ইন্দিয়াগী খনগৎলবা নুপাগী অমসুং নুপীগী বোক্সরশিং ইতলি অমসুং ফ্রান্সতা নুমিৎ ৫২নিগী ওইবা ওক্তোবরদগী দিসেম্বর ফাওবা মখোয়গী মপালদা ত্রেনিং অমসুং মালেমগী ওইবা কম্পিতিসনগীদমক শরুক য়ানবা চৎকদৌরি। মপাল লমদা চৎকদৌরিবা ত্রেনিং অসিদা সরকারনা চাওরাক্না লুপা করোর ১.৩১ চংগনি হায়না পারি।

মীওই ২৮না শাবা কাংবু অসিদা বোক্সর নুপা ১০ অমসুং বোক্সর নুপী ৬ কা লোয়ননা স্তাফশিংসু য়াওরি। বোক্সর মনুংদা শরুক য়াগদবদা য়াওরিবা অসি আমিৎ পাংহাল, আশিশ কুমার, সাতিশ কুমার, সিম্রানজিৎ কোর, লোবলিনা বোরগোহেন অমসুং পুজা রানি মখোয় অসি তোকিয়ো ওলেমপিক্সকী ক্বাতা ফংলবনি।  ইভেন্ত মরি অসিগী (নুপা কেঃজিঃ ৫৭, নুপা কেঃজিঃ ৮১, নুপা কেঃজিঃ ৯১, নুপী কেঃজিঃ ৫৭) হায়রিবা অসি ইন্দিয়ানা ক্বাতা ফংখিবা অসিনা বোক্সরগী শরুক ওইগনি। মখোয় অসি কোচ ৮ অমসুং নুপাগী তীমদা মতেং পাংনবা স্তাফ অমসুং কোচ ৪অমসুং নুপীগী তীমদা মতেং পাংনবা স্তাফ লৈরি।

লোবলিনা বোরগোহেন, নুপীগী কেঃজিঃ৬৯গী বোক্সর অসিনা কম্পিতিসন অসিদা শরুক য়ানবা য়েংলি, “মসি য়াম্না ফবা অমনি মদুদি ঐখোয়না কম্পিতিসন অমুক লৈরগনি। ঐহাক্না মসিদা য়াম্না হরাওই। ওলেম্পিক্স য়ৌগদবা থা ১০ ৱাৎলিঙৈ অসিদা য়ুরোপিয়ানশিংগা থেংনবা অসি য়াম্না কান্নবা ওইগনি”।

বোক্সর নুপা অমসুং বোক্সর নুপীগী অসিগী ত্রেনিং অসি আশিসি, ইতলিদা নুমিৎ ৫২নিগী ওইনা ওক্তোবরগী ১৫দগী দিসেম্বরগী ৫ ফাওবা চৎথগনি। চাদিং অসিদা লৈবগী, প্লেনগা ভরা, ভিজা ফী য়াওরি। শান্নরোই ২৮ অমসুং স্তাফশিংগী কোবিদ তেস্ত তৌবগী চাদিং অসিসু য়াওরি।

কন্তিজেন্ত অসিগী বোক্সর ১৩ অমদি ওক্তোবর ২৮দগীনা ওক্তোবর ৩০ ফাওবদা ফ্রান্সতা পাংথোক্কদৌরিবা ইন্তর্নেসনেল বোক্সিং তুর্নামেন্তদা শরুক য়াগনি।

নুপাগী কেঃজিঃ ৭৫গী বোক্সর অশিশ কুমারনা হায় মদুদি মখোয়না ওলেমপিক্সতা মখোয়গী লম্বাগা থেংন্নবা অদুম্না শেম শাদুনা লাক্কদৌবনি, “ঐখোয়না মীরমগী মীওইশিংগা থেংনবা হায়বা অসি য়াম্না কান্নগনি। ঐখোয়না হাননা পাইতৈলাদা কেম্প তৌদুনা লৈরুরে অমসুং ঐখোয়দা মতিক চানা হকচাং ফনা লৈরি, অমদি মপাল চৎপা অসিনা ঐখোয়দা য়াম্না কান্নপনি। ঐখোয়না অনৌবা লম্বা অমা থেংনবদা ঐখোয়না অনৌবা ৱাখলগী থাক অমা ফংগনি। মসিদা ঐখোয়না কদাইদা লৈরি অমদি কয়া য়াম্না হোৎনবা মথৌ তাই হায়বা অদু খংগনি”।

বোক্সর মাপল, ইন্দিয়াগী ওইনা খ্বাইদগী সিঙ্গলগী ওইনা মকোক থোংনা লাকপা অসিনা তোকিয়ো গেমস্তা ক্বাতা ফংলি। মালেমগী ওলেমপিক্স অসিগী য়াওগদৌবা অসি মথং চহিদা শিনগনি।

ইন্দিয়াগী নুপাগী বোক্সিং তীমগী চীফ কোচ সি.এ. কুতাপ্পানা হরাওবা ফোংদোক্লি মদুদি লায়না লায়চৎ অসিগী মরক্তা বোক্সরশিংনা খুদোংচাবা অমা ফংদুনা খোঙচৎ অমা মালেমগী ওইবা লেপ্পা অসিদা, “মমাং চহিদা অসিগী মতমদা ঐখোয়না হকচাং ফবগী মকোক তাখি, মালেমগী চেম্পিয়োন্দা শরুক য়াখি। সরকার অসিবু মসি পীবগীদমক থাগৎচরি। বোক্সরসিং অসি য়াম্না হরাওখি, মখোয়না করিগুম্বা খর অওনবা পুরকপা পামখি, অমসুং মখোয়না কম্পিতিসন অমসুং ত্রেনিং পামখি। মখোয়না য়ুরোপিয়নশিংগী বোক্সরশিংগা থেংনবা পামখি। মসিগী খোঙচৎ অসিনা য়ুরোপকা করম্না থেংনগনি হায়বা অদু খংলগনি”।

*******