হকশেল অমসুং য়াইফ-য়ুম্বাল মন্ত্রালয়

দা হর্শ বর্ধন্না মোতিলাল নেহরু মেদিকেল কোলেজ, প্রয়াগরাজকী সুপর স্পেসিএলিতী ব্লোক অসি দেদিকেতেদ কোবিদ হোস্পিতাল অমা ওইনা শঙ্গাখ্রে

অহানবা কোবাস ৬৮০০ মেছিনসু য়ু.পি.দা শঙ্গাখ্রে

প্রধান মন্ত্রী স্বাস্থ্যা সুরক্ষা য়োজনাগী খুমাং চাউশিল্লিবা অসিগী মতাংদা দা হর্শ বর্ধন্না হায়“প্রধান মন্ত্রী শ্রী নরেন্দ্র মোদী জিনা লৈখিদ্রবা প্রধান মন্ত্রী শ্রী অতল বিহারী বাচপয়ীগী মঙলান অসি মঙ ফাওনহল্লি”

Posted On: 05 OCT 2020 2:43PM by PIB Imphal

হকশেল অমসুং য়াইফ য়ুম্বালগী কেন্দ্রগী মন্ত্রী দা হর্শ বর্ধন্না উত্তর প্রদেশকী মুখ্য মন্ত্রী শ্রী য়োগী অদিত্যনাথকা লোয়ননা মোতিলাল নেহরু মেদিকেল কোলেজ, প্রয়াগরাজকী সুপর স্পেসিএলিতী ব্লোক (এস.এস.বি.) অসি দেদিকেতেদ কোবিদ হোস্পিতাল অমা ওইনা দিজিতেলগী থোংদা শঙ্গাখ্রে। ফমুং ২২০ থাবা ফেসিলিতী অসি জাতিদা কোবিদ হোস্পিতাল (দি.সি.ঐচ.) অমা ওইনা কত্থোকখ্রে। আই.সি.এম.আর.না ইনস্তোল তৌখিবা মখোয়গী রেজিনেলগী কোবিদ তেস্তিং লালোং হেনগৎহন্নবা উত্তর প্রদেশতা অহানবা হায় থ্রুপুৎ কোবাস ৬৮০০ মেছিন কেন্দ্রগী হকশেল মন্ত্রীনা দিজিতেল ওইনা শঙ্গাখি।

প্রধান মন্ত্রী স্বাস্থ্যা সুরক্ষা য়োজনাগী (পি.এম.এস.এস.ৱাই.) মখাদা লুপা করোর ১৫০ থাদদুনা সুপর স্পেসিএলিতী ব্লোক অসি শাখি। মসিদা ন্যুরোলোজী, ন্যুরোসর্জরী, নেফ্রোলোজী, য়ুরোলোজী, প্লাস্তিক সর্জরী, এন্দোক্রিনোলোজী, সর্জিকেল ওনকোলোজী, কারদিওথোরাসিক অমসুং বাস্কুলর সর্জরীগী দিপার্তমেন্তশিং লৈরি। এস.এস.বি অসিদা ওপরেসন থিএতর তরেৎ, সুপর স্পেসিএলিতী বেদ ২৩৩, আই.সি.য়ু. বেদ ৫১, দাইলাইসিস বেদ ১৩ লৈগনি। ফেসিলিতী অসিদা পি.জি. মহৈরোয় ২৪ ত্রেনিং পীনবা কেপাসিতী অমা লৈগনি।

কোবাস ৬৮০০ হায় থ্রুপুৎ মেছিন লোঞ্চ তৌবদা, দা হর্শ বর্ধন্না হায়খি “মপুং ফানা ওতোমেতেদ, হায় এন্দ মেছিন ওইরিবা কোবাস ৬৮০০ অসিনা কোবিদ১৯গী রিএল তাইম পি.সি.আর. তেস্তিং পাঙথোক্নবগীদমক পুং ২৪দা সেম্পল ১২০০রোমগী হায় থ্রুপুৎকা লোয়ননা অফবা, হায়-ভোল্যুম তেস্ত তৌহনবা ঙম্লগনি। কোবাস ৬৮০০না ভাইরেল হেপাতাইতিস বি অমসুং সি, ঐচ.আই.ভি., এম.তি.বি. (রিফামপিসিন অমসুং আইসোনিয়াজাইদ রেজিস্তেন্স অনিমক), পাপিলোমা, সাইতোমেগালোভাইরস, ক্লমিদিয়া, নাইসেরিয়া অসিনচিংবা অতোপ্পা পেথোজেনশিংসু খঙদোকপা ঙমগনি।” মসি রিমোৎনা চল্লাইগনি অমসুং মীওইবগী মথৌ কয়া তারোই হায়না মহাক্না ফোঙদোকখি।

লৈখিদ্রবা প্রধান মন্ত্রী শ্রী অতল বিহারী বাচপয়ীনা ২০০৩গী নীংখা তম্বা নুমিৎতা পীখিবা ৱারোল অদুনা মেদিকেল ক্যেরদা রিজনেলশিংদা চপ মান্ননা খুদোংচাবা পীবা ঙমদ্রিবা অসি ঙমহন্নবা সরকার অসিনা হোৎনবদা লমজিং মৈরা অমা ওইরি হায়না দা হর্শ বর্ধন্না ফোঙদোক্লদুনা হায়খি, “প্রধান মন্ত্রী শ্রী নরেন্দ্র মোদী জিনা লৈখিদ্রবা প্রধান মন্ত্রী শ্রী অতল বিহারী বাচপয়ীগী মঙলান অসি মঙ ফাওনহল্লি। এম্সকী মশিং অসি ৬তগী ২২দা হেনগৎহনখ্রে অরোমদনা লৈরিবা ইন্সতিত্যুসন ৭৫ অসি এম্সগুম্না সর্ভিস ফংহন্নবা অপগ্রেৎ তৌনবা হোৎনরি।”

