ইন্দিয়া মেতিওরোলোজিকেল দিপার্ত্মেন্ত (আই.এম.দি.)গী সাইক্লোন ৱার্নিং দিবিজনগী মতুং ইন্নাঃ

খ্বাইদগী নৌবা সেতিলাইৎকী ইমেজরী অমসুং সিপ্স অমসুং বোই ওবজর্বেসনশিংনা তাক্লি মদুদি ঙরাংগী নিংথীনা লৈখিবা ইস্তসেন্ত্রেল অমসুং থংনবা সাউথ ইস্ত বে ওব বেঙ্গালগী লো প্রেসর এরিয়া অদু ৱেস্ত সেন্ত্রেল বে ওব বেঙ্গালগী মথক্তা দিপ্রেসন ওইনা কুংশিল্লক্লে অমসুং ঙসি ওক্তোবর ১১, ২০২০গী আই.এস.তি.গী পুংফম ০৫৩০দা লেতিত্যুদ ১৫.৩° নোর্থ অমসুং লোঙ্গিত্যুদ ৮৬.৫° ইস্ততা, ভিশাখাপতনম (অন্ধ্র প্রদেশ)কী খা-খা নোংপোক্তা কিলোমিতর ৪৩০ রোম, কাকিনাদা (অন্ধ্র প্রদেশ)কী খা নোংপোক্তা কিলোমিতর ৪৯০, অমসুং নর্সাপুর (অন্ধ্র প্রেদেশ)কী নোংপোক-খা নোংপোক্তা কিলোমিতর ৫২০ রোমদা ময়াই ওইনা লৈরনি। হায়রিবসি লাক্কদবা পুং ২৪ অসিদা দীপ দিপ্রেসন ওইনা কা হেঞ্জিল্লকপা য়ারি।

হায়রিবসি নোংচুপ-অৱাং নোংচুপ থংবা মাইকৈদা অমসুং অৱাং অন্ধ্র প্রদেশকী খোংবাল্লোমদা হায়বদি নর্সাপুর অমসুং ভিশাখাপতনমগী মরক্তা ওক্তোবর ১২, ২০২০গী অহিংদা হাইজিল্লবা য়ারি।

চেকশিনগদবশিং:

 (১) নোংজুগী ৱার্নিং

• পানা চুবদগীনা য়াইমরপ ওইবা নোং অন্ধ্র প্রদেশ, তেলঙ্গালা, রায়ালাসীমা, কর্নাতাকা অমসুং মরাথ্বারা, খা থংবা ওরিশা অমসুং খা থংবা ছতিশগরগী অয়াম্বা মফমশিংদা  অমসুং অন্ধ্র প্রদেশ, তেলঙ্গানা, রায়ালাসীমা, অমসুং কর্নাতাকাগী মনুং হঞ্জিনবা মফমশিংগী শমুদ্র খোংবাল ওইবা মী তাদবা মফমশিংদা অকনবা নোংদগীনা কা হেন্না কনবা নোং ওক্তোবর ১১, ২০২০দা চুরবা য়াই।
• পানা চুবদগীনা য়াইমরপ ওইবা নোং ওরিশা, অন্ধ্র প্রদেশকী শমুদ্র খোংবাল, তেলঙ্গালা, কর্নাতাকা, মরাথ্বারা, অমসুং ভিদর্ভাগী অয়াম্বা মফমশিংদা অমসুং  ওরিশা, অন্ধ্র প্রদেশকী শমুদ্র খোংবাল, তেলঙ্গালা, কর্নাতাকা, মরাথ্বারা, অমসুং ভিদর্ভাগী শমুদ্র খোংবাল ওইবা মী তাদবা মফমশিংদা অকনবা নোংদগীনা কা হেন্না কনবা নোং ওক্তোবর ১৩, ২০২০দা চুরবা য়াই। কা হেন্না কনবা নোং (নোংমদা সেন্তিমিতর ২০গী ≥) অন্ধ্র প্রদেশকী শমুদ্র খোংবাল ওইবা মফমশিংদা ওক্তোবর ১৩দা চুরবা য়াই।

