কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
খরিফ মার্কেতিং কুম ২০২০-২১গী মনুংদা পাঙথোকপা এম.এস.পি.গী থবকশিং
১১/১০/২০২০ ফাওবগী মনুংদা লৌউবা লাখ ৩.৫৭ হেনবদগী এম.এস.পি.গী অপুনবা শেনফম লুপা করোর ৮০৩২.৬২গী ফৌ এল.এম.তি. ৪২.৫৫ হেন্না লৈখ্রে
Posted On:
12 OCT 2020 6:04PM by PIB Imphal
খরিফ মার্কেতিং কুম (কে.এম.এস.) ২০২০-২১ হৌখিবগা লোয়ননা মমাংগী কুমদসু পাঙথোকখিবগুম হৌজিক লৈরিবা এম.এস.পি. স্কিমগী মতুং ইন্না সরকারনা লৌউবশিংদগী এম.এস.পি.দা খরিফ ২০২০-২১গী লৌরোক লৈবগী থবক লেপ্তনা চত্থরি।
খরিফ ২০২০-২১গী ফৌ লৈবগী থৌওং অসি লৈরিবা রাজ্যশিংদা নীংথিনা চত্থবগা লোয়ননা ১১/১০/২০২০ ফাওবগী মনুংদা লৌউবা লাখ ৩.৫৭ হেনবদগী এম.এস.পি.গী অপুনবা শেনফম লুপা করোর ৮০৩২.৬২গী ফৌ এল.এম.তি. ৪২.৫৫ হেন্না লৈখ্রে।
মখা তাবা ওইনা অতোপ্পা রাজ্যশিংনা হায়রকপদা য়ুম্ফম ওইদুনা খরিফ মার্কেতিং কুম ২০২০গী ওইনা হৱাই অমসুং ওইলসীদ এল.এম.তি. ৩০.৭০ লৈবগীদমক্তা তমিল নাদু, করনাতকা, মহারাস্ত্রা, তেলঙ্গানা, গুজরাত, হরয়ানা, উত্তর প্রদেশ অমসুং আন্ধ্র প্রদেশকী ওইনা অয়াবা পীখ্রে। মসিগী মথক্তা কোপ্রা (পেরেনিএল ক্রোপ) এল.এম.তি. ১.২৩ লৈবগী ওইনসু আন্ধ্র প্রদেশ, করনাতকা, তমিল নাদু অমসুং কেরলাগীসু অয়াবা পীখ্রে। অতোপ্পা রাজ্য/য়ু.তীশিংগী ওইনসু মখোয়না খরিফকী হৱাই, ওইলসিদ অমসুং কোপ্রা মতাংদা হৌদোরকপগী ৱাফম ফংলবা মতুংদা অয়াবা পীগনি অমসুং খঙহনখিবা লৌরোকপগী মতমগী মনুংদা কৈথেলগী মমল অসিনা এম.এস.পি.দগী তাখিবা থোক্লগদি এফ.এ.ক্যু. গ্রেদকী পোত্থোকশিং অসি ইং ২০২০-২১গী ওইনা থোকখিবা এম.এস.পি.গী মতুং ইন্না কেন্দ্রগী নোদেল এজেন্সীশিংনা রাজ্যশিংনা হায়রকপা পোত্থোক লৈবগী এজেন্সীশিংগী খুত্থাংদা লৌউবশিংদগী হকথেংননা লৈগনি।
সরকারনা ১1/১০/২০২০ ফাওবগী ওইনা মখোয়গী নোদেল এজেন্সীশিংগী খুত্থাংদগী তমিল নাদু, মহারাস্ত্রা অমসুং হরয়ানাগী লৌউবা ৫৩৩দা কান্নবা ফংহন্দুনা এম.এস.পি.গী মমলদা অপুনবা শেনফম লুপা করোর ৪.৩৬ তাদুনা এম.তি. ৬০৬.৫৬কী মুং লৈখি। মসিগা মান্নবা ওইনা করনাতকা অমসুং তমিল নাদুগী লৌউবা ৩৯৬১দা কান্নবা ফংহন্দুনা লুপা করোর ৫২.৪০গী এম.এস.পি.গী শেনফমদা এম.তি. ৫০৮৯গী কোপ্রা (পেরেনিএল ক্রোপ) লৈখি। কোপ্রা অমসুং উরাদকী মতাংদদি মরু ওইবা পোত্থোক পুথোকপা রাজ্য খরদদি মমলশিং অসি এম.এস.পি.দা নত্ত্রগা মসিগী মথক্তা চৎনরি। মরী লৈনবা রাজ্য/য়ু.তি.শিংগী সরকারশিংনা মুং অমসুং অতোপ্পা খরিফ হৱাই অমসুং ওইলসিদ অসি মরী লৈনবা রাজ্যশিংদা য়ৌরক্লবা মতুংদা লৈবা হৌবগী মতম হায়রকপা ঙাইদুনা পোত্থোকশিং অসি লৈনবা শেম-শাদুনা লৈরে।
ইং ২০২০-২১গী খরিফ মার্কেতিং কুমগী লশিং মরু (কাপা) লৈবগী থবক অসি ওক্তোবর ১, ২০২০দগী হৌখ্রে অমসুং ওক্তোবর ১১, ২০২০ ফাওবগী মনুংদা কত্তন কোর্পোরেসন ওফ ইন্দিয়ানা (সি.সি.আই.) লৌউবা ৫২৫২ কান্নহন্দুনা অপুনবা শেনফম লুপা লাখ ৭৫৪৫গী লশিং বেল ২৪৮৬৩ অসি এম.এস.পি.দা লৈখি।
*****
(Release ID: 1663823)
Visitor Counter : 110