প্রধান মন্ত্রী শ্রী নরেন্দ্র মোদীনা হৌদোকখিবা কোবিদ-১৯গী ময়োক্তা মীয়ামগী খোঙজং(জন অন্দোলন)য়াম্না চাউবা মওং অমদা ভারত রেলৱেজনা শরুক য়ারে।মীয়ামগী খোঙজং অসি হৌদোক্লবা মতুংদা, ভিদিও কনফরেন্সকী খুৎথাংদা রেলৱেজ অমসুং কমর্স অমসুং ইন্দস্ত্রিগী মিনিস্তর শ্রী পিয়ুস গোয়ালনা রেলৱেজ ওফিসারশিং অমসুং স্তাফশিং কোবিদ ৱাশক লৌখি। থৌরম অসিদা জোনেল রেলৱেজশিংগী জেনেরেল মেনেজরশিং, দিবিজনেল রেলৱেজ মেনেজরশিং, পি.এস.য়ুশিংগী সি.এম.দিশিং অমসুং সেনিয়র রেলৱেজ ওফিসারশিং শরুক য়াখি।

লৈবাক শীনবা থুংনা চৎথরিবা মীয়ামগী খোঙজং অসিদা থোরক্নবা অমসুং থৱায় য়াওনা শরুক য়ানবা ওফিসারশিং অমসুং স্তাফশিংদা রেলৱেজ বোর্দকী চিয়রমেন শ্রী বিনোদ কুমার য়াদবনা খঙহনখ্রে। কোবিদ চৎন-পথাপশিংগী মতাংদা ৱাখল তাবা হেনগৎহন্নবা পান্দম অমগা লোয়ন্না মখোয়গী স্তেসনশিং ময়াদা লৈবা মীচম মীয়ামগা ৱারি শান্নবা মহাক্না জোনেল অমসুং দিবিজনেল ওফিসারশিংদা খঙহনখ্রে। মহাক্না হায়খি মসিগী লাইচৎ অসি মাইথিবা পীনবা রেলৱেজগী থবক তৌরিবা খুদিংমক্তা তৌগদবশিং অমসুং তৌরোইদবশিংগী মতাংদা খঙহনগদবনি। রেলৱেজ স্তেসনশিং, রেলৱেজগী ওফিসশিং, ত্রেনশিং অমসুং অতোপ্পা রেলৱেজগী ওফিসশিংদা বেন্নরশিং/পোস্তরশিং থেৎনবা জি.এমশিং/দি.আর.এমশিং অমসুং পি.এস.য়ুশিংগী সি.এম.দিশিংদা খঙহনখ্রে। সোসিএল মেদিয়া চেনেলশিংগী খুৎথাংদা কোবিদকা মরী লৈনবা ই-পাউশিং শন্দোক্কদবনি।

মীয়ামগী খোঙজং(জন অন্দোলন)গী অহানবা নুমিৎতা জোনশিং, দিবিজনশিং অমসুং পি.এস.য়ুশিং শীনবা থুংনা রেলৱেজগী থবক তৌবা মীওই ৫,৪১,০৮৭ ৱাশক লৌখ্রে।লৈবাক শীনবা থুংনা ভারত রেলৱেজগী রেলৱেজ স্তেসন ২৪৫২, ত্রেন ২৭৩ অমসুং ওফিস বিল্দিং ৮৪৭দা বেন্নরশিং/পোস্তরশিং থেৎখ্রে। রেলৱেজ স্তেসন ২০৬০, ত্রেন ৯৫ অমসুং রেলেৱজগী ওফিস ১৩৮তা পব্লিক এন্নাউন্সমেন্ত সিস্তেমগী খুৎথাংদা কোবিদ-১৯ থেংন্নবা ৱাখল তাবা হেনগৎহন্নবা ওদিও জিঙ্গল অমা তাহনখ্রে।

*****