প্রধান মন্ত্রী শ্রী নরেন্দ্র মোদীনা ঙরাং অথেংবদা রেজ ২০২০ হৌদোকখ্রে – ‘রেস্পোনসিবল এ.আই. ফোর সোসিএল ইম্পৱরমেন্ত ২০২০,’ হায়রিবা অসিদা ইলেক্ত্রোনিক্স অমসুং আই.তি., কম্ম্যুনিকেসন অমসুং লো অমসুং জস্তিসগী মিনিস্তর শ্রী রাবি শঙ্কর প্রসাদ, য়ু.এস. প্রসিদেন্তস ইনফোর্মেসন তেক্নোলোজি এদভাইজরি কম্মিতিগী হান্নগী কো-চেয়র, পাদ্মা ভুসন  এৱার্দি, তুরিং এৱার্দি প্রোফেসর রাজ রেদ্দী, রিলাইএন্স ইন্দস্ত্রী লিমিতেৎকী চেয়রমেন শ্রী মুকেশ অম্বানি,  আই.বি.এম. ইন্দিয়াগী সি.ই.ও. দাঃ আর্বিন কৃষ্ণ, এন.আই.তি.আই.আয়োগগী সি.ই.ও. শ্রী অমিতাব কান্ত অমসুং ইলেক্ত্রোনিক্স অমসুং আই.তি. মিনিস্ত্রীগী সেক্ত্রেতরি শ্রী অজয় প্রকাশ সাওহনিনা শরুক য়াখি। সম্মিত অসি সেসন ৪৫ থোক্না ওক্তোবরগী ৫দগী ৯ ফাওবা পাংথোক্কনি, হায়রিবা অসিদা একাদামিয়া, ইন্দস্ত্রী অমসুং সরকারগী ৱাঙাংলোই ৩০০ রোম্না শরুক য়াগনি। 

থৌরম অসিদা ৱা ঙাংলদুনা প্রধান মন্ত্রীনা হায়খি মদুদি পুৱারীগী খোঙথাং খুদিংদা, ইন্দিয়ানা মালেমগী ওইনা ৱাখল লৌশিং অমসুং তম্বদা মাংজিল থাদুনা লাক্লি। ঙসিগী আই.তি.গী মতম অসিদা ইন্দিয়ানা য়াম্না চাওনা মতেং পাংলি। মহাক্না ইন্দিয়াদা মালেমগী এ.আই. হব থম্নবা পল্লি।

“ইন্দিয়ানা গ্লোবেল আই.তি. সর্ভিস ইন্দস্ত্রীগী পাৱরহাউস অমনি হায়বা উৎকনি। ঐখোয়না দিজিতেলদা মকোক থংগনি অমসুং মালেম পুম্বদা খংহনগনি। ঐখোয়না ইন্দিয়া অসি মালেমগী ওইবা এ.আই. হব অমা ওইবা পাম্মী। ইন্দিয়ন কয়া অমা মসিদা হান্ননা থবক শুদুনা লৈরবনি। ঐহাক্না আশা তৌই মদুদি কয়া অমসু মসিদা তৌরকখিগনি। ঐখোয়না চংশিল্লিবা অসি তীমৱার্ক, থাজনবা, খুৎশম্নবা, মশানা দায়তা লৌবা অমসুং মশা য়াওবা অসিনি” শ্রী মোদীনা হায়খি।

“এ.আই.দা ইন্দিয়াস নেস্নেল প্রোগ্রাম অসি সমাজ অসিগী অৱাবা কয়া অসি কোকহনবা অসিনি” প্রধান মন্ত্রীনা মখা তানা হায়খি। শ্রী মোদীনা হায়খি মদুদি মীওইবা হায়বা অসি খোঙকাপ খর চংশিন্দুনা এ.আই.দা চংগদবনি। “ঐখোয়না এ.আই. নৈনবদা ঐখোয়না মীওইবগী ৱাখলনা ঙমদবা লৈতে অমসুং মীওইবগী ইথিল অসিনা খ্বাইদগী কনবা ওইগনি। মসিনা তোপ তোপ্পা অমা ওইদুনা মেচিনদগী হেন্না খুদোংচাবা লৈরিবনি। খ্বাইদগী শিংলবা এ.আই. অমনা ঐখোয়গী অয়াবা য়াওদনা থবক অমত্তা তৌবা ঙম্লোই” শ্রী মোদীনা হায়খি।

শ্রী রাবি শঙ্কর প্রসাদনা ভারত সরকারনা লৈবাক অসিদা পায়খৎলিবা এ.আই. অঙম্বা অসি পুথোক্তুনা হায়খি। মহাক্না হায় মদুদি সরকার অসিনা এ.আই. সেন্তর কয়া অমা লিংখৎলে অমসুং হায়রিবা সেন্তর অসিগুম্বা কয়া অমা নহাশিংগীদমক লিংখৎলগনি। “তেক্নোলোজিনা ঐখোয়বু মতম অমদা হেনগৎতুনা চৎলি অদুবু ঐখোয়না এ.আই.বু চাওখৎপা অমা পুরক্নবা হোৎনবদা হরাও তয়াম্না ওক্লি। ইন্দিয়াদা লৈরিবা মীশীং অসিনা লৈবাক অসিগী এ.আই.ইকোসিস্তেম মাংলোম চংবদা হৈ-শিংলবা প্রোফেসনেলশিংনা অচৌবা শক্লোন লৌগনি” হায়না শ্রী প্রসাদনা হায়খি।   

