नवी दिल्‍ली, 9 ऑक्‍टोबर 2020

भारतीय टपाल खात्याकडून दरवर्षी 9 ऑक्टोबर रोजी जागतिक टपाल दिनानिमित्त राष्ट्रीय टपाल सप्ताहाचे आयोजन करण्यात येते. राष्ट्रीय पातळीवर टपाल खात्याच्या कामाविषयी जनतेमध्ये जागृती व्हावी, या उद्देशाने जागतिक टपाल दिन आणि राष्ट्रीय टपाल सप्ताहाचे आयोजन केले जाते.  

यावर्षी टपाल खात्याकडून राबवण्यात येणारे उपक्रम पुढीलप्रमाणे:-

यानिमित्त विभागीय पातळीवर सर्व टपाल कार्यालयांची स्वच्छता, जुने नामफलक, कालबाह्य नोटीसा काढणे, जुन्या नोंदी काढून टाकणे अशा विविध उपक्रमांचे आयोजन करण्यात आले आहे. टपालतिकीट संग्राहकांसाठी आभासी कॅम्पस/कार्यशाळा आयोजित करणे, बचत खाते उघडणे, आयपीपीबी खाते उघडणे, आधार जोडणी करणे आणि पीएलआय आरपीएलआय प्रस्ताव सादर करण्यात येणार आहेत.  

सर्कल प्रमुख प्रीमियम ग्राहकांना पत्र लिहून व्यवसाय दिल्याबद्दल त्यांचे आभार मानतील. पीओपीएसके, आधार नोंदणी आणि अद्ययावत सुविधा, सीएससी, गंगाजल उपलब्धता या सुविधांविषयी ज्येष्ठ नागरिकांमध्ये जागृती करणे हे उपक्रमही राबवण्यात येणार आहेत.

* * *

B.Gokhale/S.Thakur/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com