সিবিল এবিয়েসন মন্ত্রালয়
মে ৬, ২০২০দগী হৌদুনা মীরমদগী ভারত মচাশিং পুরকপা অমসুং মালেমগী অতোপ্পা মফমশিংদা চৎপগী ওইনা মীওই লাখ ২০ হেনববু চত্থোক চৎশিন তৌহনখিঃ শ্রী হর্দীপ সিংহ পুরি
লৈবাক ১৬কা এয়র বব্বলগী থৌওং শিন-লাঙখি
Posted On:
08 OCT 2020 6:10PM by PIB Imphal
ভারত সরকারনা মে ৬, ২০২০দগী হৌদুনা মীরমদগী ভারত মচাশিং পুরকপা অমসুং মালেমগী অতোপ্পা মফমশিংদা চৎপগী ওইনা মীওই লাখ ২০ হেনববু তোঙান তোঙানবা থৌওংশিংগী খুত্থাংদা চত্থোক চৎশিন তৌহনখি হায়না এম.ও.এস., আই./সি., সিবিল এবিএসনগী মন্ত্রী শ্রী হর্দীপ সিংহ পুরিনা হায়খ্রে। ঙসি নই-দিল্লীদা মীদীয়াগী মীওইশিংগা ৱারী শাবদা শ্রী পুরীনা হায়খিবদা বন্দে ভারত মিসনগী মখাদা মীওই ১৭,১১,১২৮না ভারত্তা হনলকখি অমসুং মীওই ২,৯৭,৫৩৬না ভারত্তগী চৎখি হায়খি।
মালেমগী অতোপ্পা মফমশিংদা চৎপগী মতাংদা শ্রী পুরিনা হায়খিবদা ভারত সরকারনা লৈবাক ১৬ (য়ু.এস.এ., কানাদা, ফ্রান্স, জর্মনি, য়ু.কে., মালদিবস, য়ু.এ.ই., কতার, অফঘানিস্তান, বাহরেন, জপান, নাইজেরিয়া, কেনয়া, ইরাক, ভুতান অমসুং ওমান)কী মরক্তা এয়র বব্বলগী থৌওং শিন-লাঙখি হায়খি। মহাক্না মখা তানা হায়খিবদা সরকার অসিনা অসিগুম্বা মান্নবা থৌরাং শিনবগীদমক্তা ইতালি, বঙ্গলাদেশ, কজাখস্তান, য়ূক্রেন অমসুং অতোপ্পা লৈবাকশিংগা ৱারী শারি হায়খি।
শ্রী পুরিনা মখা তানা হায়খিবদা লৈবাক মনুংগী ওইনা চত্থোক চৎশিনা তৌবা অসি মে ২৫, ২০২০দগী হৌদুনা অয়াবা পীরবা কালেন্থাগী ওইনা ৩৩%গী কেপাসিতীগী ওইনা নীংথিনা য়েংশিন্দুনা হৌখি অমসুং জুন ২৬তগী ৪৫%দা হেনগৎখি অমসুং সেপ্তেম্বর ২দগী ৬০%দা অমুক হেনগৎখি হায়খি। মে ২৫, ২০২০দগী হৌদুনা দোমেস্তিক পেসেঞ্জর করোর ১.২ হেনবনা চত্থোক চৎশিন তৌনখি। ঙসি পেসেঞ্জর ১,৫৬,৫৬৫ হেনবনা ফ্লাইৎ ১৫২৫দা পায়খি।
সিবিল এবিএসন মন্ত্রালয়গী খোঙথাংশিং
লাইফলাইন উরান
লাইফলাইন উরান অসি কোবিদ-১৯গী লোকদাউন মনুংদা লৈবাক অসিগী কাচিন কোয়া খুদিং (এন.ই.আর., চিঙ অমসুং ইথৎকী মফমশিং)দা অখঙ-অহৈ অমসুং খুৎশু খুৎলায় পুথোক পুশিন তৌনবা হৌদোকখিবিনি। এয়রলাইনশিংনা ফ্লাইৎ ৫৮৮ পায়খি, কিলোমীতর লাখ ৫দগী হেনবা অশাংবা পায়খি অমসুং তঙাই ফদবা কার্গো চাউরাক্না তোন ১০০০ পুথোক পুশিন তৌখি। চত্থোক চৎশিন তৌবগী অতোপ্পা পাম্বৈশিং লোয়না লেপখিবা মতমদা এয়রলাইনশিংনা তেস্তিং কিৎস অমসুং মেদিকেলগী খুৎলায় কয়া লৈবাক্কী মনুং হঞ্জিনবা মফমশিংদা য়ৌহনখি। এ.আই.এফ., রাজ্য সরকারশিং অমসুং য়ুনিয়ন তেরিতরীশিংগী লৈঙাক্লোইশিংনা থৌওং অসিদা য়াম্না চাউনা শৌগৎখি। মখা তাবা ওইনা মীরমগী লৈবাকশিংদগী এয়র ইন্দিয়ানা মেদিকেল কার্গো তোন ১৯২৮ পুরকখি। ঐখোয়গা মরী ফনা লৈবা অতোপ্পা লৈবাকশিং (মোরিসস, সেচেলস অমসুং শ্রী-লঙ্কা)দা মেদিকেল কার্গো তোন ৩০ পীখি।
