তুরিজম মন্ত্রালয়
তুরিজম মন্ত্রালয়না গান্ধী, অহমদবাদ অমসুং সোল্ত মার্চকী মতাঙদা দেখো অপ্না দেশ ৱেবিনার সেরিজকী ৫৮শুবা তাঙ্কক পাঙথোকখ্রে
Posted On:
04 OCT 2020 12:39PM by PIB Imphal
চহি অসিগী জাতিগী মপাগী মপোক কুমওন থৌরমদা তুরিজম মন্ত্রালয়না ৱেব স্ক্রীনদা ইকায়খুম্নবা উত্তুনা ওক্তোবর ১দগী হৌবা ৱেবিনার সেরিজ অমগা লোয়ননা মহাক্কী ৱাখল্লোন অমসুং তাকপীরমবশিংবু ইকায়খুম্নবা উৎলি। সেরিজ অসিদা মন্ত্রালয়না গান্ধী, অহমদবাদ অমসুং সোল্ত মার্চ কৌবা সেসন অমা ওক্তোবর ৩, ২০২০দা লান্থোকখি।
দেখো অপ্না দেশ ৱেবিনার সেরিজকী ৫৮শুবা তাঙ্কক অসিনা গান্ধী জীনা অহমদবাদতা লৈরমবা অমদি থুমগী খোঙচৎকী মতাঙদা অহেনবা মীৎয়েঙ থমখি।
ইং ১৯১৫দা খা অফ্রিকাদগী হল্লক্লবা মতুংদা গান্ধীজীবু শ্রী গোপাল কৃষ্ণ গোখলেনা ভারত শিনবা থুংনা চত্তুপা মহাক্কী নীংতম্বগী ইহৌ হৌদোক্কদবা তুংগী মফম অমা য়েংথোক্নবা পাউতাক পীখি। গান্ধীজীনা মমৈথংদা অহমদবাদপু খনখি অমদি মার্চ ১২, ১৯৩০ ফাওবা ইহৌ চত্থরম্লগা সোল্ত এক্তপু মমু য়ৈথেক্নবা এপ্রিল ৬তা চৎখিবা মমীং লৈরবা দান্দি খোঙচৎকীদমক মফমদু থাদোকখি অমদি মমৈথংদা মহাকপু মে ৫দা ফাদুনা পুনেদা পুখি।
ৱেবিনার অদু গুজরাত তুরিজমগী মেনেজিং দাইরেক্তর অমসুং কম্মিস্নর মিস্তর জেনু দেবান অমসুং দান্দি পাথ হেরিতেজ মেনেজমেন্ত সেন্তরগী মেমবর সেক্রেতরী অমদি পাউতাক্লোই অমসুং ওরিএন্তেল স্তদিজ এন্দ হেরিতেজ মেনেজমেন্ত রিসোর্স সেন্তর, গুজরাত বিদ্যাপিথকী ওনরেরী দাইরেক্তর মিস্তর দেবাসিস নায়ক্না লান্থোকখি।
ৱেবিনার অদুগী খোঙফম শেম্লদুনা, মিস্তর জেনু দেবান্না গুজরাত লৈঙাক অমসুং তুরিজম মন্ত্রালয়না মহাত্মা গান্ধীগা মরী লৈনরমবা মফমশিং খঙদোকপা অমদি তুরিজম মন্ত্রালয়গী মখাদা সেংসন তৌবা স্বদেশ দর্সন স্কিম্না মতেং পাংদুনা অহমদবাদ-রাজকোত-পোর্বন্দর-বর্দোলি-দান্দিবু কোনশিনবা গান্ধী সর্কুইততা তুরিজম ইনফ্রাস্ত্রকচর শেমগৎনবগী লৌখৎলিবা থৌরাংশিংগী মতাঙদা পাউদমখি। সাইকল খোঙচৎ, স্পিরিচুএল লাইভ কন্সর্ত, দান্দিদা ভিদিও সো হৌদোকপনচিংবা থৌরমশিংগী খুত্থাঙদা গান্ধীজীগী ৱাখল্লোনশিংবু য়োকখৎপদা নহাশিংনা শরুক য়াহন্নবা কমদৌনা গুজরাত লৈঙাক্না মীৎয়েঙ থম্বগে হায়বা ৱাফমসু মহাক্না পনখি।
মিস্তর দেবসিস নায়ক্না গান্ধীনা অহমদবাদতা লৈরিঙৈ মতমদা মীয়ামনা মহাকপু শৌগৎখিবশিংগী মতাঙদা ৱা ঙাঙখি। গান্ধীনা খা অফ্রিকাদগী হল্লকপা মতমদা মহাক্না মহাক্কী মফম অমা শেমগৎকে হায়না খনখিবসি অহমদবাদনি। মহাক্না ১৯১৩ অমসুং ১৯৩০গী মনুংদা অহমদবাদতা লৈরম্মী। মফমদুদগী মহাক্না দান্দি খোঙচৎ (থুম খোঙচৎ) ১৯৩০দা হৌদোকখি।
