পব্লিক দিস্ত্রিবুসন সিস্তেম(পি দি এস) অমসুং ইজ ওফ দুইং বিজিনেসকী অওনবশিং মাইপাক্না পাংথোকপগীদমক উত্তর প্রদেস অমসুং অন্ধ্র প্রদেস রাজ্য অনি অহেনবা শেনফম পুনবগী অৱাবা ফাইনান্স মিনিস্ত্রিনা পীরে। হায়রিবা রাজ্যশিং অসিনা লুপা করোর ১,১০৬গী অহেনবা শেনফম অমা ফংলগনি।

লৈবাক অমা রেসন কার্দ অমা চৎন্নবা পি.দি.এসকী থবকশিং মপুংফানা অওনবা পুরকপা ৬সুবা রাজ্য উত্তর প্রদেসনা ওইরে। মসিনা মরম ওইদুনা ওপন মার্কেৎ বোরোৱিংস(ও এম বি)কী খুৎথাংদা রাজ্য অসিনা লুপা করোর ৪,৮৫১ পুনবগী অয়াবা পীরে। মসিগী শেনফম অসি রাজ্য অসিদা কোবিদ-১৯ থেংন্নবা দরকার ওইবা মতমদা শীজিন্নগনি।

নেসনেল ফুদ সেকুরিতি এক্ত(নফসা) অমসুং অতোপ্পা য়াইফ-থৌরাংশিংগী মখাদা লৈবাক অমা রেসন কার্দ অমা হায়রিবা থবক অসিনা কান্নবা ফংলবশিংদা চেং ফংহল্লে অমসুং মরুওইনা লৈবাক শীনবা থুংনা কোইনা চৎলগা থবক থিরিবা শিন্মীশিং অমসুং মখোয়গী ইমুং-মনুংশিং ফিয়র প্রাইজ সোপ অমদা হেক্তা চেং ফংলে।

রেসন কার্দ অমা রাজ্য অমদগী রাজ্য অমদা শীজিন্নবা য়ানবা, ইলেকত্রোনিক পোইন্ত ওফ সেল(ই-পি ও এস) খুৎলায়শিং থমদুনা ফিয়ার প্রাইজ সোপ খুদিংমক ওতোমেসন তৌদুনা রেসন কার্দশিংগা আধারগা শম্নবা অমসুং বেনিফিসরিশিংগী বাইওমেত্রিক লৌবা দরকার ওই। রাজ্যশিংদা অওনবা পুরক্লে হায়রিবশিং অসি ফুদ অমসুং পব্লিক দিস্ত্রিবুসন দিপার্তমেন্তনা য়েংশিনগনি অমসুং জি.এস.দি.পিগী চাদা ০.২৫কী অহেনবা শেনফম পুনবা অয়াবা পীখ্রে।

উত্তর প্রদেস, অন্ধ্র প্রদেস, তেলাঙ্গানা, গৱা, কর্নাতাকা অমসুং ত্রিপুরা রাজ্যশিংদা পি.দি.এস অমসুং লৈবাক অমা রেসন কার্দ অমা মাইপাক্না পায়খৎলে হায়না ফুদ অমসুং পব্লিক দিস্ত্রিবুসন দিপার্তমেন্তনা খঙলে। “ইজ ওফ দুইং বিজিনেস”কী অওনবশিং মাইপাক্না পুরকপা লৈবাক অসিগী অহানবা রাজ্য অন্ধ্র প্রদেসনা ওইরে অমসুং ওপন মার্কেৎ বোরোৱিংস(ও এম বি)কী খুৎথাংদা রাজ্য অসিনা লুপা করোর ২,৫২৫ পুনবগী অয়াবা পীরে। লৈবাক অমা রেসন কার্দ অমা চৎনবা ঙম্নবা অন্ধ্র প্রদেসনা মমাংদা পি.দি.একী অওনবশিং পুরকখ্রে।

