লাক্লিবা বিহার লেজিসলেতিপ এশেমব্লিগী মীয়ামগী মীখল-২০২০গী অহানবা তাঙ্কক্তা কেন্দ্র ৭১দা অহলশিং(চহি ৮০গী মথক)অমসুং হকচাংগী ফিবম মীমান্নদ্রবা ভোত্তর লিশিং ৫২ হেনবনা পোস্তেল বেলোৎশিংগী খুৎথাংদা ভোৎ থাদনবা খনখ্রে। থবক অসিদা অরোনবা ঙাক্নবা, অশোই-অঙাম থোক্তনবা অমসুং অরোন-অথুপ লৈতনবা অকনবা চেকশিন-থৌরাং অমসুং ভিদিওগ্রাফিগা লোয়ন্না রিতর্নিং ওফিসারশিংনা মাংজৌন্না লাউথোক্লবা তারিখশিংদা হায়রিবা ভোত্তরশিং অসিদা পোস্তেল বেলোৎশিং পীগনি। বিহারগী মীখলশিংদা কাংলুপ অনি অসিদা পোস্তেল বেলোৎকী খুদোংচাবশিং ফংহনবা অসি হন্দক্কী অসিনা অহানবনি। বিহারদা এশেমব্লি কেন্দ্র ৭১গী বুথ লেবেল ওফিসারশিংনা অসিগুম্বা ভোত্তর লাখ ৪ হেনবগা পাউ ফাওনরে। লেমহৌরিবা ভোত্তরশিং মীখল নুমিৎতা ভোৎ থাদনবা বুথতা চৎকনি।

নিংশিংবা য়াই মদুদি ২০২০গী সেপ্তেম্বর ২৫দা বিহার বিধান সভাগী মীয়ামগী মীখল-২০২০ লাউথোকখিবনি। অহানবা তাঙ্কক্তা, বিহারগী জিলা ১৬দা এশেমব্লি কেন্দ্র ৭১দা ২০২০গী ওক্তোবর ২৮দা মীখল পাংথোক্কনি।

২০২০গী সেপ্তেম্বর ২৯দগী ওক্তোবর ০১ ফাওবা কম্মিসনগী বিহার খোঙচৎতা মথক্কী ভোত্তর কাংলুপশিং অসিদা মসিগী খুদোংচাবা অসি ফংহন্নবা খন্নখিবনি। হায়রিবা ৱাফমশিং অসি থবক ওইনা পাংথোক্নবা ২০২০গী ওক্তোবর ০৩দা কম্মিসন্না য়াথং পীখ্রে:

• আর.ওনা পীরকপা মতুংইন্না, পোল্লিং স্তেসন অমগী মনুংদা লৈবা মরী লৈনবা ভোত্তরশিংগী ময়ুমশিংদা বি.এল.ও চৎকনি অমসুং মরী লৈনবা ভোত্তরশিংদা ফোর্ম ১২-দি পীগনি। করিগুম্বা ভোত্তর লৈরমদ্রবদি, বি.এল.ওনা মহাক্কা পাউ ফাওন্নবা অকুপ্পা মরোলশিং পীরমগনি অমসুং নোতিস থোকখিবা নুমিৎ ৫গী মনুংদা ফোর্ম অদু লৌশিন্নবা অমুক হন্না চৎকনি।
• ফোর্ম ১২-দিদা য়াওরিবা একনোলেজমেন্ত অদুদা ভোত্তরনা পোস্তেল বেলোৎকী অপাম্বা খনবা নৎত্রগা খন্দবা য়াই।
• করিগুম্বা ভোত্তর অদুনা পোস্তেল বেলোৎ খল্লবদি, নোতিস থোকখিবা নুমিৎ ৫গী মনুংদা ভোত্তর অদুগী য়ুমদগী বি.এল.ওনা মেনশিল্লবা ফোর্ম ১২-দি খোমজিনগনি অমসুং মদু আর.ওদা পীশিনগনি।
• ফোর্ম ১২-দি পুম্নমক অমসুং একনোলেজমেন্ত ফোর্ম খুদিংমক বি.এল.ওনা আর.ওদা পীশিনগনি।
• আর.ওগী মিৎয়েং মখাদা থবক খুদিংমক সেক্তর ওফিসারনা য়েংশিনগনি।

বিহারগী মখা তারকপা মীখলগী তাঙ্কক অনি অমসুং অতোপ্পা রাজ্যশিংগী মরক্কী মীখলশিংদা কোবিদ-১৯ মনুংদা য়াম্না লাইনা,মী খুদিংমক, অশোই-অঙাম থোকহন্দনা মীখলশিংদা শরুক য়ানবা মসিগী থবক অসি মখা চৎথগনি। মসিগীদমক মথংগী তাঙ্কক অনিদা বিহারদা অসিগুম্বা ভোত্তর লাখ ১৪রোমগী য়ুমশিংদা বি.এল.ওশিং চৎকনি।

*****