মিস্তর দেবাসিস নায়ক্না কমদৌনা অহমদবাদতা লৈরিঙৈ মতমদা ১৯২০দা গুজরাত বিদ্যাপিথ হৌদোক্লমবা য়াওনা গান্ধী জীনা পায়খৎলমদা লৈবাক্কী থাক্কী থৌরাং কয়া পনখি। মহাক্না মফমদুদা লৈরিঙৈ মনুংদা অহমদবাদকী মীয়াম্না গান্ধী জীবু শৌগৎলম্মী অমদি মদুগা মরী লৈনবা হৌখ্রবা ৱারী কয়া লৈরি।
সাবরমতি আস্রমদা হৌজিক ফাওবা মহাত্মা গান্ধীগী থৱায়গী ইনিলখোল লৈরি। অহমদবাদ সহর অসি মহাত্মা গান্ধীনা লুচিংখিবা মীয়ামগী ইহৌগী মরু হুনবদা মরু ওইখি। মহাক্না ১৯১৫দগী ১৯৩০ ফাওবা অহমদবাদতা লৈরিঙৈ মতমদা মহাক্না থেংনরকপা কয়াদুগী মতুং ইন্না ভারতকী নীংতম ইহৌবু অপীকপা অপ্পর ক্লাসকী থৌরাং অমা ওইরমবদগী মীয়ামগী ইহৌ অমা ওন্থোরকখি। মহাক্না ১৯১৫দা খা অফ্রিকাদগী হল্লক্তুনা ভারত্তা থুংলরবা মতুং খা খরগী মনুংদা গান্ধীনা অহমদবাদতা সত্যগ্রহ আস্রম অমা লিংখৎখি।
১৯১৭তা অহমদবাদতা তমথিরবা প্লেগ অমা শন্দোরকখি। মসিনা মীয়ামদা মিপাইবা পোকহন্দুনা মরুওইবা চঙদ্রবা য়াদ্রবা পোৎলমশিংগী মমল ৱাংখৎলকপা হৌরকখি। প্লেগ অদু জনুৱারী ১৯১৮দা নেমথখি অদুবু মরুওইবা পোৎলমশিংগী মমলদা অসুম লেপ্তনা ৱাংখৎলকখি। মিলদা থবক তৌবা শিন্মীশিংনা খুৎশুমল হেনগৎপা অমদি মখোয়গী থবক শুবগী ফীভম ফগৎহনবা পামখি। গান্ধীনা মিলগী শিন্মীশিংবু শৌগৎলদুনা মার্চ ১৫দা মতম কক্তনা চরা হেনবগী খোঙজঙ অমা চঙশিন্নবা ফিরেপ লৌখি। মিল মপুশিংনা ৱারী শানরবা মতুংদা খুৎশুমল চাদা ৩৫ হেনগৎপা য়াখি অমদি গান্ধীনা মহাক্কী চরা হেনবগী খোঙজঙ অদু মার্চ ১৮, ১৯১৮দা লোইশিনখি।
ৱা ঙশঙখিবশিংনা য়ুনাইতেদ স্তেতসকী খ্বাইদগী মমীং লৈরবা সিভিল রাইতস লুচিংবা মার্তিন লুথর কীং জুনিয়র য়াওনা মালেম পুম্বগী মীয়ামবু কমদৌনা গান্ধীনা পুক্নীং থৌগৎখিবগে হায়বগী মরমদসু ৱা ঙাঙখি। কীংনা গান্ধীগী মরমদা মহাক্কী ৱারেংশিংদগী অমদি ১৯৫৯দা ভারত্তা লাক্লমবদগী খঙখি। কীংনা অহিংসাগী গান্ধিয়ন প্রিন্সিপলদগী মহাক্কী সিভিল রাইতসকী থবক থৌরমশিংগী মচাক লৌখি।
গান্ধিয়ন ৱাংউলোনবু চাউনা য়োকখৎনবগী পান্দমদা গুজরাত লৈঙাক্কী কলচর মন্ত্রালয়না লৈবাক শিনবা থুংনা গান্ধী হেরিতেজ সাইতশিং শেমগৎকদৌরি। মহাত্মা গান্ধীগী দান্দি খোঙচৎ নীংশিংবা ওইনা পায়খৎলিবা দান্দি হেরিতেজ কোরিদোর প্রোজেক্ত অমদি অতৈ গান্ধীজীগা শাগোন্নরমবা মফমশিং লমকোয়বশিংগী পুক্নিং চিংশিন্নবা হোৎনরি। গান্ধীজীনা মার্চ ১২দগী এপ্রিল ৬, ১৯৩০ ফাওবা চঙশিনখিবা মহাক্কী পুৱারী ওইরবা দান্দি খোঙচৎ মনুংদা নুমিদাং পল্লমবা কি:মি: ৩৪৯ শাংবা সাবরমতি-দান্দি লম্বীগী মফম ২১সু শেমগৎকদৌরি। হায়রিবা মহাক্না নুমিদাং পল্লমবা মফমশিং অসিদা তঙাই ফদনা চঙবা মচাকশিং য়াওবা অচমবা খাঙপোকশিং শাগৎকনি। মফমশিং অসিগী ফীভম গান্ধিগী পুন্সি মহিংগী ইথিল অমা পীননবগীদমক্তা ইচম চমবা মওংদা শেমগনি। লম্বী পরীংসিদা শমগৎকদৌরিবা নুমিদাং পনফমশিং অসিগী মনুংদা নাদিয়ার, অনন্দ, নবসরি অমসুং সুরত মনাক্কী তাপ্তি মপান য়াওরি। হায়রিবা মফমশিং অসিদা মহাক্কী ৱারোলশিং হক্তুনা নীংশিং য়ুম্বীশিং খিনগনি। মসিগী মথক্তা মীয়াম্না দান্দি খোঙচৎ মতৌ তমবা পামজবশিংগীদমক্তা লম্বী পরীং অসিদা নাকনগী খোঙ লম্বী অমসু শেমগৎকনি।
গুজরাত লৈঙাক্না নীংতম লালহৌ মনুংদা গান্ধীজীগী পুন্সিগী শরুক অমা ওইখিবা হৈনৌ, খোংনাং পাম্বীনচিংবা উ মখল খরসু য়োকখৎনবা অমদি ঙাক শেন্দুনা থম্ননবা থৌরাংশিংসু লৌখৎলি।
ৱেবিনার অদু লোইশিল্লকপদা দিপুতী দাইরেক্তর জেনেরেল দি. ভেঙ্কতেসননা মহাত্মা গান্ধীগী লিগেসী ভারত্তা মতিক চানা লীদুনা থম্লি। তোঙান তোঙানবা ম্যুজিয়মশিং অমসুং নীংশিং খুভমশিংদগী হৌরগা গান্ধীজীগী আস্রম ফাওবা য়াওনা লুচিংবা অসিগী পুন্সিগী মশক তাকপা পন্থুংফম কয়া লৈবাকসিদা লৈরি। মহাক্কী অচুম্বা অমদি অহিসাগী ৱাংউলোন্না মীওই মিলিয়ন কয়া পুক্নীং থৌগৎলি অমদি মীওই কয়ানা মঙোন্দা কত্থোকপা খুভমশিংদা চত্তুনা মহাক্কী খোঙগুল লীরি। মীওইবা খুন্নাইনা চাওখৎলকপদা গান্ধীজীনা লৌরমদা থৌদাং য়াম্না কা হেন্না চাউই অমদি খেন্নবনা কয়া অমদি কাউথোক্নখিবা অমদি থৌশানরুদবা য়াওরি। মালেম অসিনা ঙসিদি হৌজিক ফাওবগী ওইনা খ্বাইদগী ইথিল পীবা ঙমবা খুন্নাইদা অহোংবা পুরক্লমবা মীওই অমা ওইনা শকখঙনরি।
দেখো অপ্না দেশ ৱেবিনার সেরিজ অসি এক ভারত স্রেস্থ ভারতকী মখাদা ভারতকী ইনাক খুল্লবা খেন্নবা মওং মতৌবু উত্থোক্ননবা থৌরাং অমনি। সেরিজ অসি ইলেক্ত্রোনিক অমসুং ইনফোর্মেসন তেক্নোলোজী মন্ত্রালয়গী নেসনেল ই গভর্নেন্স দিপার্তমেন্তকী তেক্নিকেল পার্ত্নরসিপকা লোয়ননা লান্থোকপনি। ৱেবিনার অসিগী তাঙ্ককশিং হৌজিক https://www.youtube.com/channel/UCbzIbBmMvtvH7d6Zo_ZEHDA/featured দা অমদি ভারত লৈঙাক্কী তুরিজম মন্ত্রালয়গী সোসিএল মিদিয়া হেন্দল খুদিংমক্তা ফংলগনি।
মথংগী বিধর্বাগী জিৱেল মিংথোনবা ৱেবিনার ওক্তোবর ১০, ২০২০গী অয়ুক পুং ১১০০ তাবা মতমদা পাঙথোক্কনি।
*****
(Release ID: 1661528)
Visitor Counter : 179