লৈবাক অসিদা শেন থাদবা নুংঙাইবা ফিবম অমা লৈহনবদা ইজ ওফ দুইং বিজিনেস অসি মরুওইবা ইন্দিকেতর ওইরি।ললোন-ইতিক লাইহনবা অসিনা রাজ্যগী শেন-থুমগী ফিবম ফগৎহনবদা য়াংহনগনি। মরম অদুনা, ললোন-ইতিক পাংথোকপা লাইহন্নবা অহোংবশিং পুরক্নবা জিলা থাক্তা মতেং পাংনবা অমসুং লাইসেন্স পীবগী থবকশিংদা অওনবা পুরক্নবা রাজ্যশিংগী জি.এস.দি.পিগী চাদা ০.২৫ পুনবগী অয়াবা দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেৎ(দি পি আই আই তি)না অয়াবা পীরে। রাজ্য সরকারশিংনা মখাগী অওনবশিং অসি পায়খৎকনি:

ক. দি পি আই আই তিগী পাউতাক মতুংইন্না রাজ্যনা ‘দিস্ত্রিক লেবেল বিজিনেস রিফোর্ম এক্সন প্লান’কী অহানবা এসেসমেন্ত পাংথোক্কনি।

খ. দি পি আই আই তিগী লিস্ত মতুংইন্না তোঙান-তোঙানবা ললোন-ইতিক্কী থবকশিং পায়খৎনবা সর্তিফিকেতশিং/অয়াবশিং/লাইসেন্সশিং লৌনবগী দরকার ওইবশিং রাজ্যশিংনা মুৎথৎকনি। মরম চাবা ফিশিং লৌনবা ওনলাইনদা, মীচং-মীখাই নাইদনা অমসুং ওতোমেতিক ওইনা পাংথোক্নবগী অয়াবা পীগনি।

গ.দি পি আই আই তিনা থোকপা লিস্তকী মতুংইন্না এক্তশিংগী মখাদা রাজ্যনা কম্পুতরাইজ সেন্ত্রেল রেন্দম ইন্সপেক্সনগী থবক পায়খৎকনি অমসুং ইন্সপেক্তরশিং য়েন্থোকপগী থবক সেন্তরদা পাংথোক্কনি অমসুং চপ মান্নবা য়ুনিৎ অমদা মথংগী চহিদা হান্নগী ইন্সপেক্তর অদু মথৌ পাংথোকল্লোই অমসুং ললোন-ইতিক্কী মপুশিংদা মাংজৌন্না ইন্সপেক্সনগী নোতিস পীগনি অমসুং ইন্সপেক্সন পাংথোকখিবা নুমিৎ ৪৮গী মনুংদা ইন্সপেক্সনগী রিপোর্ত পোর্তেলদা থাগৎকনি।

কোবিদ-১৯ লাইচৎকী ফিবম অসি য়েংলগা ২০২০-২১গী ওইনা রাজ্যশিংনা গ্রোস স্তেৎ দোমেস্তিক প্রদক(জি এস দি পি)গী চাদা ২ ফাওবগী অহেনবা শেনফম পুনবা অয়াবা ২০২০গী মে থাদা কেন্দ্র সরকারনা পীখ্রে। মসিনা রাজ্যশিংদা লুপা করোর ৪,২৭,৩০২ ফংহল্লে। মসিগী শেনফম অসিগী চাদা ১ মখাগী অকক্নবা রাজ্য থাক্কী অহোংবশিং পুরকপদা শীজিন্নগনি, হায়বদি অহোংবা থবক অমমমদা জি.এস.দি.পিগী চাদা ০.২৫ শীজিন্নগনি:

১. লৈবাক অমা রেসন কার্দ অমা থবক ওইনা পায়খৎপা;

২. ললোন-ইতিক পাংথোকপা লাইহন্নবা অহোংবা পুরকপা;

৩. অর্বান লোকেল বোদি/য়ুতিলিতিগী অহোংবশিং;

৪. পৱার সেক্তরগী অহোংবশিং

*****