ਭਾਰਤੀ ਰੇਲਵੇ ਨੇ ਅੱਜ ਪੈਸੈਂਜਰ ਟ੍ਰੇਨ ਅਪਰੇਸ਼ਨ ਪ੍ਰੋਜੈਕਟ ਵਿੱਚ ਪੀਪੀਪੀ ਲਈ ਆਰਐੱਫ਼ਕਿਊ ਦੇ ਜਵਾਬ ਵਿੱਚ ਵੱਖ-ਵੱਖ ਸੰਸਥਾਵਾਂ ਦੁਆਰਾ ਜਮ੍ਹਾਂ ਕੀਤੀਆਂ ਅਰਜ਼ੀਆਂ ਅੱਜ ਖੋਲ੍ਹੀਆਂ ਹਨ।

ਰੇਲਵੇ ਮੰਤਰਾਲੇ ਨੂੰ ਸ਼ਾਨਦਾਰ ਹੁੰਗਾਰਾ ਮਿਲਿਆ ਹੈ। 15 ਬਿਨੈਕਾਰ ਫ਼ਰਮਾਂ ਤੋਂ, 12 ਕਲਸਟਰਾਂ ਲਈ, ਕੁੱਲ 120 ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ।

ਇਹ ਨੋਟ ਕੀਤਾ ਜਾ ਸਕਦਾ ਹੈ ਕਿ ਰੇਲਵੇ ਮੰਤਰਾਲੇ ਨੇ 12 ਕਲਸਟਰਾਂ ’ਤੇ ਯਾਤਰੀ ਰੇਲ ਸੇਵਾਵਾਂ ਦੇ ਸੰਚਾਲਨ ਵਿੱਚ ਨਿਜੀ ਭਾਗੀਦਾਰੀ ਲਈ ਰਿਕੂਏਸਟ ਫ਼ਾਰ ਕੁਆਲੀਫ਼ੀਕੇਸ਼ਨ ਮੰਗੀ ਸੀ। ਜਿਸ ਵਿੱਚ ਨੈੱਟਵਰਕ ’ਤੇ ਸੰਚਾਲਤ ਉੱਚ ਪੱਧਰੀ ਟ੍ਰੇਨਾਂ ਨੂੰ ਵਧਾਉਣ ਲਈ 151 ਆਧੁਨਿਕ ਟ੍ਰੇਨਾਂ ਦੀ ਸ਼ੁਰੂਆਤ ਰਾਹੀਂ 140 ਓਰੀਜਿਨ ਡੈਸਟੀਨੇਸ਼ਨ ਰੂਟਾਂ ਲਈ ਅਰਜ਼ੀਆਂ ਮੰਗੀਆਂ ਸਨ।

ਇੰਡੀਅਨ ਰੇਲਵੇ ਨੈੱਟਵਰਕ ਉੱਤੇ ਯਾਤਰੀ ਰੇਲ ਗੱਡੀਆਂ ਚਲਾਉਣ ਲਈ ਨਿਜੀ ਨਿਵੇਸ਼ ਨੂੰ ਆਕਰਸ਼ਿਤ ਕਰਨ ਦੀ ਇਹ ਪਹਿਲੀ ਵੱਡੀ ਪਹਿਲ ਹੈ। ਇਸ ਪ੍ਰੋਜੈਕਟ ਵਿੱਚ ਨਿਜੀ ਖੇਤਰ ਦੇ ਲਗਭਗ 30,000 ਕਰੋੜ ਰੁਪਏ ਦੇ ਨਿਵੇਸ਼ ਦੀ ਉਮੀਦ ਹੈ।

ਪ੍ਰੋਜੈਕਟ ਨੂੰ ਅੱਗੇ ਵਧਾਉਣ ਲਈ ਨਿਜੀ ਇਕਾਈਆਂ ਦੀ ਚੋਣ ਪਾਰਦਰਸ਼ੀ ਦੋ-ਪੜਾਅ ਦੀ ਪ੍ਰਤੀਯੋਗੀ ਬੋਲੀ ਪ੍ਰਕਿਰਿਆ ਦੁਆਰਾ ਕੀਤੀ ਜਾਏਗੀ ਜਿਸ ਵਿੱਚ ਯੋਗਤਾ ਲਈ ਬੇਨਤੀ (ਆਰਐੱਫ਼ਕਿਊ) ਅਤੇ ਪ੍ਰਸਤਾਵ ਲਈ ਬੇਨਤੀ (ਆਰਐੱਫ਼ਪੀ) ਸ਼ਾਮਲ ਹੋਣਗੇ।

12 ਕਲਸਟਰਾਂ ਲਈ ਆਰਐੱਫ਼ਕਿਊ 1 ਜੁਲਾਈ 2020 ਨੂੰ ਪ੍ਰਕਾਸ਼ਤ ਹੋਈ ਸੀ।

ਰੇਲਵੇ ਮੰਤਰਾਲਾ ਦਰਖਾਸਤਾਂ ਦਾ ਮੁਲਾਂਕਣ ਜਲਦੀ ਪੂਰਾ ਕਰੇਗਾ ਅਤੇ ਯੋਗ ਬਿਨੈਕਾਰਾਂ ਨੂੰ ਆਰਐੱਫ਼ਕਿਊ ਦੇ ਦਸਤਾਵੇਜ਼ ਨਵੰਬਰ 2020 ਤੱਕ ਉਪਲਬਧ ਕਰਵਾਏ ਜਾਣਗੇ। ਰੇਲਵੇ ਮੰਤਰਾਲੇ ਨੇ ਫ਼ਰਵਰੀ, 2021 ਤੱਕ ਸਾਰੇ ਕਲਸਟਰਾਂ ਨੂੰ ਸ਼ੁਰੂ ਕਰਨ ਦਾ ਟੀਚਾ ਰੱਖਿਆ ਹੈ।

ਕਲਸਟਰਾਂ ਦੇ ਅਨੁਸਾਰ ਭਾਗੀਦਾਰਾਂ ਦਾ ਵੇਰਵਾ

ਭਾਗੀਦਾਰਾਂ ਦਾ ਵੇਰਵਾ

*****

ਡੀਜੇਐੱਨ / ਐੱਮਕੇਵੀ