ইলেক্সন কমিসন

মনিপুর লেজিস্লেতিব এসেমব্লীগী কেজুএল ভেকেন্সীশিং মেনশিন্নবগীদমক পাংথোক্কদবা মরক্কী মীখলগী সেদ্যুল

Posted On: 05 OCT 2020 3:52PM by PIB Imphal

কম্মিসন অসিনা মনিপুর লেজিস্লেতিব এসেমব্লীদা লৈরিবা অহাংবা অহুম (৩) অসি মেনশিন্নবগীদমক মখাগী মরক্কী মীখলশিং অসি পীরিবা অকুপ্পা মরোলসিগী মতুং ইন্না পাংথোক্লগনিঃ

সেরিএল নম্বর

রাজ্য

এসেমব্লী কন্সতিত্যুএন্সীগী মশীং অমসুং মমিং

১.

মনিপুর

২২- ৱাঙ্গোই

২.

মনিপুর

৫১- সাইতু (এস.তি.)

৩.

মনিপুর

৬০-সিংহাৎ (এস.তি.)

 

লোকেল ফেস্তিবেল, অইং অশাগী ফিবম, সিফাইশিংগী চত্থোক চৎশিন, লাইচৎ অসিনচিংবা হীরম কয়া মুন্না খন্নরবা মতুংদা, কম্মিসন অসিনা হায়রিবা অহাংবশিং অসি মখাদা পীরিবা প্রোগ্রামশিং অসিগী মতুং ইন্না মরক্কী মীখল অসি পাংথোক্নবা ৱারেপ লৌখিঃ

মীখলগী থৌরমশিং

সেদ্যুল

গেজেৎ নোতিফিকেসন থোকপা তাং

১৩.১০.২০২০

(লৈবাকপোকপা)

নোমিনেসনগী অরোইবা তাং

২০.১০.২০২০

(লৈবাকপোকপা)

নোমিনেসন স্ক্রুতিনী তৌবগী তাং

২১.১০.২০২০

(য়ুমশকৈশা)

মীরেপ ওইবদগী তোকচবা য়াবা অরোইবা তাং

২৩.১০.২০২০

(ইরাই)

মীখলগী নুমিৎ

০৭.১১.২০২০

(থাংজ)

মশিং থীগদবা তাং

১০.১১.২০২০

(লৈবাকপোকপা)

মীখল অসি লোইশিনগদবা অরোইবা তাং

১২.১১.২০২০

(শগোলশেল)

 

১. ইলেক্তোরেল রোল

       মথক্তা পল্লিবা এসেমব্লী কন্সতিত্যুএন্সীশিং অসিগী ইলেক্তোরেল রোল অসি ক্বালিফাইং দেৎ অদু ফোংখ্রবনিনা তাং ০১.০১.২০২০দগী ওইরে।

২. ইলেক্ত্রোনিক ভোতিং মেচিন (ই.ভি.এম.) অমসুং ভি.ভি.পেৎশিং

       মথক্তা পল্লিবা মরক্কী মীখলশিং অসিগীদমক ই.ভি.এম. অমসুং ভি.ভি.পেৎশিং মতীক চানা ফংহনখ্রে।

৩. ভোতর শক্তাকপা

       হৌজিক চৎনরিবা কাংলোনশিং অসিগী মখা তারকপা ওইনা ভোতর শক্তাকপসি মথক্তা পল্লিবা মীখলশিং অসিগী ভোৎ থাদনবা মতমদা চঙগনি। ইলেক্তোরেল ফোতো আইদেন্তিতী কার্দ (ইপিক)না ভোতর অমা শক্তাক্নবগী মরুওইবা চে চাং ওইগনি। অদুবু, ভোতর খুদিংমক্তা মখোয়গী ভোৎ থাদবগী হক মাংদনবগীদমক, করিগুম্বা মশাগী মীং অদু ইলেক্তোরেল রোলশিংদা য়াওরবদি মখাগী অতোপ্পা শক্তাকচেশিং অসি চৎনবা য়াগনিঃ