মিস্তর মুকেশ অম্বীনিনা মহাক্না ৱা ঙাংবদা হায় মদুদি ইন্দিয়া অসি ইন্দিয়ন বিলিয়ন কয়ানা দেতা খোমগৎপগী শক্তি লৈ মসিনা মালেমগী মকোক থংবা এ.আই.গী শান্নরোই ওইরকপা য়ারি। “ইন্দিয়ন ১.৩না দিজিতেলগী শক্তি পাইরক্লবা মতমদা, মখোয়না দিজিতেল ইন্তরপ্রাইসেসগী অচৌবা অমা মশিং অমা ওইদুনা য়াম্না থুনা চাওখৎপা পুরক্কনি অমদি হেন্না ফবা পুন্সি মহিং অমসুং খুদোংচাবা ময়াম অমা ফংলগনি” মিস্তর অম্বীনিনা হায়খি। 

থিজিন্দুনা য়েংবা অমগী মখাদা, এ.আই.না ইন্দিয়াদা চহিগী ওইনা চাওখৎলকপগী চাং অসি ১.৩% নি অমসুং ২০৩৫ ফাওবদদি য়ু.এস.দি. বিলিয়ন ৯৫৭ লৈবাক্কী ইকোনোমিদা হাপচিল্লগনি।

“মালেমগী থাক অমদা, এ.আই.না ২০৩০ ফাওবদা য়ু.এস.দি. ত্রীলিয়ন ১৫.৭ পোত্থোক লৈগনি অমসুং মসিনা শেন্মীৎলোন ফগৎহনবা নত্তনা মালেম অসিদা মীওই মিলিয়ন কয়াগী পুন্সি মহিং ফগৎহলগনি” দাঃ আর্বিন কৃষ্ণনা হায়খি।

প্রোফেসর রাজ রেদ্দী হায়খি মদুদি এ.আই.না লোনগী অৱাবা কোকহনবাদা মতেং পাংগনি অমসুং লায়চৎ অসি লাকশিনলগনি।

 “ঙসি, ঐখোয়না চহি ৫০গী মমাংদা তৌবা ঙমদবা ওইথোক্লরোইদবা থবক অদু ঙসিদি তৌবা ঙম্লে। এ.আই. শিজিন্নদুনা কনাগুম্বা অমনা লোন অমা হেক্তা শিজিন্নদুনা মশা মথন্তা কার থৌবা অমদি গ্রান্দমাস্তর ফাওবগী থাক্তা চেস শান্নবা ফাওবা লোল হন্দোক্তুনা খংহল্লি।

থৌরম হৌদোকপা অসি মখা চৎথরকপা ওইনা আর্তিফিসিএল ইন্তিলিজেন্স শিজিন্নদুনা মালেম অসি ওন্থোক্লি। সেসন অসি প্রোফেসর রেদ্দী, মিস্তর কান্ত অমসুং মিস্তর সাউহনিনা ৱা ঙাংখি। সেসন অসি এন.ই.জি.দি.গী প্রসিদেন্ত অমসুং সি.ই.ও. মিস্তর অবিশেক সিংহ অমসুং মাইগোবকী সি.ই.ও.না য়েংশিনখি।

লৈবাক ১৪০দগী মীয়াম ৬১,০০০ হেনবনা ওক্তোবরগী ৫দগীনা ৯ ফাওবা চৎথগদৌরিবা মেগা দিজিতেল সম্মিত রেজ ২০২০ অসিদা শরুক য়াননবা রেজিস্তর তৌখি।
লৌউ শিংউবদগী ফিন-তেক অমসুং হকশেলগী চেকশিন থৌরাংদগী পোৎ চৈ ফাওবা ইন্দিয়ানা আর্তিফিসিএল ইন্তিলিজেন্স শিজিন্নবা উরি। রেজ ২০২০ সম্মিত (http://raise2020.indiaai.gov.in/) না খন্ন নৈনবগী মফম অমা লৈরি।

রেজ ২০২০গী মরমদা:

রেজ ২০২০ অসি মসিগী মওংদা মসিনা অহানবনি, আর্তিফিসিএল ইন্তিলিজেন্স না মালেমগী ৱাখল মান্নবশিং পুন্সিল্লি অমসুং সমাজ অমা ওল্লকপদা আর্তিফিসিএল ইন্তিলিজেন্সনা শিজিন্নরি। ভারত সরকার অমসুং লোয়ননা ইলেক্ত্রোনিক্স অমসুং ইনফোর্মেসন তেক্নোলোজি অমসুং এন.আই.তি.আই. আয়োগকা পুন্না শিনবা অসিনা মালেমগী ইন্দস্ত্রীগী মকোক থোংবা কয়া অমা পুনবা ফংলি।

ৱেবসাইত: http://raise2020.indiaai.gov.in/

*****