লাইচৎ অসিনা মরম ওইদুনা ইমুংগী শেন তাল্লিবা অমতা ঙাইরবা মীওই অমা ওইরিবা মখোয়গী মপা থবক ফংদবদগী হিংনবগীদমক মনা-মশিং য়োল্লিবা ইমুং অসিগী শেন-থুমগী অৱাবদা মতেং পাংবা ওইনা উত্তর প্রদেসকী বোক্সর সুনিল চৌহান অমসুং মহাক্কী মনাওনুপা অর্চর নিরাজ চৌহানদা স্পোর্তস মিনিস্তর কিরেন রিজিজুনা শেনগী মতেং পাংখ্রে।

ইমুং অদুগী শেন-থুমগী অৱাবা ফিবম অদু খঙবদগী, পন্দিৎ দীনদয়াল উপধ্যায় নেসনেল ৱেলফিয়ার ফন্দ ফোর স্পোর্তসপর্সন্সকী মখাদা শান্নরোই অমমমদা লুপা লাখ ৫গী এক্স-গ্রেসিয়াগী শেনগী মতেং পাংনবা য়ুথ এফেয়ার্স অমসুং স্পোর্তসকী য়ুনিয়ন মিনিস্তর কিরেন রিজিজুনা কাইথোক্লে।

তেন কাপ্পা নিরাজ চৌহান সেনিয়র অর্চরি চেম্পিয়নসিপ ২০১৮দা মিতর ৫০দা সিলভর মেদল ফংখি অমসুং ৬৫সুবা নেসনেল স্কুল গেমস ২০২০দা মেদল অমা ফংখি, মহাক্কী ময়াম্বা সুনিল চৌহান বোক্সর অমনি অমসুং খেলো ইন্দিয়া য়ুনিভর্সিতি গেমস,২০২০দা সনাগী মেদল অমা ফংখি।

শেনগী মতেং অসিগী মতাংদা পাউ তাবা হরাওরবা বোক্সর সুনিল চৌহান্না হায়খি মসিগী শেনগী মতেং অসিনা ঐ অমসুং ঐগী ইমুং-মনুংদা মতম শাংনা অৱাবা কোক্লগনি অমসুং ঐখোয়গী দরকার ওইবা মতমদা ঐখোয়দা মতেং পাংবগীদমক ঐখোয়না তশেংনবা মিনিস্তর থাগৎলি।

শেন-থুমগী মতেং দরকার ওইবা শান্নরোই অমনা হেক্তা মতেং লৌনবা স্পোর্তস মিনিস্ত্রিগী ৱেবসাইত নৎত্রগা myasoffice[at]gmail[dot]com দা অইবা চেরোল পীশিল্লকপা য়াগনি।

*****