ক’ভিড-১৯ মহামাৰীৰ প্ৰতি লক্ষ্য ৰাখি কৰ্মচাৰী ৰাজ্যিক বীমা নিগেম(ইএছআইচি) সকলো আঞ্চলিক আৰু উপ-আঞ্চলিক ক্ষেত্ৰত প্ৰতি মাহে বীমাকৃত ব্যক্তি(আইপি) আৰু তেওঁলোকৰ আশ্ৰিতসকলৰ স্থায়ী বিকলাংগতাৰ লাভ আৰু আশ্ৰিতৰ সুবিধা প্ৰদানৰ দিশত নিৰ্দেশনা জাৰি কৰিছে৷ সকলো আঞ্চলিক আৰু উপ-আঞ্চলিক ক্ষেত্ৰত ধাৰাবাহিকভাৱে পিচিবি আৰু ডিবিৰ বাবে বীমাকৃত ব্যক্তি আৰু তেওঁলোকৰ আশ্ৰিতসকলক সম্পূৰ্ণ ক’ভিড-১৯ সময়ছোৱাত মাহিলী ধন প্ৰদান কৰা হৈছে৷ ইয়াৰ সমান্তৰালভাৱে বীমাকৃত ব্যক্তিসকলৰ উপাৰ্জন ক্ষমতা কম হোৱাটো ৰোধৰ বাবে নিয়মীয়াকৈ মেডিকেল বোৰ্ডৰ দ্বাৰা পৰিচালনা কৰা হৈছে৷

ৰাজস্থানৰ ছিহোৰে জিলাৰ পিণ্ডৱাৰাত কৰ্মৰত ছিলিকোছিছ/বাইছিনোছিচৰ দৰে বৃত্তিমূলক ৰোগত আক্ৰান্ত ৪৮ ইএছআইচি বীমাকৃত ব্যক্তিৰ বাবে জয়পুৰৰ আদৰ্শ হাস্পতালত এক মেডিকেল বোৰ্ডৰ ব্যৱস্থা কৰা হৈছে৷ ইয়াৰ পূৰ্বে এই বৃত্তিমূলক ৰোগত পীড়িত বীমাকৃত ব্যক্তিসকলৰ পৰীক্ষাৰ বাবে আন এখন মেডিকেল বোৰ্ড গঠন কৰা হৈছিল৷ উল্লেখ্য যে মেডিকেল বোৰ্ডৰ পৰিচালনাৰ পূৰ্বে এই বীমাকৃত ব্যক্তিসকলক প্ৰথমে ক’ভিড-১৯ৰ পৰীক্ষা কৰা হৈছে৷ মেডিকেল বোৰ্ডৰ সিদ্ধান্ত অনুসৰি ৮৫গৰাকী বিকলাংগক স্থায়ী বিকলাংগতাৰ লাভ প্ৰদান কৰা হয়, যিসকল বৃত্তিমূলক ৰোগত আক্ৰান্ত হৈ আছে৷

তদুপৰি, ছিলিকোছিছ/বাইছিনোছিচৰ দৰে বৃত্তিমূলক ৰোগত আক্ৰান্ত হৈ মৃত্যু হোৱা ৬গৰাকী বীমাকৃত ব্যক্তিৰ আশ্ৰিতক আশ্ৰিত লাভালাভ প্ৰদানৰ কাম এই মাহৰ পৰা আৰম্ভ কৰা হৈছে৷

একদৰে, জয়পুৰ আঞ্চলিক কাৰ্যালয়ৰ অধীনত কৰ্মৰত অৱস্থাত দুৰ্ঘটনাজনিত কাৰণত মৃত্যু হোৱা ৫গৰাকী ব্যক্তিৰ আশ্ৰিতসকলক অগ্ৰাধিকাৰৰ ভিত্তিত পাবলগীয়া সুবিধা প্ৰদান কৰা হৈছে৷

*****

RCJ/RNM/IA/DB