অকোইবগী ফিভম অমসুং ঊমংগী মন্ত্রালয়
বাইওদাইভরসিতী কন্ননবা খোংথাং অথুবা মতমদা লৌখৎপগী তঙাই ফদ্রে
Posted On:
01 OCT 2020 7:11PM by PIB Imphal
য়ু.এন.জেনেরেল এসেমব্লীগী ৭৫শুবা মপোক নুমিৎকী থৌরমদা য়ুনাইতেদ নেসন্স(য়ু.এন.) বাইওদইভরসিতী সম্মিত অসিদা ভারতকী মহুৎ শিন্দুনা য়াওখিবা ইনভাইরনমেন্ত, ফোরেস্ত অমসুং ক্লাইমেৎ চেঞ্জকী কেন্দ্রগী মন্ত্রী শ্রী প্রকাশ জবাদেকরনা অসুম্না ফোংদোকখ্রে মদুদি ২০১১-২০ বাইওদাইভরসিতীগী য়ু.এন. দিকেদ অসি লোইশিল্লকপনা মরম ওইরগা বাইওদাইভরসিতী অসি কন্ননবগীদমক ঐখোয়না অথুবা মতমদা খোংথাং লৌখৎপা তঙাই ফদে৷
য়ুনাইতেদ নেসন্স জেনেরেল এসেমব্লীদা বাইওদাইভরসিতীগী মতাংদা পাংথোকখিবা থৌরমশিংদা সম্মিত অসিনা মখল অদুগী খ্বাইদগী ইহান হানবা ওই৷ বাইওদাইভরসিতী মীফম অদু কনভেন্সন ওন বাইওলোজিকেল দাইভরসিতী(সি.বি.দি.)গী মনুং চনবা লৈবাকশিংগী মীহুৎ ওইনা রাজ্যশিংগী মকোক অমসুং মন্ত্রীগী থাক্তা লৈরিবশিংনা থৌরম অদুদা শরুক য়াখি৷ মীফম অদুদা ইনভাইরনমেন্তগী কেন্দ্রগী মন্ত্রীনা ভর্চুয়েল্লী ওইনা ৱা ঙাংখি৷
ইনভাইরনমেন্তগী মন্ত্রীনা ঙাংখিবা ৱারোল অদুগী মপুং ওইবা ৱারোলশিং অদু মখাদা ইদুনা পীরি:-
ইকাই খুম্নরবা, খুম্নরবীশিং,
- ময়াম পুল্লিবা অসিদা ঐনা য়ুনাইতেদ নেসন্স জেনেরেল এসেমব্লীগী ৭৫শুবা সেসন অসিদা মালেম অসিদা অচৌবা বাইও-দাইভর্স লৈবাক তরাতরেৎকী মনুং চন্না লৈরিবা লৈবাক অমগী মীহুৎ অমা ওইনা লেপচবনিI
- ঙল্লিঙৈ মতমদগী হৌদুনা ভারতনা মহৌশা অসি য়োকখৎপা ঙাক শেনবা খক্তা নত্তনা মহৌশা অসিগা ইংনা চিক্না হিংমিন্নবা অসি চৎনবী অমা ওইদুনা লাক্লি৷
- মহৌশাগী রিসোর্সশিং অসি শিজিন্নবগী মওং অমসুং চাবগী মওং নিংথীনা তৌদবা মওং মরিল চাদবনা মীওইবগী পুন্সিবু মতেং পাংদুনা য়োকপিরিবা সিস্তেম মাংহল্লিবা অসি কোবিদ-১৯ থোকলকপা অসিনা ময়েক শেংনা উৎলে৷
- অদুমওইনমক মহৌশা অসি য়োকখৎতুনা থম্বা য়ারি অমসুং নিংথীজনা শিজিন্নবা য়ারি হায়বসি কোবিদ-১৯ অসিনসু উৎখ্রে৷
- ২০১১-২০২০ বাইওদাইভরসিতীগী য়ু.এন.দিকেদ অসি লোইশিল্লকপনা মরম ওইরগা বাইওদাইভরসিতী কন্নবা খোংথাং অথুবা মতমদা লৌখৎপগী তঙাই ফদ্রে৷
ইকাইখুম্নরবশিং,
- ঐখোয়গী ভেদিক স্ক্রিপ্স “প্রক্রিতি রকশতি রকশিতা” অসিদা ইরম্বগী মতুং ইন্না নঙনা মহৌশাবু ঙাক শেল্লবদি মহৌশানসু নঙবু ঙাক শেনবিগনি হায়না ইরম্মী৷
- মহত্ম গান্ধীগী ৱাখল্লোন অদুনা ঐখোয়বু পুক্নিং থৌগৎলদুনা অহিংশা অমসুং শা-ষনশিং অমসুং মহৌশাবু ঙাক শেনবীবা অসি ভারতকী ৱায়েল-পথাপতা লেংদনা লৈহৌরগনি অমসুং তোঙান তোঙানবা লোশিং অমসুং লেজিস্লেসনশিংদসু লৈহৌরগনি৷