পি.এম.এস.এস.ৱাই.গী উত্তর প্রদেশতা চত্থতিব থবক্কী খোঙজেল অসিদা অপেনবা পোক্লদুনা দা হর্শ বর্ধন্না হায়খি, “রিজনেলগী ওইবা খুদোংচাদবশিং অসি কোকহন্নবা য়ু.পি. অমসুং বিহারদা অনৌবা এম্স অনি শেমগৎখ্রে। য়ু.পি.দা শারিবা এম্স অনিমক ও.পি.দি. সর্ভিসশিংগা লোয়ননা লোয়শিন্নবগী এদবান্স স্তেজতা লৈরো অমসুং এম্স রায়বরেলীদা অন্দরগ্রেজ্যুৎকী ক্লাসশিং চত্থরি।” এস.জি.পি.জি.আই.এম.এস-লখনৌ, ইন্সতিত্যুত ওফ মেদিকেল সাইন্সেস-বিঐচ.য়ু.-বারানসি, জৱাহর্লাল নেহরু মেদিকেল কোলেজ-এ.এম.য়ু.-অলিগর, মহারানি লক্ষ্মী বাই মেদিকেল কোলেজ-ঝান্সি, বি.আর.দি. মেদিকেল কোলেজ-গোরাখপুর, এল.এল.আর.এম মেদিকেল কোলেজ-মীরুৎতা এস.এস.বি.শিং,ত্রোমা সেন্তরশিং অসি পি.এম.এস.এস.ৱাই.গী তোঙান তোঙানবা ফেজশিংগী মখাদা লোয়শিনখি অমরোমদা গভর্নমেন্ত ওফ মেদিকেল কোলেজ-অগ্রা, গভর্মেন্ত মেদিকেল কোলেজ-কানপুর, ইন্সতিত্যুত ওফ মেদিকেল সাইন্সেস - বি.ঐচ.য়ু.-বারানসিগী আর.আই.ও.দা ফেসিলিতীশিং লোয়শিল্লক্কদৌরে। তিনখ্রিবা মীয়ামদা মহাক্না হায়খি রাজ্য অসিদা অনৌবা মেদিকেল কোলেজ ১৩ শানবা থৌরাং তৌরি মসিগা লোয়ননা হৌখিবা চহি অনি মখায় অসিদা রাজ্য অসিদা শাখিবা অপুনবা মেদিকেল কোলেজকী মশিং অসি ২৭ শুরগনি। হায়রিবা মেদিকেল কোলেজশিং অসি বিজনোর, গোন্দা, ললিৎপুর, চন্দৌলি, বুলান্সশাহর, পিলিভিৎ, কৌশাম্বি, অমেথি, কানপুর, দেহৎ, সুল্তানপুর, লাখিমপুর, ঔরাইয়া অমসুং সোনেভাদ্রাগী জিলাশিংদা লিংখৎকনি।

শ্রী য়োগী অদিত্যনাথনা পি.এম.এস.এস.ৱাই.গী খুত্থাংদা উত্তর প্রদেশতা হেল্থ ইনফ্রাস্ত্রকচর ফগৎহন্নবা থৱায় য়াওনা হোৎনরিবা অসিগীদমক কেন্দ্রগী সরকারবু থাগৎখি। স্কিম অসিগী মখাদা নৌনা শাখিবা এস.এস.বি. অসি কোবিদ হোস্পিতাল অমা ওইনা মতম চানা ওন্থোকপা অসিগী কান্নবা অদুগী মতাংদা ফোঙদোক্লদুনা মহাক্না হায়খি, কৌশাম্বি, চিত্রাকুৎ, বন্দা, প্রতাপগর অমসুং মির্জাপুরগুম্বা থংনবা জিলাশিংদা লৈরিবা মীয়ামদসু চাউনা কান্নবা ফংহল্লগনি। মহাক্না হায়খি লায়চৎ অসি হৌরকপা মতমদা জিলা ২৬তা বেন্তিলেতর অমা ফাওবা লৈরমখিদে অদুবু কেন্দ্র সরকারগী মতেংগা লোয়ননা রাজ্য অসিদা কোবিদ মেদিকেল ইনফ্রাস্ত্রকচর অসিদা অওনবা পুরক্তুনা হৌজিক দেদিকেতেদ বেদ লাখ ১.৭৫ লৈরে, নোংমদা তৌবা তেস্ত অসি লাখ ১.৫তগী ২ ফাওবা য়ৌবা ঙম্লে অমসুং জিলা খুদিংদা য়ামদ্রবদা লেবেল –I অমসুং লেবেল –IIগী কোবিদ ক্যের ফেসিলিতী লৈহনবা ঙম্লে।

উত্তর প্রদেশ সরকারগী পার্লিয়ামেন্ত এফিয়র্সকী অমসুং মেদিকেল এজুকেসনগী মন্ত্রী শ্রী সুরেশ কুমার খান্নানা থৌরম অসি হোস্ত তৌখি। থৌরম অসিদা মেদিকেল অমসুং হকশেল, য়াইফ য়ুম্বাল, মমা অমদি অঙাংশিংগী চাউখৎ থৌরাংগী মন্ত্রী শ্রী জাই প্রতাপ সিংহ, প্রয়াগরাজকী লোক সভাগী মেম্বর শ্রীমতি রিতা বহুগুনা জোশিনা য়াওখি।

****



(Release ID: 1661769) Visitor Counter : 40