংখ্রে; ৱর্কপ্লেস সেফতী মেকানিজমশিং ফ্রেমিং তৌনবা হায়খ্রে
লেবর অমসুং এমপ্লোইমেন্তগী রাজ্যগী মন্ত্রী(আই/সি.) শ্রী সন্তোশ গঙ্গৱরনা লেবরশিংগী তুংগী য়াফন্নবগীদমক অমসুং হেন্না থবক ফংহনগদৌরিবা লেবর অমসুং এমপ্লোইমেন্তগী মরক্তা লৈরিবা বেলেন্স অদু হেন্না ফনবা মরু ওইনা ব্রিক্সনা চান্নবা গ্লোবেল এক্সন লৌখৎনবা হায়খ্রে৷ ইরাই নুমিৎতা ভর্চুয়েল্লী ওইনা পাংথোকখিবা ব্রিক্স মিনিস্তিরিয়েল অদুদা ৱা ঙাংলদুনা শ্রী গঙ্গৱরনা অসুম্না ফোংদোকখ্রে মদুদি ৱর্করশিংগী য়াইফনবা অফবা সেফত ওইবা, হকশেল, ৱেলফেয়র অমসুং ৱর্কিং কন্দিসন অদু হেন্না ফহনবা অসি য়াম্না মরু ওই৷ লৈবাক অসিদা লৈরিবা মশাফনা থবক শুবা মীওই অমনা শেল-থুম হেন্না ফগৎহনবদা অচৌবা থৌদাং লৌই অমসুং হেন্না প্রদক্তিব ওই হায়না মহাক্না ফোংদোকখ্রে৷ ব্রিক্স লৈবাকশিংদা সেফত ওইবা ৱর্ককলচর অমা শেম্বদা য়াওরিবা তোঙান তোঙানবা ইসুশিং অদু খন্না নৈন্নবা রসিয়ন রাস্ত্রপতিগী মখাদা ব্রিক্স লেবর অমসুং এমপ্লোইমেন্ত মন্ত্রীশিংগী ভর্চুয়েল ওইবা মীফম পাংথোকখ্রে৷ থৌরম অদুদা দাইরেক্তর জেনেরেল আই.এল.ও., শ্রী গাই রাইদর, ৱর্করস অমসুং এমপ্লেইমেন্ত ওর্গনাইজেসন্দগী মীহুৎশিংনা শরুক য়াখি৷ কোবিদ-১৯গী শাফু অসি লাকশিন্নবা ওকুপেস্নেল সেফতী অমসুং হেল্থ মিজরশিং লৈহনবা মরু ওই হায়না মন্ত্রী অদুনা ফোংদোকখি৷
অকুপ্পা ৱারোলগীদমক:
এপ্রিল-সেপ্তেম্বর, ২০২০গী ওইনা লৌউশিংউগী পোৎচৈ এক্সপোর্ত তৌবগী চাং মমাং চহীগী মতম অসিমক্কা চাংদম্নবদা চাদা ৪৩.৪ হেনগৎখি
সরকারনা লৌউশিংউগী এক্সপোর্ত হেনগৎনবা লেপতনা অমসুং চাং নাইনা হোৎনরকপশিং ঙসিদি কোবিদ-১৯ লাংফম লৈজরবসু এপ্রিল-সেপ্তেম্বর, ২০২০গী ওইনা লৌউশিংউগী পোৎচৈ এক্সপোর্ত তৌবগী চাং মমাং চহীগী মতম অসিমক্কা চাংদম্নবদা চাদা ৪৩.৪ হেনগত্তুনা মমাং চহী মতম অসিমক্তদা লুপা করোর ৩৭৩৯৭ ওইখিবদু লুপা করোর ৫৩৬২৬.৬তা হেনগত্তুনা মহৈ য়াল্লে। এপ্রিল-সেপ্তেম্বর, ২০২০-২১গা লোইননা এপ্রিল-সেপ্তেম্বর, ২০১৯-২০দগী হেন্না পোজিতিব ওইবা এক্সপোর্ত লাকখিবা মরুওইবা পোৎকী কাংলুপশিং অদুদি লৈবাক হৱাই (২৫%), রিফাইন্দ সুগর (১০৪%), গেহু (২০৬%), বাস্মতি চেঙ (১৩%) অমসুং বাস্মতি নত্তবা চেঙ (১০৫%) অসিনচিংবনি।
