সোসিয়েল জস্তিস অমসুং ইম্পৱার্মেন্ত মন্ত্রালয়
"মেন্তেল হেল্থ: কোবিদ-১৯গী মতুংদা য়েংশিনবা"গী মতাংদা ভর্চুয়েল্লী ওইনা পাংথোকখিবা ইন্তরনেস্নেল কনফরেন্স শ্রী থাৱরচান্দ গেহলোতনা হৌদোকখ্রে
Posted On:
08 OCT 2020 5:13PM by PIB Imphal
সোসিয়েল জস্তিস অমসুং এমপৱারমেন্তগী কেন্দ্রগী মন্ত্রী শ্রী থাৱরচান্দ গেহলোতনা ঙসি ভিদিও কনফরেন্সিংগী খুৎথাংদা মফম অসিদা ভর্চুয়েল ওইনা “ মেন্তেল হেল্থগী মতাংদা ইন্তরনেস্নেল কনফরেন্স: কোবিদ-১৯গী মতুংদা য়েংশিনবা” হায়বা থৌরম অসি পাংথোকখ্রে৷ কনফরেন্স অদুদা ওস্ত্রেলিয়া-ইন্দিয়া ইন্সতিত্যুতকী দিরেক্তর প্রোফেসর ক্রেগ জেফ্রীনা থৌরম মপু ওইখি৷
থৌরম হৌদোকপদা ৱা ঙাংলদুনা শ্রী থাৱরচান্দ গেহলোতনা মালেম শিনবা থুংনা লেপ্পা লৈতনা হেঙ্গৎলক্লিবা মেন্তেল হেল্থ অদু পুথোক্তুনা ৱা ঙাংখ্রে৷ মহাক্না ভারত সরকারগী মমাংদা পুথোকখ্রবা ইনিসিয়েতিবশিং খুদম ওইনা মধ্য প্রদেশকী সেহোরদা নেস্নেল ইন্সতিত্যুত ওফ মেন্তেল হেল্খ রিহেবিলিতেসন লিংখৎখিবা, মেন্তেল হেল্থ ইসুশিং অসি থেংন্নবগীদমক কিরন মেন্তেল হেল্থ রিহেবিলিতেসন হেল্পলাইন থমখিবা অদুগী মতাংদা মহাক্না হায়খ্রে৷
দি.ই.পি.দবল্যু.দি.গী সেক্রেতরী শ্রীমতি শাকুন্তালা দি.গেম্লিননা কনফরেন্স অদুদা ৱা ঙাংলদুনা মেন্তেল হেল্থ ইসুশিংগী থৌদোক চাং ৱাংনা হেঙ্গৎলক্লিবা অসিদা হেন্না মিৎয়েং চংবগী তঙাই ফদবা অদু মহাক্না পুথোক্তুনা পুক্নিং চিংশিনখি৷ কোবিদ-১৯ লাইনা-লাইচৎ অসিনা সাইকোলোজিকেল ৱেল বিইংদা অচৌবা শাফু অমা পীরে অমসুং মালেম শিনবা থুংনা লাইনা অসিনা পোৎলুম অমা হাপচিল্লকপা য়ানা লৈরে হায়দুনা মহাক্না ফোংদোকখি৷ দি.ই.পি.দবল্যু.দি.গী জোইন্ত সেক্রেতরী দা. প্রবোদহ সেথনা থৌরম অদু য়েংশিনখি অমসুং লৈবাক অসিদা মেন্তেল হেল্থ ফহনবদা নেস্নেল ইন্সতিত্যুত ওফ মেন্তেল হেল্খ রিহেবিলিতেসনগী থৌদাং অদুসু মহাক্না পুথোকখি৷
থৌরম অদুদা তেক্নিকেল সেসন মঙা লৈ অমসুং থৌরম অদুদা ওস্ত্রেলিয়া অমসুং ভারততগী য়াওরিবা এক্সপর্তশিংনা তোঙান তোঙানবা ইসুশিং খুদম ওইনা ফ্রন্তলাইন নন-হেল্থ ৱর্করশিংগী স্ত্রেস মেনেজমেন্ত, মল্তিকলচরেল মেন্তেল হেল্থ; মেন্তেল হেল্থ কাইহন্দনা থম্বা, সুইসাইদ অমসুং ভারততা লৈরিবা মরী লৈনবা মেদিয়া রিপোর্ত, ভারত অমসুং ওস্ত্রেলিয়াদা লৈরিবা মেন্তেল হেল্থ অমসুং হ্যুমেন রাইতস; নাম্মা শোইরবা মীওইশিংদা মেন্তেল হেল্থ শেমগৎনবা তুলশিং, চাইল্দ দিভেলপমেন্ত অমসুং ইজুকেসনগীদমক অনৌবা ইজুকেসন পোলিসী শেমগৎপা অসিগী মতাংদা পনখি৷
