আয়ুশ

ক্যুবানশিংগী থম্মোয়দা য়োগানা মাগী লম্বী থিরি

Posted On: 09 OCT 2020 12:55PM by PIB Imphal

ক্যুবাদা য়াম্না মমিং চৎখৎলক্লিবা য়োগা অসিনা ইন্দিয়াগী য়োগা পামজবা কয়াদা হরাওবগী মচাক অমা ওইরি। মসি মতম কয়াগী মমাংদগী ঐখোয়গী ইপা-ইপুনা পীরম্বা খুদোল অমনি অমসুং মসি মালেমগী ওইনা পীবিরম্লবনি অমসুং মসিগী ভক্ত কয়া অমা মালেম শিনবা থুংনা লৈরক্লি।

হাবানা, ক্যুবাগী ইন্দিয়ন এম্বেসিদগী ফংবা পাউ অমগী মতুং ইন্না প্রোফেসর ইদুয়ারদো পিমেন্তেল ভাজক্যুজ, ক্যুবা য়োগা এসোসিএসনগী প্রসিদেন্ত অমসুং ফাউন্দর অসি লৈবাক অসিগী য়োগাদা মকোক চিংবা লুচিংবা অমনি। মহাক্না ক্যুবাদা চহি ৩০ হেন্না য়োগা তম্বিরক্লি অমসুং ইন্সত্রক্তর ৫০ অমগসু ত্রেনিং পীখ্রে। মসি ক্যুবাগী মীশিং করোর ১.১৩ লৈরিবা লৈবাক অসিগী য়োগা চাওখৎপদা মশক থোকপা থৌদাং অমনি।

প্রোফেসর পিমেন্তেলগী হন্দক্তা লৌখিবা ইন্তর্ভিয়ু জুবেনতুৎ রেবেলদে অসিদা লুইজ রাউল বাজক্যেজ মুনোজনা লৌবা অমসুং রাফেল পিনারেস গোনজালেজ ক্যুবা পুম্বা পানরি অমসুং মসিনা লৈবাক অসিদা য়োগাবু মপুং ফানা মমিং চৎহল্লি। চহি লোঙগা কয়াগী মীওই কয়ানা লমহাংদা, কা মনুংদা অমসুং ম্যুজিয়মদা য়োগা শান্নরি অমসুং ইন্দিয়াদগী লাকপা লমকোইবা অমনা মসি মখোয়গী মরমদম মাইসুরু নত্ত্রগা হারিদ্বার নত্তে হায়বা ঙম্লোই। ক্যুবাদা য়োগা তৌরকপগী মশিং অসি নোংম-নোংমগা হেনগৎলক্লি।

ইন্তরর্ভিয়ুগী মতুং ইন্না প্রোফেসর ইদুয়ারদো পিমেন্তেল ভাজক্যুজগী পুন্সি হোংহনখিবা অসি লাইরিক অসিননি। মহাক অসি মশাগী চহি ১২শুবা অদুদগী চেসকী শান্নরোই অমা ওইরকখি অমসুং নোংমা (১৯৭২দা) মহাক্না য়োগাগী লাইরিক অমা থেংনখি মসিদা মহাক্না য়োগাগী তেক্নিক অসি উখি মদুদগী মহাক্না লাইরিক অসি য়েংদুনা তম্বা হৌদুনা ঙসি ফাওবা লেপ্পা লৈতনা চৎথরি।

প্রোফেসর পিমেন্তেলনা শন্দোক্না তাকখি মদুদি য়োগা অসি অতৈ অতোপ্পা অমত্তা নত্তে মসি ফিলোজোফি অমনি হায়না হাযখি। মহাকনা মখা তানা হায়খি মদুদি য়োগা অসি নোংচুপ থংবা লৈবাকশিংদা থৱায় য়াম্না য়াওই মরুওইনা শান্নবদা। মহাক্না য়োগা অসি য়ুনাইতেৎ স্তেতস, ব্রাজিল অমসুং মেক্সিকোনচিংবা মফমশিংদা য়োগাগী পারা তম্বীখি। মহাক্না ২০১৮ ফোংবা খ্বায়দগী অরোইবা লাইরিক, তু সেসন দে য়োগা (অদোমগী য়োগা সেসন) অসিদা মহাক্না ইরি মদুদি য়োগা অসি ঙাকথোকপা মখল অমনি অমসুং মসি ১৯৯৫দগী ক্যুবাগী পব্লিক হেলথ মিনিস্ত্রীনা মালেম পুম্বা থাগৎতুনা ত্রেদিসনেল অমসুং নেচুরেল মেদিসিন দিপার্তমেন্তগী শরুক অমা ওইরি।  

প্রোফেসর পিমেন্তেলনা থাজৈ মদুদি মওং অমখং তৌবনা য়োগা সেসন কৌবা য়াদে। মহাক্না মসি মথং মথং পরিং ওইনা চৎথনবা পাউতাক পীখি। মহাকনা মওং অনি পামজখি মসিনা অৱাবা কয়া নান্থোকহল্লি। মখোয় অদুগী মনুংদা ত্রিকোনাসানা মসিনা অৱাবা অমসুং খোইরাংবা কয়া অমা হন্থহল্লি। অতোপ্পা অমনা শিরশাসানা অসিনা হকচাং মনুং কনখৎহনবা অমসুং ঈগী খোঞ্জেল হেনগৎহল্লি।

চহি খুদিংগী ক্যুবাদা য়াম্না থৱায় য়াওনা ইন্তরনেসনেল দে ওফ য়োগা (আই.দি.ৱাই.) হায়না পাংথোকই। ২০২০ অসিদসু লৈবাক অসিদা ৬শুবা আই.দি.ৱাই. পাংথোকই, হায়রিবা অসিদা ইন্দিয়াগী এম্বেসি য়াওনা হাবানাদা।

******



(Release ID: 1663099) Visitor Counter : 12