১. আধার কার্দ

২. এম.এন.আর.ই.জি.এ. জোব কার্দ

৩. পান কার্দ

৪. বেঙ্ক/পোস্ত ওফিসনা পীবা ফোতো য়াওবা পাসবুক

৫. লেবর মন্ত্রালয়গী স্কিমগী মখাদা পীবা হেল্থ ইন্সুরেন্স স্মার্ত কার্দ

৬. দ্রাইবিং লাইসেন্স

৭. পাস্পোর্ত

৮. ইমপ্লোয়ীশিংদা পীবা ফোতো য়াওবা সর্বিস আইদেন্তিতী কার্দ

৯. এন.পি.আর.গী মখাদা আর.জি.আই.না পীবা স্মার্ত কার্দ

১০. ফোতো য়াওবা পেন্সন দোক্যুমেন্ত

১১. এম.পি./এম.এল.এ./এম.এস.সি.শিংদা পীবা ওফিসিএল আইদেন্তিতী কার্দ

৪. মোদেল কোদ ওব কন্দক্ত

মোদেল কোদ ওব কন্দক্ত অসি মীখল তৌবদা য়াওগদবা এসেমব্লী কন্সতিত্যুএন্সী অসিগী মপুং ওইবা নত্ত্রগা শরুক খরা য়াওবা জিল্লাদা কম্মিসনগী ইন্সত্রক্সন নম্বর ৪৩৭/৬/১এন.এস.তি./২০১৬-সি.সি.এস., তাং জুন ২৯, ২০১৭ (কম্মিসনগী ৱেবসাইৎতা ফংবা)দা খরা শেমদোকখিবগী মখা পোন্না খুদক্তগী চৎনবা হৌরে। মোদেল কোদ ওব কন্দক্ত অসি মরী লৈনবা মীরেপ, পোলিতিকেল পার্তীশিং অমসুং রাজ্য সরকারদা চৎনগনি। মোদেল কোদ ওব কন্দক্ত অসি কেন্দ্র সরকারদসু চৎনগনি।

       ভাইদ লেত্তর নম্বর ৩/৪/২০২০/এস.দি.আর./ভোল ৩ তাং মার্চ ৬, ২০২০ অমসুং লেত্তর নম্বর ৩/৪/২০১৯/এস.দি.আর./ভোল ৪ তাং সেপ্তেম্বর ১৬, ২০২০দা থোকপা মরী লৈনবা মীরেপ অদুনা মমাংদা লৈখিবা ক্রিমিনেলগী পব্লিসিতী অমসুং মখোয়বু খল্লিবা পোলিতিকেল পার্তীশিং অদুগা মরী লৈনবা ইন্সত্রক্সনশিং মীখলশিং অসিদা চৎনগনি।

সেনিয়র সিতিজেন (চহী ৮০গী মথক্কী) অমসুং পি.দব্ল্যু.দি. ইলেক্তরশিংগী পোস্তেল বেলোৎকী খুদোংচাবা; ইলেক্সনগী চাদিং য়েংশিনবগা মরী লৈনবা ইন্সত্রক্সনশিং মথক্তা পল্লিবা মরক্কী মীখল অসিদা চৎনগনি।

৫. কোবিদ-১৯গী মনুংদা মরক্কী মীখল মনুংদা চৎনগদবা মপুং ওইবা চৎন-কাংলোনশিং

      কোবিদ-১৯ শন্দোক্লিবা অসি য়েংলদুনা, কম্মিসন অসিনা ওগস্ত ২১, ২০২০দা মীখল পাংথোকপা মতমদা ঙাক্না চৎকদবা মপুং ওইবা চৎন-কাংলোনশিং থোকখি, হায়রিবসি কম্মিসনগী ৱেবসাইত্তসু ফংবীগনি অমসুং মখাদা এনেক্সর-১ হায়না পীরি।

এনেক্সন-১ য়েংনবগীদমক মফম অসিদা নম্বীয়ু

 *****



(Release ID: 1661774) Visitor Counter : 106