উরান- লমদমসিগী এবিএসন সেক্তরদা শাহৌ পীবা
উরান স্কিম অসি লমদমসিগী মফমশিং শেল য়াম্না চঙদনা শম্নহন্নবা হৌদোকখি। উরানগী মখাদা তাঙ্কক ৪গী বিদ্দিং তৌবগী থৌওংগী মতুংদা লম্বী ৭৬৬কী অয়াবা পীখি অমসুং মসিগী মনুংদগী লম্বী ২৮৪+দি এয়রপোর্ত ১০৫ শম্নহন্দুনা থবক তৌবা হৌরে। হান্না লৈরম্বা এয়রপোর্ত ৭৬কী মথক্তা চহি অহুমগী মনুংদা উরান এয়রপোর্ত ৫০ (হেলিপোর্ত ৫ য়াওনা) শেমগত-শাগত্তুনা থবক তৌবা হৌখ্রে। মসিগী স্কিম অসিদগী পেসেঞ্জর মিলিয়ন ৪.৮না কান্নবা ফংখ্রে। রাজ্য/য়ু.তি. ৩০না স্কিম অসিগী পার্ত্নর ওইনা এম.ও.য়ু.শিংগী খুৎয়েক পীনখ্রে অমসুং মখোয়দা কন্সেসন অমসুং ইন্সেন্তিব পীখ্রে। মখাদা পীরিবা অসি স্কিম অসিগী মরু ওইবা হীরমশিংনিঃ
- লোদ ফেক্তরগী চাংচৎকী ৭০% অসি লমদমসিগী লম্বীশিংদা লৈহনবা
- স্কিম ফ্রেমৱর্ক্কী মনুংদা শেন্মিৎলোনগী ওইবা থৌওং পাঙথোক্তুনা কোবিদ-১৯গী মনুংদা খনগৎলবা লম্বীশিংগী ওইনা ভি.জি.এফ.কী তঙাই ফদবা অসি ৬০%গী চাংদা তাথহনবা
- লমদমসিগী ওইবা অপিকপা অমসুং এম.এস.এম.ই. এয়রলাইনশিং (ত্রুজেৎ, এয়র তেক্সি)গী স্তার্ত-অপ অমসুং স্কেল-অপকী খুদোংচাবা পীবা
- অহেনবা উরান এয়রপোর্ত ১০০, হেলিপোর্ত ৪০+ (গাউচের, তেজু) অমসুং ঈশিংগী এরোদ্রোম (স্তেচু ওফ য়ুনিতী, সাবরমতি রিভর ফ্রন্ত) শম্নহনবা
- রীজনেলদগী রীমোত্তা য়ৌবা – অৱাং-নোংপোক (পাসিঘাৎ, তেজপুরগা লোয়ননা এ.সি.তি. ইস্ত) অমসুং ইথৎশিং (পোর্ত ব্লেয়র, অগাতি)
এবিএসন সেক্তরগী খোঙথাংশিং
- জনুৱারি ২০২০দা ফুএল থোরোপুৎ অসি চৎনহনখ্রে
- ওক্তোবর ২০১৮দা এবিএসন তর্বাইন ফুএল (এ.তি.এফ.)তা লৈরম্বা সেন্ত্রেল এক্সাইস দ্যুতী ১১%দা হন্থহনখিবা
- এপ্রিল ১, ২০২০দগী হৌদুনা ইনপুৎ তেক্স ক্রেদিৎ অপুনবগা লোয়ননা এম.আর.ও.দা লৈবা জি.এস.তি. অসি ১৮%দগী ৫%দা হন্থখ্রে। মসিনা এম.আর.ও.গী কার্বার অসি ভারত্তা পুক্নিং চীংশিন্দুনা এয়রলাইনস শেন্নবদা শেল য়াম্না তুংশিনহনবা ঙমহনবতা নত্তনা থবক কয়া অমসু পীগনি।
- হৌজিক ফাওবগী ওইনা এয়রস্পেসকী ৬০% খক্তং অসি অচম্বা মীয়ামগী ওইনা শিজিন্নবা য়ারম্বনি। অদুবু হৌজিক্তি অথিনবা থম্লিবা অসি কোমথোকখ্রে। এয়র স্পেসপু রেস্নেলাইজ তৌবা অসিনা এয়রলাইনশিংনা চহিদা লুপা করোর ১০০০মুক তুংশিনবা ঙম্লগনি।
- এ.তি.এফ.পু জি.এস.তি.গী মনুং চলহন্নবা হৌদোকপা অসি রাজ্যশিংগী মীহুৎশিংসু য়াওবা জি.এস.তি. কাউন্সিলগী মফমদনি।
***
(Release ID: 1662836)
Visitor Counter : 170