হকশেল অমসুং য়াইফ য়ুম্বালগী কেন্দ্রগী মন্ত্রী দা.হর্শ বর্ধননা একজিক্যুতিব বোর্দকী ব্যুরোগী মঙাশুবা অখন্নবা সেসন অদুদা ভর্চুয়েল্লী ওইনা ৱল্দ হেল্থ ওর্গনাইজেসন(দবল্যু.ঐচ.ও.)গী একজিক্যুতিব বোর্দকী চিয়রমেন ওইনা থৌরম মপু ওইখ্রে৷ দবল্যু.ঐচ.ও. ময়াইলোইশঙগী ওবজর্ভর পার্তিসিপেন্তশিং অমসুং সেনিয়র ওফিসিয়েলশিংনা থৌরম অদুদা শরুক য়াখি৷

কোবিদ-১৯ রেস্পোন্সতা দবল্যু.ঐচ.এ.৭৩.১ রিজোলুসনগী তর্মশিং অদু মপুং ফানা অমসুং মশক থোক্না চৎন্নবগীদমক তঙাই ফদনা লৌখৎকদবা খোংথাংশিংদা মীৎয়েং থম্বা অসিসু মীফম অদুগী এজেন্দাগী শরুক অমা ওইখি৷

কোবিদ-১৯ রেস্পোন্স হায়না মমিং থোনবা দবল্যু.ঐচ.এ.৭৩.১ রিজোলুসন অসি লৈবাক ১৩০ হেন্না পুন্না স্পোন্সর তৌখি অমসুং ভাইরস অসি থেংন্নবা দরকার লৈরিবা মরু ওইবা হেল্থ তেক্নোলোজীশিং অমসুং প্রদকশিং চাং চপ মান্ননা য়েন্থোক্নবা অমসুং লাইনা-লাইচৎ অসি লাকশিন্নবা হোৎনরিবশিং অসি কা হেন্না থৱাই য়াওনা হোৎন্নবা হায়খ্রে৷

থৌরম অসি হৌরকপা মতমদা থৌরম অদুদা শরুক য়ারিবা মীওইশিংবু তরাম্না ওকখ্রে অমসুং লাইনা-লাইচৎ অসিনা মরম ওইরগা থৱাই মাংখ্রবা মীওইশিংগীদমক অমসুং লেপ্পা লৈতনা লাইনা অসি থেংনরিবা মীওইশিংগীদমক মহাক্না অৱাবা ফোংদোকখ্রে৷

লাইনা-লাইচৎ অসিনা থোকহল্লিবা গ্লোবেল ক্রাইসিস অদু নিংশিংলদুনা মহাক্না অসুম্না ফোংদোকখ্রে, “ ঙসি ঐখোয় পুম্নমক ভর্চুয়েল্লী ওইনা ফিভম অসিনা মরম ওইদুনা নমফুদা উন্নহল্লে৷ খুদোং থীবশিং, রিসর্স, মেনুফেকচরিং অমসুং দিস্ত্রিব্যুসন অদুদা শেল পীন্নবগীদমক সরকারশিং, ইন্দস্ত্রী অমসুং ফিলানথ্রোপীনা রিসোর্সশিং অদু শিজিন্নগদবনি অদুবু মীপুং খুদিংমক্তা পীগদৌরিবা রিৱার্দশিং অদু মখোয়না মফম কদাইৱাইদগী শেম-শারক্লিবনো হায়বা থিদনা পীগদবনি৷”

“দিজাস্তর রিক্স হন্থহনবা অমসুং মেনেজমেন্ত তৌবা মতমদা রিক্সশিং অদুবু ঙন্না অমসুং ময়েক শেংনা খন্দোকপা, মীয়ামশিংদা শেল থাদবদা শোৎথহন্দবা অমসুং হেল্থ সিস্তেমদা ফগৎহনবা, মস্তি-সেক্তর কোলাবোরেসনশিং মপাঙ্গল কলহনবা, রিসর্স অমসুং দিভেলপমেন্ত ইফোর্তশিংদা খুমাং চাওশিলহনবা অমসুং প্লানশিং অসি চৎন্নবগীদমক রেসনেল ইভিদেন্সতা মখা পোলহনবা অসি মরু ওই” হায়না মহাক্না মখাতানা ফোংদোকখি৷  

হিরম অসিগী মতাংদা পব্লিক হেল্থ ওব্লিগেসনশিং ইফিসিয়েন্ত, ইফেক্তিব অমসুং রেস্পোন্সিব ওইনা পাংথোক্ননবগীদমক পার্তনরশিংগী গ্লোবেল কম্মুনিতীগা পুন্না চৎমিন্নদুনা থবক তৌমিন্ননবগীদমক দবল্যু.ঐচ.ও. মেম্বরশিংদা দা. হর্শ বর্ধননা হায়জখ্রে৷ “হায়রিবা চেলেঞ্জ পুম্নমক খুদম ওইনা হৌজিক হৌজিক চৎথরিবা লাইনা-লাইচৎ অসিদা সেয়র্দ রেস্পোন্সিবিলিতী অসি পাংথোকপা মতমদা সিয়র্দ থ্রেদ চংবনা মরম ওইদুনা সিয়র্দ রেস্পোন্স অমা দরকার ওই৷ সেয়র্দ রেস্পোন্সিবিলিতী অসিনা দবল্যু.ঐচ.ও. অসি শেম্বদা য়াওরিবা মেম্বর নেসনশিংগী কোর ফিলোসোফী অমসু ওইরি” হায়না মহাক্না মখাতানা ফোংদোকখি৷

“কোবিদ-১৯দা দবল্যু.ঐচ.ও. কোওর্দিনেতেদ ইন্তরনেস্নেল হেল্থদগী ফংলিবা এক্সপরিয়েন্স অমসুং পাউতাকশিং অদু য়েংশিন্ননবগীদমক খ্বাইদগী মতম চাবা ওইরে অমসুং হৌজিক লৈরিবা মেকানিজমশিং অসি শিজিন্নদুনা ইমপার্সিয়েল, ইন্দিপেন্দেন্ত অমসুং কমপ্রিহেন্সিব ওইবা মওং অমদা য়েংশিন্দুনা মেম্বর ওইরিবা লৈবাকশিংগা তাথোক তাশিন তৌবগী মতম ওইরে” হায়না মহাক্না ফোংদোকখি৷

*****