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• মহারাস্ত্র: মহারাস্ত্র স্কুল এজুকেশন মন্ত্রী, ৱর্শা গাইকৱাদনা রাজ্য অসিদা কোরোনাভাইরসকী কেসশিং লেপ্তনা হেনগৎলকপনা মরম ওইরগা দিৱালিগী মমাংদা স্কুলশিং হাংদোকখিরোই হায়না লাউথোকখি। রাজ্যগী হায়র অমসুং তেক্নিকেল এজুকেশন মন্ত্রী, উদয় সামন্তনসু মহাক্কী দিপার্তমেন্ত অসিনা কোবিদ-১৯গী ফিভম অসি লাকশিন্দ্রবা ফাওবা কোলেজশিং অমুক হন্না হাংদোকপগী ৱাফম লৈতে হায়না হায়খি। মহারাস্ত্রনা, য়ুমশকৈশা নুমিত্তা অনৌবা কোবিদ কেস ১০,৭৯২ থেংনখিবগা লোইননা এক্তিব কেসশিংগী অপুনবা মশিং অদু লাখ ২.২১দা য়ৌহনখ্রে।
• গুজরাত: গুজরাত সরকারনা নৱরা্ত্রি য়াওনা ওক্তোবর ১৭ হৌগদবা লাক্কদবা হরাও-কুম্হৈশিংগী স্তএন্দার্দ ওপরেতিং প্রোসিজর লাউথোকখ্রে। এস.ও.পি. অসিনা কোবিদ-১৯ লাইচৎ অসিনা মরম ওইরগা হন্দক্কী চহি অসিগীদমক্তা রাজ্য অসিদা কমর্সিয়েল নত্রগা নাতকী ওইবা স্ত্রীত গর্বাশিং য়াহনখিদ্রে। হায়রিবা অসি গুজরাতকী অনৌবা হিস্তরীদা নৱরাত্রীগী মনুংদা গর্বা, মখোয়গী ওইনা খ্বাইদগী মরু ওইবা এলিমেন্ত অমা ওইরিবা অমসুং রাজ্য সরকারনা ‘মালেম অসিগী খ্বাইদগী শাংবা জগোইগী কুম্হৈ’ হায়না মশক খঙনরবা অসি অহানবা ওইনা লৈররোই।
• রাজস্থান: শ্বর হোনবা ঙমদবা অমসুং ওক্সিজেন সপোর্তকী মথৌ তারে হায়দুনা ৱাকৎলদুনা হোসপিতালশিংদা কোবিদ-১৯ পেসেন্ত মশিং হেন্না এদমিত তৌরক্লবদা, রাজ্য সরকারনা সরকারগী মেদিকেল কোলেজশিং অমসুং দিস্ত্রিক্ত হোসপিতালশিংদা এতেচ তৌবা হোসপিতালশিংদা ওক্সিজেন জেনরেশন প্লান্ত ৩৮ লিংখৎলগনি। রাজস্থান্দা লৈরিবা এক্তিব কোবিদ কেসশিংগী মশিং অসি ২১,৪১২ শুখ্রে।
• মথ্য প্রদেশ: নোংমাইজিং নুমিত্তা মথ্য প্রদেশতা কোরোনাভাইরসকী অনৌবা কেস ১,৫৭৫ থেংনখি, হায়রিবা অসিনা অপুনবা কেসলোদ অদু ১,৪৬,৮২০দা হেনগৎহনখ্রে, অদুগা শিবগী মশিংনা ২,৬২৪দা হেনগৎখ্রে। অনৌবা কেসশিং অদুগী মনুংদা ইন্দোরদগী ৪২৯ ওইখি, ভোপালদগী ২৫৬, জবলপুরদগী ১০৩ অমসুং গ্বালিয়রদগী ৪৫ ওইখি।