- হায়রিবা ৱাখল্লোনশিং অসিনা মরম ওইরগা মালেম পৃথীবীগী কংফালগী শরুক ২.৪% খক্তমক লৈরিবা ভারতনা মালেম অসিদা রেকোর্দ তৌরিবা স্পিসিস ৮%গী চাংদি ভারততা লৈ৷
- মমাংগী দিকেদতা লৈবাক অসিগী উমং অমসুং উগী অপুনবা অদু লৈবাক অসিগী অপুনবা জিওগ্রাফিকেল এরিয়াগী ২৪.৫৬%দা ভারতনা হেঙ্গৎহনখিবা অসি মসিগী ওগস্ত মীফম অসিদা পনবা ফংজবা অসি ঐ অসুক্কী মতিক নুংঙাইজৈ৷
- হৌজিকতি লমলক্তা খ্বাইদগী য়াম্না লৈবা কৈগী মশিং ঐখোয়না ওইরে অমসুং ২০২২ ফাওবগী মনুংদা কৈগী মশিং অসু শরুক অনি ওইরগনি অমসুং ইকুই কুইদ্রিঙৈদা প্রোজেক্ত লাইয়ন অমসুং প্রোজেক্ত দোলফিন লোঞ্চ তৌখ্রে৷
- ভারতনা মাংলুরবা লম অমসুং উ-ৱা হৌরুদ্রবা লম মিলিয়ন হেক্তর ২৬রোম হান্নগী মওংদা লৈহন্নবা পান্দম থম্লি অমসুং ২০৩০ ফাওবগী মনুংদা মাং তাকলুরবা লমশিং অদু হান্নগী ফিভমদা পুরকপা ঙম্লগনি৷
- কনভেন্সন ওন বাইওলোজিকেল দাইভরসিতী(সি.বি.দি.)অসিগী ওবজেক্তিবশিং অসি খঙন্নবগীদমক ভারতনা কমপ্রিহেন্সিব ইন্সতিত্যুসন অমা অমসুং লিগেল সিস্তেম শেমগৎখ্রে৷
- বাইওদাইভরসিতী দোকুমেন্তেসনগীদমক মীয়ামগী বাইওদাইভরসিতীদা রেজিস্তর তৌরবা মিলিয়ন ০.১৭ অমসুং মফম অদুগী মীশিং য়াওদুনা লৈবাক অসি শিনবা থুংনা লৈরিবা বাইওদাইভরসিতী মেনেজমেন্ত কম্মিতী মিলিয়ন ০.২৫গী নেৎৱর্ক্কী খুৎথাংদা সি.বি.দি.গী প্রোবিজনশিং অদু চৎন্নবা অমসুং বেনিফিৎ সিয়ররিং তৌননবা সিস্তেম অমা ভারতনা চৎনবা হৌখ্রে৷
ইকাইখুম্নরবশিং,
- ২০২১দা সি.বি.দি.দা ১৫শুবা পার্তীশিংগী কনফরেন্স অদুদা চৎনগদৌরিবা পোস্ত-২০২০ গ্লোবেল বাইওদাইভরসিতী ফ্রেমৱর্ক অদুনা মহৌশা অসি ঙাক শেন্নবগী অফবা খুদোংচাবা অদু পীরগনি৷
- তেল্লবা চহী অমগী মনুং অসিদা ভারতনা কনফরেন্স ওফ পার্তী(সি.ও.পি.) অনি শেমগৎতুনা বাইওদাইভরসিতী অসি কন্ননবগীদমক ভারতনা অচৌবা থৌদাং লৌখ্রে৷
- ২০২০গী ফেব্রুৱারী থাদা গুজরাতকী গান্ধীনগরদা কনভেন্সন ওন মাইগ্রেতরী স্পিসিস(সি.এম.এস.)কী সি.ও.পি. ১৩না মতুং ইন্দুনা ন্যু দিল্লীদা ২০১৯গী সেপ্তেম্বর থাদা য়ু.এন.সি.সি.দি.গী সি.ও.পি.-১৪ ঐখোয়না শেমগৎখ্রে৷
- কন্সর্ভেসন, সস্তেনেবল লাইফস্তাইল অমসুং গ্রীন দিভেলপমেন্ত মোদেল শিজিন্নদুনা “ক্লাইমেত এক্সন” অসিদা ভারতনা মাংজিল থাদুনা লাক্লি৷
ইকাইখুম্নরবশিং,
“য়ু.এন.গী ৭৫শুবা মপোক নুমিৎ” অসিগী থৌরম অসিদা অমসুং “সস্তেনেবল দিভেলপমেন্তগী এক্সন অমসুং দিলিভেরীগী য়ু.এন. দিকেদ অসি হৌরকপা অসিদা, মহৌশা অসি হান্নগী ফিভমদা হঞ্জিন্ননবগীদমক অমসুং “মহৌশাগা ইংনা চিক্না হিংমিন্নবা” হায়বা ৱাখল্লোন অসি খঙন্নবগীদমক ঐখোয় পুন্না হোৎনমিন্নসি৷
ঐনা অদোম্বু থাগৎচরী৷
(Release ID: 1660903)
Visitor Counter : 114