(২) নুংশিৎকী ৱার্নিং

নোংচুপ থংবা ময়াই অমসুং থংনবা অৱাং নোংচুপ বে ওব বেঙ্গালদা পুংদা কিলোমিতর ৪৫-৫৫ ফাওবদগীনা পুংদা কিলোমিতর ৬৫ ফাওবগী অয়াঙবা স্ক্বালি নুংশিৎ অমসুং বে ওব বেঙ্গালগী খা নোংচুপ অমসুং ওরিশা-অন্ধ্র প্রদেশ-তমিল নাদু অমসুং পুদুচেরীগী শমুদ্র খোংবাল্লোমদা পুংদা কিলোমিতর ৪০-৫০দগীনা পুংদা কিলোমিতর ৬০ ফাওবা য়াঙবা নুংশিৎ ওক্তোবর ১১, ২০২০দা শিৎলবা য়াই; নোংচুপ ময়াই অমসুং থংনবা অৱাং নোংচুপ বে ওব বেঙ্গাল, খা নোংচুপ বে ওব বেঙ্গাল অমসুং ওরিশা-তমিল নাদু অমসুং পুদুচেরীগী খোংবালদা  ৫০-৬০ ফাওবদগীনা পুংদা কিলোমিতর ৭০ ফাওবগী অয়াঙবা নুংশিৎ অমসুং অন্ধ্র প্রদেশকী খোংবালদা ৫৫-৬৫ ফাওবদগীনা পুংদা কিলোমিতর ৭৫ ফাওবগী অয়াঙবা নুংশিৎ ওক্তোবর ১২, ২০২০দা শিৎলবা য়াই।

মসিগা লোইননা, পুংদা কিলোমিতর ৪৫-৫৫গী অয়াঙবা স্ক্বালি নুংশিৎনা গল্ফ ওব মনারদা ১১, ১২, অমসুং ১৩ ওক্তোবর, ২০২০দা শিৎলবা য়াই।

(৩) শমুদ্রগী ফিবম

ৱেস্ত সেন্ত্রেল অমসুং থংনবা নোর্থ ৱেস্ত বে ওব বেঙ্গাল, খা নোংচুপ থংবা বে ওব বেঙ্গাল অমসুং ওরিশা – অন্ধ্র প্রদেশ – তমিল নাদু অমসুং পুদুচেরী শমুদ্র খোংবাল অমসুং গল্ফ ওব মানারগী ১১ অমসুং ১২ ওক্তোবর ২০২০ অমসুং গল্ফ ওব মনারদা ১৩ ওক্তোবর ২০২০গী শমুদ্রগী ফিবম ফত্তবদগীনা কা হেন্না ফত্তবফাওবা ওইবা য়াই।

(৪) ঙামীশিংনা চেকশিনগদবা

ঙামীশিংনা ৱেস্ত সেন্ত্রেল অমসুং থংনবা নোর্থ ৱেস্ত বে ওব বেঙ্গাল, খা নোংচুপ থংবা বে ওব বেঙ্গাল অমসুং ওরিশা – অন্ধ্র প্রদেশ – তমিল নাদু অমসুং পুদুচেরী শমুদ্র খোংবাল অমসুং গল্ফ ওব মানারগী ১১ অমসুং ১২ ওক্তোবর ২০২০ অমসুং গল্ফ ওব মনারদা ১৩ ওক্তোবর ২০২০দা চঙশিন্দনবা পাউতাক পীরি।

মফম মফমগী ওইবা অকক্না ফোর্কাস্ত অমসুং ৱার্নিং খঙবীনবগীদমক চানবীদুনা মোসম এপ, এগ্রোমেৎ ইদভাইজরীগীদমক মেঘদুৎ এপ অমসুং লাইতনিং ৱার্নিংগীদমক দামিনি এপ দাউনলোন তৌবীয়ু।

*****