ওস্ত্রেলিয়াগী হাই কম্মিস্নর শ্রী বেরী ও’ফেরেলনা ওস্ত্রেলিয়াদা লৈরিবা মেন্তেল হেল্থ অসিগী ফিভম য়েংশিনখ্রে৷ মরু ওইনা মেন্তেল ইল্নেস লৈবা অনাবা মীওইশিং য়াওনা রিহেবিলিতেসন সেক্তরদা তৌরিবা রিসর্সশিং অসি য়োকখৎন্নবগীদমক সরকার অনিনা মখোয় মখোয়গী মরী লৈনবা ইন্সতিত্যুতশিং পুন্না খুৎশম্নদুনা অপুনবা ইনিসিয়েতিবশিং লৌখৎপগী তঙাই ফদবা মতম ওইরে হায়না মহাক্না ফোংদোকখি৷
থৌরম অদুদা য়াওখিবা অতোপ্পা মরু ওইবা মীশকশি্ং অদুদি মনিপুর অমসুং মিজোরামগী হান্নগী হোম সেক্রেতরী অমসুং রাজ্যপাল শ্রী ভি.কে.দুগগল, ভারত সরকারগী ইজুকেসন দিপার্তমেন্তগী শ্রীমতি অনিতা করৱাল, য়ুনিভর্সিতী ওফ মেলবোর্নগী দিপুতী ভাই চান্সেলর ইন্তর্নেস্নেল প্রোফেসর মাইকেল ৱেসলী, ওস্ত্রেলিয়াগী মেন্তেল হেল্থ ফাউন্দেসনগী চিয়রমেন শ্রী ভাসন শ্রিনিভাসন, ভারত এন.ঐচ.আর.সি.গী মমাংগী4 সেক্রেতরী জেনেরেল শ্রী জাইদীপ গোবিন্দ, ভারত সরকারগী দি.এ.আর.পি.জি.গী এদিস্নেল সেক্রেতরী শ্রী ভি. শ্রিনিভাস, য়ুনিভর্সিতী ওফ মেলবোর্নগী দা. গ্রেগ আর্মস্ত্রোং, এমসকী প্রোফেসর দা. রাজেস সাগর, আই.ঐচ.বি.এ.এস.কী দিরেক্তর দা.নিমেশ দেসাই, এন.আই.এম.ঐচ.এ.এন.এস.কী দিপার্তমেন্ত ওফ সাইক্রেত্রীগী দা.(প্রোফেসন) প্রতিমা মুর্থী, সুপ্রিম কোর্তকী এদবোকেত শ্রী এস.কে.রু্ঙ্গতা, য়ুনিভর্সিতী ওফ মেলবোর্নগী দা.কে.মেথিয়াস, দেহরাদুন এন.আই.ই.পি.ভি.দি.গী দিরেক্তর দা. হিমাঙ্গশু দাস, য়ুনিভর্সিতী ওফ মেলবোর্নগী এসোসিয়েত প্রোফেসর নাথন গ্রিল্সনা শরুক য়াখি৷
থৌরম অদু দিপার্তমেন্ত ওফ এমপৱারমেন্ত ওফ পর্সন্স ৱিথ দিসএবিলিতীসনা (দি.ই.পি.দবল্যু.দি.), ২০১৮গী নবেম্বর থাদা দিসএবিলিতী সেক্তরদা মতেং পাংন্নবগীদমক ভারত সরকার অমসুং ওস্ত্রেলিয়া সরকার অনিগী মরক্তা সহি তৌনখিবা মিমোরেন্দম ওফ আন্দরস্তেন্দিং অদুগী মখাদা জোইন্ত ইনিসিয়েতিবকী শরুক অমা ওইনা ওস্ত্রেলিয়াগী য়ুনিভরসিতী ওফ মেলবোর্নগা লোইননা এম/ও সোসিয়েল জস্তিস অমসুং এমপৱারমেন্তনা শিনবনি৷
*****
(Release ID: 1662880)
Visitor Counter : 168