হাউজিং অমসুং অর্বান এফ্যার্স মন্ত্রালয় (এম.ও.ঐচ.য়ু.এ.)গী সেক্রেতরী শ্রী দুর্গা শঙ্কর মিস্রানা হিমাচল প্রদেশ অমসুং উত্তরাখন্দ স্তেতকী চীফ সেক্রেতরী/প্রিন্সিপাল সেক্রেতরী/ মকোক থোংবা ওফিসিএলশিংগা মমাঙ থাদা ৱারী ৱাতায় শানবা মতমদা স্তেতশিং অসিনা এ.এম.আর.য়ু.তি. মিসনগী মখাদা খোঙজাল লৈনা পায়খৎলিবা থবকশিংগীদমক থাগৎলদুনা পীনিংলিবা কান্নবশিং মীয়ামদা মতম চানা য়ৌহন্নবা প্রোজেক্তশিং অদু খোঙজেল হেন্না য়াঙশিন্না পায়খৎনবা ৱাফম থমখি‍। চীংগী স্তেত অনিদুগী মতাঙদা চাদা ৯০ ওইরিবা সেন্ত্রেল এসিস্তেন্স ফংবা য়াননবা প্রোজেক্ত পুম্নমক শাংদোক্লবা মিসনগী মতম মার্চ ৩১, ২০২১ ফাওবগী মনুংদা লোইশিন্নবা মহাক্না মখোয়গী মফমদা পাউতাক পীখি‍। ৱারী ৱাতা শানবা অদুদা, হিমাচল প্রদেশ স্তেত্তা প্রোজেক্ত ৩২ লোইশিল্লে অমদি প্রোজেক্ত ৪১না পায়খৎলি হায়বা ৱাফম তম্লকখি‍। উত্তরাখন্দদা লুপা করোর ৫৯৩গী এস.এ.এ.পি. সাইজ লৈবদা প্রোজেক্ত ১৫১ পায়খৎখি‍। মসিগী মনুংদা প্রোজেক্ত ৪৭ লোইশিল্লে অমদি প্রোজেক্ত ১০০ পায়খৎলি‍।

        এ.এম.আর.য়ু.তি.কী লৈবাক্কী রেঙ্কিংদা হিমাচল প্রদেশনা ১৫শুবদা অমদি উত্তরাখন্দনা ২৪শুবদা লৈ হায়বা ৱাফম পাউদমখি‍। হায়রিবা স্তেতশিং অসিনা লৌখৎলিবা থৌরাংবু শিংথারদুনা, এম.ও.ঐচ.য়ু.এ. সেক্রেতরীনা মখোয়দা মখা তানা হোৎনদুনা মখোয়গী পর্ফোর্মেন্স ফগৎহন্দুনা মকোক থংবা স্তেত ১০গী মনুং চনবা ঙম্নবা ৱাফম থমখি‍। হিমাচল প্রদেশনা অনৌবা য়ুমথোঙ ১৭,৬০০তা তোতি শমদুনা য়ুমথোঙ ১৩,০০৩গী পান্দম অদু ফংবা ঙমখ্রে‍। উত্তরাখন্দনা হৌজিক ফাওবদা অনৌবা তোতি ৩৬,৫৫৪ শমখ্রে‍। উত্তরাখন্দদা মখোয়গী তোতি শম্বগী থবক য়াঙশিনহন্দুনা পুম্নমক কোনশিনবা ঙম্ননবা মখোয়গী পান্দম খোঙজেল য়াঙনা ফংননবা ৱাফম থমখি‍। এম.ও.ঐচ.য়ু.এ. সেক্রেতরীনা পাইপ শম্বদা নীংথিনা চেকশিন্দবা থোকহন্দনবা ৱাফমদা মীৎয়েঙ চঙনবা অমদি প্লমবরশিংগীদমক কেপাসিতী বিল্দিং পাঙথোক্নবা ৱাফম হৌদোকখি‍।

