লেবর অমসুং এমপ্লোইমেন্তকী রাজ্য মন্ত্রী (মনিং তম্বা) শ্রী শন্তোশ কুমার গঙ্গৱরনা লেবর অমসুং এমপ্লোইমেন্ত মন্ত্রালয়, ন্যু দিল্লীদা ০৮.১০.২০২০দা পাংথোকখিবা লেবর ব্যুরো সর্ভেগী মতাংদা খং-হৈরবা গ্রুপকী অহানবা মীফমদা ৱা ঙাংখ্রে। খং-হৈরবা গ্রুপ অসি কোলকতা য়ুনিভর্সিতীগী নিংথিনা খং৯-হৈরবা ইকোনোমিস্তশিং, স্তেতিস্তিসিয়নশিং অমদি সরকারগী থবক পাংথোক্লিবশিং য়াওনা ইমেরিতসকী প্রোফেসর প্রোফেসর এস.পি. মুখর্জীনা ময়াই তাংবল লৌখি। মসি সরকারনামাইগ্রেসন, প্রোফেস্নেল বোদীশিং, দোমেস্তিক ৱার্করশিং অমদি অতোপ্পা সর্ভেশিং তৌনবা লেবর ব্যুরোদা তেক্নিকেল ওইবা লমজিং-লমতাক পীনবা চহি অহুমগী ওইনা সরকারনা শেমখিবনি। 

থৌরম অসিদা মন্ত্রীনা সরকারনা লেবরগী অখন্নবা লমশিংগা মরি লৈনবা ৱাফমশিং অসি খংনবা হোৎনবদা লেবর ব্যুরোগী এম্বিসিয়স ওইবা সর্ভে অহুম পাংথোক্নবা থবক শিন্নখি।  লায়চৎ অসিগী মতমদা মাইগ্রেন্ত ৱার্করশিংনা মায়োক্নরিবা অৱাবশিং অসিগী মতাংদা লুনা লৌদুনা ৱাফম ফোংদোকপা মসিগী মাইগ্রেন্ত ৱার্করশিং অমদি মখোয়না মায়োক্নরিবা খুদোংচাদবশিং মরুওইনা কোবিদ-১৯ থোরকপদা থেংনরিবা খুদোংচাদবশিংগীথাজনিংঙাই ওইবা দেতাগী মথৌ তাবগী মতাংদা হায়খ্রে। দেতাবেজ অসিনা সরকারনা মখোয়গী ফীভমশিং অসি ফগৎহন্নবা অমদি থবক্কী খুদোংচাবশিং থৌরাং লাংনবগীদমক্তা থবক ওইনা পাংথোক্কদবা পাম্বৈশিং শেমগৎপা ঙমহনগনি। লেবর ব্যুরোনা পাইখৎকদবা মাইগ্রেসনগী সর্ভে অসিনা লৈবাক অসিদা লৈরিবা মাইগ্রেন্ত ৱার্করশিংগা লোয়ননা মখোয়না মায়োক্নরিবা খুদোংচাদবশিং অদু ফংবা ঙম্বা অমগা কোন্নবা থাজনিংঙাই ওইনা পানবা মশিং অদু পীগনি। মসিগী দেতা অসিগী খুদক্তা মথৌ তাবা অসি য়েংলগা মসি পন্থবা তৌদনা লোঞ্চ তৌবা ঙম্নবা সর্ভে অসিগা মরি লৈনবা তেক্নিকেলগী মরিক চুম্বা ৱারোলশিং পুম্নমক ফাইনেলাইজ তৌনবা মহাক্না খং-হৈরবা গ্রুপ অসিদা তকশিনখি।  

মহাক্না ঐখোয়গী লৈবাক অসিদা চাউরাক্না লেবর চাদা ৩মুক লৈরিবা দোমেস্তিক ৱার্করশিংগী মতাংদা দেতা খোমজিন্নবগীদমক্তা দোমেস্তিক ৱার্করশিংগী মতাংদা মহাক্কী অহানবা মখলগী সর্ভে অসিসু লেবর ব্যুরোনা পাংথোক্কনি।  সর্ভে অসিনা মখা তানা সরকারনা মীওই কাংলুপ অসিনা মায়োক্নরিবা খুদোংচাদবশিং অসি খংদোকপদা অমদি মখোয়গী ফীভমশিং ফগৎনবা থৌশীল-থৌরাং শেম্বা ঙমহনগনি। 

থবক ফংবা অমদি ফংদবগী ফংলিবা দেতাগী সোর্সশিং অসি নিংথিনা হেনগৎহন্নবগীদমক্তা লেবর ব্যুরোনা পায়খৎকদবা  প্রোফেস্নেল ওইবা বোদীশিংগী সর্ভে অমা সরকারনা লোঞ্চ তৌখ্রে। চার্তর একাউন্তেন্তশিং, উকীলশিং অমদি দোক্তরশিংগুম্বা ফমশিংগুম্বগী চাং ৱাংনা থবক থোরকহনবা অসি পীরদুনা অসিগুম্বা শিনফমশিং অসিদা তাঙ্কক নাইবা মশিং পানবগী থবক পায়খৎপগী মথৌ তাবা অমা লৈ।   সর্ভে অসিনা অপুনবা এমপ্লোইমেন্তগী থৌরাং তৌবদা অমদি ফম কাখৎপগী ইনপুৎ অমা ওইনা থবক পাংথোক্নবগী এমপ্লোইমেন্তকী মতাংদা থাজবা য়াবা অমদি তোয়না-তোয়নগী ওইবা দেতাবেজ পুথোরক্নবা পান্দম থম্লি।

মসিগী সর্ভেশিং অসি পাংথোক্কদৌরিবা লেবর ব্যুরো হায়রিবা লুপ অসি ১৯২০দা লিংখৎখি অমদি হৌখিবা চহি ১০০দগী অফবা লেবর স্তেতিস্তিক্স পুথোকপগী মরাং কাইবা লিগেসী অমা লৈ।  মসিগী প্রাইস ইন্দেক্সশিং, এদ্মিনিস্ত্রেতিব স্তেতিস্তিক্সশিং অমদি লেবরগা মরি লৈনবা দেতাশিংগী ওইনা নেস্নেল অমদি ইন্তর্নেস্নেলগী থাক্তা য়াম্না শিংথানখি।  লেবর ব্যুরোনা লৈবাক অসিগী কেন্দ্র অমসুং রাজ্য সরকারশিংগা মরি লৈনবা লেবর অমদি থৌমী লাখ কয়াগী দিয়র্নেস এলাৱেন্স অমদি খুৎশুমল অসি চাং নাইহনবদা শিজিন্নবা সি.পি.আই.-আই.দব্লয়ু.গী ইন্দেক্স অসি থাগী ওইনা মসিগী সি.পি.আই.-এ.এল./আর.এল. অমদি রিতেল প্রাইস ইন্দেক্সকুম্বা কান্নবা ইন্দেক্সশিং অসি খোমজিল্লী অমদি লেবরগা মরি লৈনবা তোঙান-তোঙানবা সর্ভেশিং পাংথোকই। ব্যুরো অসি সংসদনা অয়াবা পীরবা অনৌবা লেবর কোদ মরীগী মখাদা রিতর্নশিং ওইবা মওংদগী পুথোরকপা দেতা ঙাক-শেন্দুনা থম্নবা চৎন-কাংলোনশিংগী মখাদসু মপাঙ্গল কনখৎহনগনি।  

******