ਕੇਂਦਰੀ ਗ੍ਰਹਿ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਪ੍ਰਧਾਨ ਮੰਤਰੀ ਸ਼ੀ੍ ਨਰੇਂਦਰ ਮੋਦੀ ਦੇ ਜਨ ਪ੍ਰਤੀਨਿੱਧ ਦੇ ਤੌਰ ਤੇ 20ਵਾਂ ਸਾਲ ਸ਼ੁਰੂ ਹੋਣ ਤੇ ਹਾਰਦਿਕ ਵਧਾਈ ਦਿੱਤੀ ਹੈ । ਕੇਂਦਰੀ ਗ੍ਰਿਹ ਮੰਤਰੀ ਨੇ ਟਵੀਟ ਕਰਕੇ ਕਿਹਾ ਹੈ ਕਿ 07 ਅਕਤੂਬਰ ਦੇਸ਼ ਦੇ ਇਤਿਹਾਸ ਵਿੱਚ ਇੱਕ ਬਹੁਤ ਮਹੱਤਵਪੂਰਨ ਦਿਨ ਹੈ । 2001 ਵਿੱਚ ਅੱਜ ਦੇ ਦਿਨ ਸ਼੍ਰੀ ਨਰੇਂਦਰ ਮੋਦੀ ਜੀ ਨੇ ਗੁਜਰਾਤ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ ਸੀ ਅਤੇ ਉਸ ਦਿਨ ਤੋਂ ਸ਼ੁਰੂ ਹੋਇਆ ਬਿਨਾਂ ਰੂਕੇ , ਬਿਨਾਂ ਅਰਾਮ ਕੀਤੇ ਹਰੇਕ ਦਿਨ ਦੇਸ਼ ਹਿੱਤ ਅਤੇ ਲੋਕ ਸੇਵਾ ਨੂੰ ਸਮਰਪਿਤ ਇੱਕ ਅਜਿਹਾ ਸਫਰ ਜਿਸ ਨੇ ਰੋਜ਼ ਨਵੇਂ ਮੀਲ ਪੱਥਰ ਸਥਾਪਿਤ ਕੀਤੇ ਹਨ ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਸ਼੍ਰੀ ਨਰੇਂਦਰ ਮੋਦੀ ਜੀ ਦੇ ਵਿਚਾਰਾਂ , ਦੂਰ ਦ੍ਰਿਸ਼ਟੀ ਤੇ ਕ੍ਰਿਸ਼ਮਾਈ ਸ਼ਖਸੀਅਤ ਤੋਂ ਪ੍ਰੇਰਨਾ ਲੈ ਕੇ ਹਰ ਭਾਰਤ ਵਾਸੀ ਅੱਜ ਭਾਰਤ ਨੂੰ ਫਿਰ ਤੋਂ ਵਿਸ਼ਵ ਗੁਰੂ ਦੇ ਰੂਪ ਵਿੱਚ ਸਥਾਪਿਤ ਕਰਨ ਲਈ ਯਤਨਸ਼ੀਲ ਹੈ । ਉਹਨਾਂ ਦੀ ਵਿਲੱਖਣ ਅਗਵਾਈ ਤੇ ਮਾਰਗ ਦਰਸ਼ਨ ਅਨੁਸਾਰ ਦੇਸ਼ ਕਲਿਆਣ ਲਈ ਕੰਮ ਕਰਨਾ ਮੇਰੇ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ ।

ਕੇਂਦਰੀ ਗ੍ਰਿਹ ਮੰਤਰੀ ਨੇ ਕਿਹਾ ਕਿ ਅਗਰ ਕੋਈ ਅਸਲ ਮਾਨਿਆ ਵਿੱਚ 130 ਕਰੋੜ ਭਾਰਤੀ ਨਾਗਰਿਕਾਂ ਦੀਆਂ ਇੱਛਾਵਾਂ , ਉਮੀਦਾਂ ਤੇ ਆਸਾਂ ਨੂੰ ਸਮਝ ਸਕਦਾ ਹੈ ਤਾਂ ਉਹ ਨਰੇਂਦਰ ਮੋਦੀ ਜੀ ਹਨ । ਆਪਣੀ ਦੂਰਦਰਸ਼ੀ ਸੋਚ ਨਾਲ ਉਹ ਇੱਕ ਅਜਿਹੇ ਭਾਰਤ ਦਾ ਨਿਰਮਾਣ ਕਰ ਰਹੇ ਹਨ ਜੋ ਸ਼ਕਤੀਸ਼ਾਲੀ , ਆਧੁਨਿਕ ਤੇ ਆਤਮਨਿਰਭਰ ਹੋਵੇ ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਗੁਜਰਾਤ ਦੇ ਮੁੱਖ ਮੰਤਰੀ ਦੇ ਤੌਰ ਤੇ ਸ਼੍ਰੀ ਨਰੇਂਦਰ ਮੋਦੀ ਜੀ ਸੂਬੇ ਦੇ ਵਿਕਾਸ ਵਿੱਚ ਕ੍ਰਾਂਤੀ ਲਿਆਏ ਅਤੇ ਹੁਣ ਪ੍ਰਧਾਨ ਮੰਤਰੀ ਦੇ ਤੌਰ ਤੇ ਵੱਖ ਵੱਖ ਇਤਿਹਾਸਕ ਯੋਜਨਾਵਾਂ ਅਤੇ ਪ੍ਰਾਜੈਕਟਾਂ ਨਾਲ ਕਰੋੜਾਂ ਗਰੀਬਾਂ , ਕਿਸਾਨਾਂ , ਮਹਿਲਾਵਾਂ ਤੇ ਸਮਾਜ ਦੇ ਵਿਹੋਣੇ ਵਰਗਾਂ ਨੂੰ ਸ਼ਕਤੀਸ਼ਾਲੀ ਕਰਕੇ ਉਹਨਾਂ ਦੇ ਜੀਵਨ ਵਿੱਚ ਇੱਕ ਸਾਕਰਾਤਮਕ ਬਦਲਾਅ ਲਿਆ ਰਹੇ ਹਨ ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਚਾਹੇ ਭੁੱਜ ਨੂੰ ਭਿਆਨਕ ਭੂਚਾਲ ਤੋਂ ਬਾਹਰ ਕੱਢ ਕੇ ਵਿਕਾਸ ਦੇ ਰਸਤੇ ਤੇ ਯਤਨਸ਼ੀਲ ਕਰਨਾ ਹੋਵੇ ਜਾਂ ਗੁਜਰਾਤ ਨੂੰ ਸ਼ਾਂਤੀ ਤੇ ਸਹਿਰਦਤਾ ਪ੍ਰਤੀਕ ਬਣਾਉਣਾ ਹੋਵੇ ਜਾਂ ਆਪਣੀ ਮੇਹਨਤ ਤੇ ਦੂਰਦਰਸ਼ੀ ਸੋਚ ਨਾਲ ਦੇਸ਼ ਨੂੰ ਵਿਕਾਸ ਅਤੇ ਪ੍ਰਗਤੀ ਦਾ ਇੱਕ ਗੁਜਰਾਤ ਮਾਡਲ ਦੇਣਾ ਹੋਵੇ , ਇਹ ਸਿਰਫ ਤੇ ਸਿਰਫ ਮੋਦੀ ਜੀ ਦੀ ਵਚਨਬੱਧਤਾ ਦਾ ਹੀ ਨਤੀਜਾ ਹੈ ।

ਐੱਨ ਡਬਲਯੂ ਯੂ / ਏ ਡੀ / ਡੀ ਡੀ ਡੀ