আয়ুশ
ওল ইন্দিয়া ইন্সতিত্যুৎ ওব আয়ুর্বেদনা এমিতী য়ুনিবর্সিতীগা আয়ুর্বেদ রিসর্চকীদমক য়ানচেদা খুৎয়েক পীনখ্রে
Posted On:
08 OCT 2020 12:08PM by PIB Imphal
আয়ুশ মন্ত্রালয়না হকশেলদা আয়ুশকী পথাপ পাক চাউহন্নবা অমসুং শেমগৎনবগীদমক মপাং শেম্বগী থৌরাং মখা চত্থরকপা ওইনা ওল ইন্দিয়া ইন্সতিত্যুৎ ওব আয়ুর্বেদ (এ.আই.আই.এ.), নৈ দিল্লীনা মন্ত্রালয় অসিগী মখাদা মেমোরেন্দম ওব অন্দর্স্তেন্দিং অমা এমিতী য়ুনিবর্সিতীগা লোইননা ওক্তোবর ৭, ২০২০দা খুৎয়েক পীনখ্রে। য়ানচে অদুনা আয়ুর্বেদিক সাইন্সেস্তা রিসর্চ হেনগৎহন্নবা মীৎয়েং থম্লি।
এ.আই.আই.এ.না খুৎয়েক পীনরিবা য়ানচে অসি এমিতী য়ুনিবর্সিতীনা ভারতকী হিদাক লাংথক্কী পথাপ অসিগী মরুওইবশিং খুমাং চাওশিল্লক্লিবসিবু শকখঙবা ওইনা ২০১৮তা হাংদোকখিবা এমিতী ইন্সতিত্যুৎ ওব ইন্দিয়ন সিস্তেম ওব মেদিসিনগনি। এম.ও.য়ু. অসিনা আয়ুর্বেদিক্কী হিদাকশিংগী মগুন অমসুং থাক লেপ্পা অমসুং নেচরেল প্রদক্ত কেমিস্ত্রী অমসুং ফার্মাসীদা পি.ঐচ.দি. প্রোগ্রামদা মপাং ওইননবা মীৎয়েং থম্লি। ফার্মাস্যুতিক্স, ফার্মাকোদাইনামিক অমসুং ফার্মাকোকাইনেতিক্স নৈনববু মপাং শেম্বা য়াবা লম অমনি হায়না শকখঙনরক্লি। য়ানচে অসিনা অপুনবা ওইনা প্রোজেক্ত অমসুং পাব্লিকেসন পায়খৎপগী লম্বী য়াৎলগনি।
মপাং ওইনরিবা অসিনা আয়ুর্বেদতদা নত্তনা মালেম শিনবা থুংনা আয়ুর্বেদগী সাইন্সকা মরী লৈনবা লৌশিং কয়া চাউখৎনবা হোৎনবা অমসুং শন্দোক্নবা হোৎনবদা মশক থোকপা রিসর্চ খরগী ফল লাক্কনি হায়না পানরি। মসিনা মহৌশাগী লৌশিংবু মোদর্ন সাইন্সকা পুনশিনগনি অমসুং আয়ুর্বেদগী রিসর্চতা অনৌবা মাইওন অমা পুরক্লগনি।
হৌজিক লৈরিবা লাইচৎ অসিগী মনুংদা হিদাক লাংথক্তা ভারতকী পথাপ অসি মালেম শিনবা থুংনা খঙহন্নবা অমসুং চাউখৎ হন্নবা হোৎনবদা আয়ুশ মন্ত্রালয়না অচৌবা থৌদাং য়ারি। আয়ুর্বেদনা সাইন্তিফিক স্তদিজ কয়াগী থোংদা চাউখৎপা য়াবা প্রোফাইলেক্তিক সোলুসনশিং পীদুনা শক্তাকচখ্রে। মন্ত্রালয় অসিনা মীয়ামদা ফংহল্লিবা আয়ুশ হেল্থ সোলুসন কয়া অসিগী চাং অমসুং স্কোপ হেনগৎনবা হোৎনবদা ৱাখল মান্নবা স্তেকহোল্দিং ইন্সতিত্যুৎশিংগা মপাং শেম্বগী তঙাইফদবা লৈ হায়বসি য়াখ্রে। মন্ত্রালয় অসিনা পব্লিক প্রাইবেৎ পার্ত্নর্শিপ (পি.পি.পি.)বু আয়ুশ সেক্তরদা রিসোর্স পুশিল্লকপা হেনগৎনবগী লাল্লোং অমনি হায়না পুক্নিং থৌগৎলি। হৌজিক খুৎয়েক পীনরিবা য়ানচে অসিনা মসিগী লম্বী অসিগী পন্থুং ওইরগনি।
ইন্সতিত্যুসন অনিসিনা অপুনবা ওইনা লৌশিং হেনগৎনবা অমসুং থৌওং কয়া শেম্নবা হোৎনগনি অমসুং হায়রিবসি নেসনেল হেল্থ কেয়র সিস্তেমদা কান্নবা ফংহনগনি অমসুং মসিগী মতুং তারকপদা মীয়াম পুম্বদা কান্নবা ফংগদবা হেল্থ সোলুসন অমা ওইরগনি।
*******
(Release ID: 1662656)
Visitor Counter : 122