కేంద్ర మంత్రి శ్రీ రామ్ విలాస్ పాస్వాన్ ఆక‌స్మిక మ‌ర‌ణం నేప‌థ్యంలో ఇక్క‌డ న్యూఢిల్లీలోని కృషి భవన్‌లో సంతాప స‌మావేశం నిర్వ‌హించారు. కేంద్ర ఆహార వినియోగదారుల వ్యవహారాలు, ప్రజా పంపిణీ మంత్రిత్వ శాఖల‌కు చెందిన  అధికారులు, సిబ్బంది ఈ స‌మావేశంలో పాల్గొని త‌మ సంతాపం తెలియ‌జేశారు.
కేంద్ర వినియోగదారు వ్యవహారాల శాఖ కార్యదర్శి శ్రీమతి లీనా టాండన్,ఆహార, ప్రజా పంపిణీ శాఖ కార్యదర్శి శ్రీ సుధాన్షూ పాండే మంత్రిత్వ శాఖల‌కు చెందిన  ఇతర ఉన్నతాధికారులు సంతాప సమావేశంలో పాల్గొన్నారు. ఈ సంద‌ర్భంగా  కేంద్ర వినియోగదారుల వ్యవహారాలు, ప్ర‌జా పంపిణీ శాఖ‌ల‌ మంత్రిగా శ్రీ రామ్ విలాస్ పాస్వాన్ చేసిన కృషిని గుర్తుచేసుకున్నారు. శ్రీ‌రామ్ విలాస్ పాస్వాన్ ఆత్మ‌కు శాంతి క‌లగాల‌ని, దుఃఖంలో మునిగి ఉన్న శ్రీ పాస్వాన్ కుంటుబానికి ఈ క‌ఠిన స‌మ‌యంలో అవ‌స‌ర‌మైన‌ ధైర్యాన్ని క‌ల్పించాల‌ని.. ఈ స‌మావేశంలో పాల్గొన్న వారు ఆ భ‌గ‌వంతుడ్ని ప్రార్థించారు. వినియోగదారుల వ్యవహారాలు, ఆహార, ప్రజా పంపిణీ శాఖల‌ మంత్రి శ్రీ రామ్ విలాస్ పాస్వాన్ గురువారం ( అక్టోబర్ 8న) న్యూ ఢిల్లీలో కన్నుమూసిన విష‌యం విదిత‌మే.

***