কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
শ্রী রাম বিলাস পাসৱাননা লৈখিদবগী অৱাবা ফোংদোকপগী মীফম কঞ্জুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়দা পাংথোকখ্রে
प्रविष्टि तिथि:
09 OCT 2020 5:26PM by PIB Imphal
কঞ্জুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়গী ওফিসর/স্তাফ খুদিংমক্না কৃশি ভাবন, নৈ দিল্লীদা ঙসি পাংথোকখিবা মীফম অমদা কেন্দ্রগী মন্ত্রী শ্রী রাম বিলাস পাসৱান্না মনুং মতম চাদনা লৈখিদবদা অৱাবা ফোংদোকখ্রে। কঞ্জুমর এফিয়র্সকী সেক্রেতরী শ্রীমতি লীনা তন্দোন, ফুদ অমসুং পব্লিক দিস্ত্রিব্যুসনগী সেক্রেতরী শ্রী সুধানশু পান্দে অমসুং মন্ত্রালয় অসিগী অতোপ্পা মকোক থোংবা ওফিসরশিংসু অৱাবা ফোংদোকপগী মীফম অদুদা শরুক য়াখি অমসুং শ্রী রাম বিলাস পাৱান্না কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী মন্ত্রী ওইনা লৌরম্বা থৌদাংশিং নিংশিংখি। ওফিসর খুদিংমক্না লৈখিদ্রবা থৱাই অদুগীদমক থৌনিজখি অমসুং অৱাবা তারবা ইমুংগীদমক মখোয়গী ওইবা ৱাখলশিং ফোংদোক্নখি।
কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী মন্ত্রী শ্রী রাম বিলাস পাৱান ওক্তোবর ৮, ২০২০দা নৈ দিল্লীদা লৈখিদবনি।
*****
(रिलीज़ आईडी: 1663186)
आगंतुक पटल : 133