• ছত্তিসগর: ছত্তিসগর সরকারনসু কোবিদ ইনফেক্সন শন্দোরকপা অসিনা মরম ওইরগা লাক্কদবা নৱরাত্রি অমসুং দসেহরাগী গাইদলাইনশিং থোকখ্রে। মসিগী মথক্তা ত্রাইবল বস্তার দিভিজনগী ওথোরিতীশিংনা দিভোতীশিংদা মমিং লৈরবা বস্তার দসেহরাগী থৌরম কয়া অমদা হকথেংননা শরুক য়াদনবা আপীল তৌখ্রে। রাৱনদাহনগীদমক্তা মী ৫০দগী হেন্না শরুক য়াদনবা হায়খ্রে, মসিগী মথক্তা ইফিজীশিংগী অৱাংবা অদুসু ফীত ১০দগী হেন্না ৱাংহন্দনবা হায়খ্রে।
• কেরলা: মুখ্য মন্ত্রী, পিনরায়ি ৱজায়ন্না রাজ্য অসিদা মসিগী তাঙ্কক অসিদা স্কুলশিং হাংবা য়াখিরোই হায়না হায়খি। মরক অসিদা রা্জ্যগী হেল্থ দিপার্তমেন্তনা ঙসি কোবিদ হোসপিতালশিংদা বাইস্তেন্দরশিং অয়াবা পীনবা ৱারেপ লৌখ্রে। সরকার অসিনা রাজ্য অসিদা কোবিদ-১৯গী তেস্তিং হেনগৎনবা ৱারেপ লৌখ্রে। মখোয়না মীয়াম তিনবা মফমশিংদা কোবিদ ১৯ তেস্তিং কিয়োস্কশিং থম্নবা মরী লৈনবা ওথোরিতীশিংদসু হায়খ্রে। কেরলাদ ঙরাং মীওই ৯,৩৪৭দা কোবিদ-১৯ কনফর্ম তৌখ্রে। োফিসিয়েল ওইবা শিখিবশিংগী মশিং অসি ১০০০ হেনখ্রে অমসুং ১০০৩ য়ৌখ্রে। হৌজি পেসেন্ত ৯৩,৩১৬ লাইয়েংদুনা লৈরি অমসুং জিলা কয়া অমদা মীওই লাখ ২.৮৪ ওবজার্ভেশন তৌদুনা লৈরি।
• তামিল নাদু: মুখ্য মন্ত্রী, এদাপ্পি কে. পলানিস্বামিনা নিংথৌকাবা নুমিত্তা মীওই ৭,০০০কী মথক্তা থবক পীবা ঙমগদবা মওং লৈবা লুপা করোর ১০,০০৫গী ইনভেস্তমেন্তকা মরী লৈনবা মেমোরেন্দম ওফ অন্দর্স্তেন্দিং (এম.ও.য়ু.) ১৪দা খুৎয়েক পীনখ্রে। রুরল ইকোনোমীদা য়াম্না ইনোৎ হাপ্পা ওইনা কোইম্বাতোর জিলাদা তামিল নাদু রুরল রিজুভেনেশন স্কীমগী মখাদা কোবিদ-১৯গী অখন্না রিলীফকী মতেং ওইনা মীওই ৪,৭৪১দা লুপা করোর ৩.৭৭ পীখ্রে।
• কর্নাতকা: মুখ্য মন্ত্রী, বি.এস. য়েদিয়ুরপ্পানা নিংথৌকাবা নুমিত্তা মেদিকেল এজুকেশন মন্ত্রী, দা. কে.সুধাকরদা কোবিদকা লান্থেংনবদা য়াম্না মরু ওইবা দিপার্তমেন্ত অনিগী মরক্তা হেন্না ফবা কোওর্দিনেশন লৈনবগীদমক্তা হকশেল অমসুং য়াইফ য়ুম্বালগী পোর্তফোলিয়ো অদু খুৎশিন্নখ্রে; মমাংদা হেল্থ পোর্তফোলিয়ো পাইরম্বা, বি. স্রিরামুলুদা সোসিয়েল ৱেলফেয়র দিপার্তমেন্ত খুৎশিন্নখ্রে। থা অনিগী মতুংদা বেঙ্গলুরুদা কোবিদ-১৯ পোজিতিব ওইবগী চাং অসিহেনগৎখি; স্তেত তাস্ক ফোর্স মেম্বরনা হায়রিবা অসি হেন্না ফবা মওংদা কন্তেক্ত ত্রেসিং তৌবগী মরম্না ওইথোকপা ঙম্লিবনি হায়খি।