        হিমাচল প্রদেশনা সিৱর কনেক্সন ২৩,০০৬ পান্দম থম্বদা ২৬,০৩৪ ফংহনখ্রে অমদি উত্তরাখন্দনা অনৌবা কনেক্সন ২৪,৮১৮ ফংহনখ্রে‍। হিমাচল প্রদেশদা সেপ্তেজ মেনেজমেন্তকী মখাদা য়ুমথোঙ ৫১,৭৯৩ কোনশিল্লে‍। উত্তরাখন্দদা হায়রিবা থবক অসি মিসন মতম মনুংদা লোইশিনবা ঙম্ননবা সিৱর কনেক্সনগী থবক য়াঙশিলহন্নবা ৱাফম থমখি‍।

        হিমাচল প্রদেশনা স্ত্রীতলাইত ৯,৬২১ পান্দম থম্বদা ১২,১৮৬ এল.ই.দি.না শিন্দোকখ্রে‍, উত্তরাখন্দনা ৮২,৩৩৭ পান্দম থম্বগী মনুংদা ৭২,১৬৭ শিন্দোকখ্রে‍। স্তেত অনিমক্তা মৈ শিন্দোকপগী থবক য়াঙশিন্নবা অমদি থৌওং অদু স্তেত পুম্বদা পায়খৎনবা ৱাফম থমখি‍।

        স্তেত অনিমক্না মখোয়গী মিসন সহরশিংদা ও.বি.পি.এস. সিস্তেম পায়খৎলি‍। ও.বি.পি.এস. ‘ইজ ওফ দুইং বিজিনেস’কী শরুক অমনি অমসুং মিসন সহরশিংগী মথক্তা য়ু.এল.বি. খুদিংমক্তা পায়খৎগদবনি হায়না শ্রী দুর্গা শঙ্কর মিস্রানা হায়খি‍।

স্তেত অনি অসিগী মিসন সহর পুম্নমক্তা ক্রেদিত রেতিংগী থবক লোইশিল্লে‍। স্তেতশিং অসিদা মিসন সহর অমমম ইনভেস্তমেন্ত গ্রেদ রেতিং (আই.জি.আর.) ফংলে‍। স্তেত অনিমক্না আই.জি.আর.দগী হেন্না ন্থবা সহরশিংগী ক্রেদিত হেনগৎহন্নবা থৌরাং পয়াখৎকদবনি অমদি আই.জি.আর. সহংশিং ম্যুনিসিপাল বোন্দ থাদোক্নবা খন্নগদবনি‍।

মন্ত্রালয়না মন্ত্রালয় অসিগী মিসন খুদিংমক্কী স্তেত/য়ুতিশিং অমসুং সহর খুদিমক্কা মরী লৈনবা ঈ-পাউ পুম্নমক ফংহনগদবা কম্মন দেসবোর্দ অমা শেম্লে হায়না স্তেত অনিমক্তা পাউদমখি‍। স্তেত/য়ু.তি.শিংনা হায়রিবা ফেসিলিতী অসি মখোয়গী খোঙজেল য়েংশিন্নবগীদমক শীজিন্নবা য়াগনি‍। এম.ও.ঐচ.য়ু.এ. সেক্রেতরীনা লৈরিবা প্রোগ্রেসশিং পোর্তেল/দেসবোর্দ অসিদা থাগৎনবগীদমক স্তেত/য়ু.তি.শিংদা মখোয়গী মিসনগী অকুপ্পা ৱারোলশিং চাং নাইনা থাগৎলক্নবা ৱাফম থমখি‍। দেতা অসি স্তেতশিংগী মরক্তা মখোয়গী প্রোগ্রেসশিং শেন্ননবা, য়েংশিন্নবা অমদি থাগী রেঙ্কিং হোত্তোক্নবা শীজিন্নবনি‍।

        “কেতচ দি রেন” কেম্পেন: স্তেত অনিমক্তা “কেতচ দি রেন” কেম্পেনগী মখাদা থৌরাংশিং পায়খৎনবা ৱাফম থমখি‍। এম.ও.ঐচ.য়ু.এ. সেক্রেতরীনা ঈশিং য়োকশিন্নবা ৱাফম থম্লদুনা, কেম্পেন অসিগী পান্দমদি ঈশিং মরিক খুদিংমক য়োকশিনবা/লোকশিনবনি‍ হায়না হায়খি‍। কেম্পেন অসি সহরশিংগী য়ুম-কৈ খুদিংমক্তা নোংগী ঈশিং লোকশিনহৌনবগীদমক পায়খৎপনি অমদি খুতক্তা পায়খৎপা মথৌ তারি‍।

***