• অন্ধ্রা প্রদেশ: অন্ধ্রা প্রদেশতা অহানবা ওইনা ফখিবশিংগী মশিং অসি চাদা ৯৩.০৫ য়ৌখি। হৌজিক ফাওবদা থেংনখিবা কেসশিং অদুগী অপুনবা মশিং অদুগী চাদা কেস ৬.১৩, নত্রগা ৪৬,২৯৫দি এক্তিব ওইখি। শিখিবশিংগী চাং অসি চাদা ০.৮৩দা অদুমক লৈরি। মসিগী মথক্তা থা অহুমগী মনুংদা অহানবা ওইনা নোংমদা তেস্ত তৌবদা পোজিতিব ওইবগী চাং অসি সেম্পল ৭৫,৫১৭ তেস্ত তৌখিবগা লোইননা চাদা ৬.৯০দা হন্থখ্রে। হৌজিক ফাওবদা তেস্ত তৌখিবা সেমপল ৬৫,৬৯,৬১৬কী মনুংদা পুন্না পোজিতিব ওইবগী চাং অসি চাদা ১১.৫০দা লৈখি। ৱেস্ত গোদাভরিনা অনৌবা কেসশিংগী মশিং খ্বাইদগী হেন্না য়াম্না থেংনখি অমসুং চিত্তুর অমসুং ইস্ত গোদাভরিনা মতুং ইন্দুনা অনিমক্না অনৌবা কেস ৭০০ হেন্না থেংনখি। প্রকাসম্না নৌনা শিখিবশিংগী মশিং খ্বাইদগী হেন্না থেংনখি।
• তেলঙ্গানা: হৌখিবা পুং ২৪দা অনৌবা কেসশিংগী মশিং অসি ১০২১নি, ২২১৪ ফগৎখি অমসুং ৬ শিখিবগী পাউ লৈখি; কেস ১০২১গী মনুংদা জি.ঐচ.এম.সি.দগী ২২৮ থেংনখি। অপুনবা কেসশিং: ২,৩১,০৮৪; এক্তিব কেস : ২৪,৫১৪; শিখিবশিং: ১৩৩৮; দিসচার্জ তৌখিবশিং: ১,৮৭,৩৪২। তেলঙ্গানানদা লৈবা স্কুলশিং নোবেম্বর ১দগী হাংদোক্লগনি, মসিদা পেরেন্তশিংনা পাখৎপা ফাওখি; মখোয়গী অঙাংশিংগী সেফতীগীদমক্তা কীবা ফাওখি, মখোয়না সরকারদা একাদেমিক য়িয়র অসিগীদমক্তা লেপ্নবা সরকারদা হায়খি।
• অসাম: অসামদা হৌখিবা পুং ২৪দা কোবিদ-১৯ পেসেন্ত ১২২৭ ফরবা মতুংদা দিসচার্জ তৌখ্রে। রাজ্য অসিদা দিসচার্জ তৌখিবা পেসেন্তশিংগী অপুনবা মশিং অসি ১৬৪৫৭৯ য়ৌখ্রে। অদুগা রা্জ্য অসিদা কোবিদ-১৯গী এক্তিব কেস ২৮৩৮৫ লৈরি।
• নাগালেন্দ: নোংমাইজিং নুমিত্তা কোবিদকী অনৌবা কেস ৭০ থেংনখিবগা লোইননা নাগালেন্দদা কোবিদ পোজিতিব কেসকী অপুনবা মশিং অসি ৭০১৯ থেংনখিবগা লোইননা ৭০০০ হেনখ্রে। নোংমাইজিং নুমিত্তা পুন্না ৪৯ ফখিবগী পাউ লৈখি।
• মেঘালয়া: মঘালয়াদা এক্তিবকেসশিংগী অপুনবা মশিং অসি ২৩৫৫ অমসুং ফগৎখিবশিংগী অপুনবা মশিংনা ৫১৪২নি।
ফেক্ত চেক
*****
(Release ID: 1663844)
Visitor Counter : 152